Ружица Николовска – Kurir.mk

Николовска: Измените на кривичниот законик се штетни измени и очигледно дека со нив власта си подготвува терен за опозиција

Тале Кристо — Tue, 10 Oct 2023 19:03:14 +0000

„Самите измени на кривичниот законик лично сметам дека се штетни измени бидејќи се интервенираше во кривичните дела од областа на корупцијата или т.н коруптивни дела: Да не говорам за тоа како се злоупотреби европското знаменце за толку брзо донесување на вакви измени“, истакна адвокатката Ружица Николовска во вечерашното гостување во емисијата „Топ Тема“ на Телевизија Телма. Таа истакна дека ова е очигледно дека сега во овој момент власта си подготвува некаков терен за понатаму, а што и како времето ќе покаже и ќе биде најдобар показател за сите. „Пред да се направи било каква таква измена за мене лично поготово кога интервенирате во една чувствителна област треба да направите сериозна анализа во смисла да вклучите експерти. Не може тоа да го прави некој зад затворени врати и слично, еве слушаме сега тие кои што биле во таа работна група не се запознаени со сето ова и не учествувале“, рече Николовска. Таа посочи дека условите во затворите се катастрофални. „Состојбата со нашите затвори за жал не е нешто ново и не е од сега и претходно и сега условите се катастрофални и тоа се јавни податоци кои може да ги видите на сите извештаи вклучувајќи на комитетот за превенција од тортура во рамки на Совет на Европа кој има остварени посети овде“, потенцираше Николовска.

Николовска: Институциите си ја префрлаат топката во случајот Мерко, тие не сакаат да го решат проблемот

Ристе Здравков — Wed, 28 Jun 2023 08:46:27 +0000

Морам да укажам дека за жал ова што ни се случува, оваа недоверба во судството, во правосудниот систем, генерално во институциите поврзани со правосудниот сектор, за жал е резултат само заради одредени поединци, вели адвокат Ружица Николовска, во рамки на акцијата Пораки од реалниот живот - Ова е Македонија на денешната трибина насловена „Криминал и корупција“. Николовска посочи дека како адвокат кој речиси секој ден е по ходниците, има перцепција дека одредени предмети знаат да се протуркаат набрзина со кршење на човековите права само да се донесе пресуда, додека пак за некои предмети има молк. Јас како човек кој што буквално секој ден сум по судските ходници мојата забелешка и моја перцепција е дека да одредени предмети знаат да се протуркаат со максимална брзина и буквално со кршење на човекови права само за да се издејствува пресуда без разлика каква и да е, а за разлика од тоа постојат предмети каде што имаат молк. И не само што имаат молкум, туку ова што го гледам последните денови конкретно префрлањето ДКСК, случајот со Мерко, институциите, малку е смешно. Зошто? Затоа што има клучни институции кои си ја префрлаат топката и сега како мали деца не, не сум јас, јас пуштив на време, или не, не сум ни јас, јас не добив на ништо. Сакаме да настапи во суштина да го решиме проблемот, или сакаме само формалистички нешто да пропагираме дека имаме институции, рече таа. Адвокатката Николовска изјави дека била дел од неколку клучни предмети, посочувајќи го предметот за конфискација на имотот на ВМРО-ДПМНЕ, укажувајќи дека за да се конфискува нечии имот треба прво да се докаже дека тој навистина потекнува од одредено кривично дело, што не е случај со овој предмет. Конкретно за предметот во кој е конфискуван имотот на ВМРО-ДПМНЕ. Јас нема да навлегувам во тоа да ја објаснувам постапката. Зборам од правен аспект, за вие да конфискувате нечии имот прво треба да покажете дека тој имот навистина потекнува од одредено кривично дело. Тоа е број еден работа, нагласи таа. Според нејзе правосудниот систем е дојден до тој степен да треба меѓународната заедница или некој странски дипломат да алармира, буквално како што рече да ви кажеме на јазик на кој вие разбирате за нешто да почнете да менувате. Кога би биле во поинакви услови и околности, јас како секој еден човек кој чувствува припадност кон сопствената земја, не би ми било сеедно како некој странски дипломат се меша во внатрешни работи, судство и слично. Но, очигледно е дојдено до тој степен да некој не алармира на таков начин, и знаете каков впечаток има во смисла на тоа мораме да ви кажеме на јазик на кој вие разбирате, за жал, смета Николовска. Очигледно е дека тука имаме глувост па сега доаѓаме да не критикуваат и меѓународната заедница, што е жално во крајна линија и треба да се запрашаме што треба да промениме, заклучи адвокатката Николовска.

Николовска: Одлуката на Апелациониот Суд за организаторите на 27-ми април е професионална

Тале Кристо — Thu, 06 Apr 2023 19:35:42 +0000

„Во конкретниов случај за предметот за организаторите на 27-ми април сакам да укажам една работа. Во соопштението јавно од апелациониот суд во кратки црти е точно наведено зошто одлучиле да го вратат предметот на повторно судење и сметам дека нивното соопштение е професионално. Таму се наведува дека се констатирани повреди на обвинетите по таа кривична постапка“, изјави адвокатката Ружица Николовска во вечерашното гостување во емисијата „24 Анализа“ на Телевизија 24. Таа додаде дека правната теорија велат нешто друго, законите велат нешто друго и точно се знае за вакво кривично дело кои се обележјата „Има селективно осудување на лицата за настаните од 27ми април бидејќи од тие што досега се осудени се навистина селективни. Тоа е заради што е невозможно да се осудат лица како што се полициски службеници и слично што не презеле ни еден акт на насилство а во исто време човекот кој ги отвори вратите на Собранието да не го осудат, па згора на се и да го наградат ,кажа Николовска. Николовска потенцираше дека самиот предмет за настаните од 27-ми април во Суд се протурка на стаклени нозе и брзина каде судењата и рочишта дури и по 12 часа. Како адвокат таа била и казнувана неколку пати и без право на глас.

Николовска: Македонија сака да биде на патот кон ЕУ, меѓутоа не по секоја цена, не со ултиматуми и не со вакви понижувачки сценарија

Ивана Ефремовски — Tue, 12 Jul 2022 19:05:50 +0000

На ваков начин нема да помине никаков предлог, протокол. Иако од власта слушаме дека со многу широки раце отворени го фалат францускиот предлог за патот на Македонија кон Европската Унија. Меѓутоа, или намерно и свесно ги премолчуваат фактите или навистина се слепи, изјави Ружица Николовска на денешниот протест насловен „Ултиматум, НЕ благодарам“.

Николовска додаде дека има неколку работи кои ќе ни пречат и што се за нас штетни. Штетни за нашиот идентитет и за нашите национални интереси.

„Се обидуваат Бугарите да ја читаат историјата како чиста бугарска историја, тоа е содржано во предлогот и доаѓа токму од договорот за добрососедство од 2017та година. Дали тоа значи дека ние треба да го заборавиме нашиот идентитет, да ги избришеме нашите досегашни книги, учебници, филмови и да заборавиме на се ?“, кажа Николовска.

Николовска истакна дека ваков документ како што ни се нуди, на ваков начин не е за доброто на Македонија, напротив тоа е само штетен предлог.

„Ни малку не е наивно тоа што се обидуваат како едно наивно прашање да го вметнат протнувањето и ставањето на Бугарите во Уставот на Република Македонија. Ако тоа го дозволиме, знаете ли што ќе направиме? Ќе дозволиме да ни се истакнуваат бугарски симболи слободно, да ни се зборува на Бугарски јазик овде. Ние имаме наша историја, идентитет и ние имаме нешто што нашите предци го оставиле и не смееме да дозволиме сето тоа да го изгубиме“, вели Николовска.

Таа додаде дека Македонија сака да биде на патот кон Европската Унија, меѓутоа не по секоја цена, не со ултиматуми и не со вакви понижувачки сценарија за нас Македонците.

Николовска потенцираше да не дозволиме ова власт да се однесува кон Македонија како слаба држава да е Македонија, можеби сме мала држава и мал народ но сите имаме големо срце и душа.

„Сакам да упатам една порака до сите сограѓани во Република Македонија од другите националности. Браќа и сестри од други националности, излезете и вие со нас бидејќи ние како Македонци секогаш сме стоеле и ќе стоиме и ќе ви помагаме доколку било кои се обиде да задира во вашиот идентитет, историја и националност. Истото го очекуваме од вас, само на таков начин ќе имаме соживот а оние кои се обидуваат да ви протнат меѓуетнички тензии се излажале за тоа затоа што ние живееме вистински живот“, изјави Николовска.

Николовска до Богоев: Нема покриминална партија од СДСМ, не можете да прејудицирате судски одлуки

Тале Кристо — Thu, 09 Jun 2022 20:37:41 +0000

Јас сум правник и секогаш разговарам со аргументи и правнички, а не со паушални изјави, му порача адвокат Ружица Николовска во случајот Талир2 на потпретседателот на СДСМ Стефан Богоев во вечерашното гостување во емисијата Анализа на ТВ 24. Николовска на обвинувањата на Богоев дека од одлуката за Талир2 судот докажал дека партијата е криминална, му одговори дека тој не може да прејудицира судски одлуки, како и дека нејзиниот став е дека нема покриминална партија од СДСМ. Јас ве разбирам вие сега дадовте пример како сега да сме застанати на пазар, а јас зборувам од аспект на право и закон. Стефан Богоев го слушам прејудицира одлука на Судот и он кажува дека било докажано. Но, не знам можеби они нешто докажуваат. Јас да сум на ваше место не би кажувала така криминална партија, бидејќи мојот став е дека по криминална партија од СДСМ до сега немам сретнато, му рече Николовска на Богоев. На прашањето што ќе биде доколку ВМРО-ДПМНЕ остане без партиско седиште, Николовска истакна дека ниту имотот, ниту пак зградата е ВМРО-ДПМНЕ, туку народот, каузата и идејата. Ниту најмалку не значи дека тој имот, или таа зграда е ВМРО-ДПМНЕ. ВМРО-ДПМНЕ е нешто многу повеќе. ВМРО-ДПМНЕ е народ, кауза, идеја. Прво не сакам да размислувам на такво сценарио, меѓутоа ќе кажам дека не значи дека ако го нема недвижниот имот, дека ќе го нема ВМРО-ДПМНЕ, вели Николовска.

Николовска: Конфискацијата на партиското седиште на ВМРО-ДПМНЕ во случајот Талир2 е политички исконструирана одлука, ниту Обвинителството докажа, ниту судот утврди дека имотот е стекнат нелегално

Тале Кристо — Thu, 09 Jun 2022 19:31:54 +0000

Би сакала најнапред да укажам дека јас сум во тој од неодамна полномошник на политичката партија ВМРО-ДПМНЕ која што во тој процес се јавува како заинтересирана страна. Не случајно го споменувам ова бидејќи токму по предлог на обвинителството да биде вклучена политичката партија ВМРО-ДПМНЕ како заинтересирана страна во процесот, вели Ружица Николовска, адвокат за случајот Талир2, во вечерашното гостување во емисијата Анализа на телевизија 24. Николовска потенцираше дека и покрај тоа што партијата е заинтересирана страна во целиот случај, а не обвинета странка, Судот донесе одлука која наликува дека се суди на ВМРО-ДПМНЕ. За жал она што е мој впечаток и покрај тоа што ВМРО-ДПМНЕ е заинтересирана страна, изгледаше дека се суди на политичката страна ВМРО-ДПМНЕ, а не како да е заинтересирана страна. И тоа е мој впечаток од она што го видов посебно на последното рочиште кое што беше за објавата на пресудата, истакна таа. Во однос на конфискацијата на партиското седиште на ВМРО-ДПМНЕ Николовска рече дека тоа го доживува како политички исконструирана одлука, со низа повреди во судските процедури, укажувајќи дека според нејзе неспорен е фактот дека согласно Законот за кривична постапка може да се конфискува противправно стекнат имот, но во случајот Талир2 ниту обвинителството го докажало тоа, ниту пак Судот утврдил дека истиот е стекнат на нелегален начин. Дел од таа пресуда е токму и конфискација на имотот на ВМРО-ДПМНЕ, односно на седиштето и на уште неколку други објекти, штабови и слично како недвижен имот распространет по повеќе места. Самиот процес во себе, јас ќе напомена во делот кој што се однесува на ВМРО-ДПМНЕ јас го доживеан како политички исконструиран, со тоа што бројни повреди, процесни барем во оној дел во кој јас присуствував, изјави таа. За мене лично е неразумна таа одлука во делот на конфискација на имотот на политичката партија заради тоа што се суди на две физички лица и не успеав јас да видам од она што јас се кажа во таа судска сала дека токму од нивните противправни дејствија како што судот смета дека од тие противправни дејствија е настанат тој имот. Така да неспорно е дека согласно ЗКП дека секоја противправна имотна корист ќе се конфискува што е стекнат или секој имот кој е стекнат со кривично дело. Но, овде тоа не се докажа, ниту обвинителството го докажа, ниту судот го утврди, туку тоа е насочен атак кон ВМРО-ДПМНЕ, децидна е Николовска. Николовска нагласи дека ваквата одлука нема да ги обесхрабри и како политичка партија ќе ги искористи сите законски можности и ќе ја обжалат пресудата. Како политичка партија нема да не обесхрабри таквата одлука и напротив се што стои како законска можност на наша страна ќе биде искористено. Жалосно е тоа што го гледате тој процес како јавност, вам ви се презентираат некои сегменти и носите некои свој заклучок, меѓутоа кога сето тоа ќе се погледа низ призма на правни аргументи и согласно одредбите од ЗКП е тогаш ситуацијата е малку поинаква, додаде таа. Факт е дека ВМРО-ДПМНЕ во тој процес не беше ниту обвинета странка, ниту во својство на обвинет, а се објави таква пресуда, вели Николовска.

Николовска: Јовески одмолче се’ за можна партиска номинација за Уставен Суд?

Дарко Андоновски — Fri, 09 Jul 2021 11:16:27 +0000

Една од главните причини за тонењето на Македонија во криминал и корупција, за што алармираат сите релевантни фактори, е фактичкото не функционирање на ЈО водено од Љубомир Јовески, ова денеска преку прес-конференција го истакна Ружица Николовска од ВМРО-ДПМНЕ. -Јовески е де факто еден од главните виновници за растот на криминогеноста. Наместо столб во демократијата што ја штити и претставува еднаквоста пред законите, Јовески го претвори ЈО во владина подружница коешто печати обвиненија по желба и нарачка на Илинденска број 2. За жал продолжува праксата на Зоран Заев и СДСМ, Уставниот суд да преставува уште едно Јавно претпријатие со можност за партизација, односно место за париско наградување и унапредување на свои послушници. Уште едно место за наградување за оние коишто ја виткаат кичмата пред власта, Зоран Заев и СДСМ, оние коишто ја втурнаа Македонија во растечки криминал и корупција. Љубомир Јовески, човекот со амбиција, а можеби и со од Заев ветено унапредување во Уставниот суд, ќе остане запаметен како човек што не отвори уста за ниеден случај, за ниеден скандал за којшто имаше индиции за висока корупција, корупција со вмешаност на министри, функционери, премиер! Јовески, немиот сведок на сопственото прислушување во ЈО, ќе остане запаметен како Републички Jавен обвинител којшто ја подвитка кичмата пред Катица Јанева и пред Зоран Заев којшто се прогласи за главен реформатор во правосудството, вели Николовска. Таа додава дека Љубомир Јовески не отвори и не реши ниту еден предмет поттикнат од јавноста или од опозицијата, Јовески не отвори ниеден предмет од висок јавен интерес, Јовески премолчи предмет за изборно мито, документиран со видео изјава, Јовески премолчи преквалификација на случај на Поткуп, го премолчи Рекет, го премолчи скандалозниот криминоген а документиран случај ШИК Јелак, каде има јасни недвосмислени индиции коишто водат до врвот на коруптивната и криминалната пирамида. -Но, Јовески премолчи се’ што сега според него треба да оди на контото на партиска номинација за место во Уставниот суд! Јовески не презема дејства за кои што е задолжен и за коишто дал заклетва. Јавен обвинител којшто свесно и намерно непостапува, прави тешки злоупотреби на службената положба и овластување. ЈО е ОБВРЗАН САМ да почне да дејствува, дотолку повеќе ако се работи за криминогени дејствија за НАСТАНИ ОД ВОНРЕДНО ЈАВНО ЗНАЧЕЊЕ, како што се избори, изборни поткупи, корупција и криминал на високи државни функционери. ЈO е ДОЛЖЕН да презема предистражни дејствија за утврдување на околностите за сознанија за кривични дела и тоа е опис и попис на неговата функција ЈО. Со нестручно и несовесно работење повеќепати e направена свесна злоупотреба на службената должност. Јовески со сето тоа и со сиот багаж за низа скандали и документирани предмети, наместо да цели кон Уставниот суд, до сега требаше да биде цел на Советот на Јавни обвинители. Македонија нема да напредува се додека има неми Јавни обвинители коишто својот мандат го трошат на допаѓање на криминоген премиер, коишто чекаат диктирани обвиненија и дозвола за покренување на дејствија, за да може во замена да добијат место во Уставниот суд. Јовески како и можната негова кандидатура за Уставниот суд е еклатантен пример како една држава како Македонија тоне на сите меѓународни мерења, потенцира Николовска.

Николовска: Жалбата за казната во случајот „27 април“ е прифатена од страна на судот во Стразбур, очекувам да биде донесена правилна одлука

Дарко Андоновски — Tue, 11 May 2021 11:52:29 +0000

Атвокатот Ружица Николовска преку статус на Фејсбук пишува дека жалбата по повод казнувањето во предметот „27 април“ е прифатена од страна на Стразбур и истата ќе биде разгледана со што се надева дека ќе донесе правилна одлука. -Во предметот познат во јавноста ,,27 април,, како еден од највисоко профилираните кривични предмети во македонското судство, ние адвокатите бевме казнувани при пружањето на нашата одбрана спрема клиентот. На едно од одржаните рочишта, токму јас како бранител бев казнета од страна на претседателот на советот, судијата Добрила Кацарска, заради наводно ,,иронично,, обраќање кон судот, и ми беше изречена парична казна во висина од 500 евра. По искористување на сите домашни правни средства за оспорување на таквата одлука, и се разбира ниту една од домашните одлуки не беше во моја корист, освен издвоеното мислење од еден од уставните судии, поднесов жалба до Европскиот суд за човекови права повикувајќи се на повреда на член 10 од Европската Конвенција односно повреда на слободата на изразување. Мојата жалба е прифатена од страна на Судот во Стразбур и истата ќе биде разгледувана, за што искрено се надевам дека ќе биде донесена правилна одлука, посебно што Судот ја препознава важноста и сензитивноста на слободата на изразување! Сакам да појаснам дека адвокатурата претставува уставна категорија и ние како адвокати сме должни да ги штитиме правата и интересите на секој наш клиент. Па така, секое неосновано казнување и заплашување со казна спрема бранителот, претставува обид за замолчување. Имено, ограничувањето на слободата на мисла и јавното изразување на мислата мора да биде пропорционално на легитимната цел и пред се, неопходно во едно демократско општество, за да може таквото ограничување да се смета за допуштено. Крајно, оваа правна битка не ја водам само за себе, туку за сите адвокати и за нашата заложба за почитување на законите и почитување на правата и слободите на секој еден поединец, вели таа во својот статус.

Во предметот познат во јавноста ,,27 април,, како еден од највисоко профилираните кривични предмети во македонското... Posted by Ruzica Nikolovska on Tuesday, May 11, 2021

Николовска: Со случајот Мијалков и со други слични судски процеси, власта го урниса правниот систем во државата

Ивана Ефремовски — Thu, 25 Feb 2021 20:11:09 +0000

Ние видовме една ситуација како Сашо Мијалков се појавува пред Обвинителството, со големо жалење и со желба да се пријави. Не знам кој поверува во сето тоа. Мене на пример навредена ми е интелигенцијата. Она што е суштински овде, имаме Закон и не станува збор за ничија желба, ниту слобода да некој избира каде ќе сака да подигнува решение. Обвинителството, исто како и обвинетиот е странка во постапката. Судот е тој кој што одлучува по предлог на ОЈО. Што значи, дека судот е тој што го носи решението. И странката е должна да го прими во судот. Од тој момент почнуваат да течат роковите за жалба. Па, која е ова небулоза да дојде некој пред Обвинителство и таму да си го земе решението. Тоа е надвор од разум и надвор од секоја правна логика, вели адвокатката Ружица Николовска во емисијата “Вин-вин” на Телма телевизија. Таа истакна со тоа само се замајува јавноста и на ваков начин институциите на обвинетиот Сашо Мијалков му даваат повластена положба во однос на други. -Еве за споредба само со предметот “27 април”, со тогаш обвинет,а сега затворен Јане Ченто на кој му беше одредена мерка домашен притвор. Доаѓаат полициски службеници и констатираат дека во период од 20 минути Јане Ченто не бил дома. Експресно таа мерка му се заменува со затворски притвор. Ова го кажувам дека полицијата или МВР игра клучна улога во вакви постапки, рече таа. Изјавата пак, на Премиерот Зоран Заев дека Мијалков бил притиснат и затоа се вратил, според Николовска е еклатантен пример на мешање на извршната во судската власт. -Со овој и со слични на овој предмет, го урнисаа правниот систем во државата. Може за некои кои се не познавачи на правото, тоа да биде браво Премиерот го стиснал и тој се вратил. Но, правниот систем не функционира така. За да му одземете имот на некој, тоа мора да биде низ законска постапка, истакна таа.

Адвокат Николовска: Судовите и обвинителствата не се во сопственост на Зоран Заев, тоа се институции на народот

Дарко Андоновски — Wed, 23 Sep 2020 18:20:50 +0000

И денешниов, вечерашниов протест го започнавме исто така како и изминатите од пред зградата на министерството за правда. Објектот кој треба да биде синоним на третиот столб на демократијата но за жал денеска е министерство за неправда. Власта на СДСМ и Зоран Заев имаа време од четири години – период во кој имавме и видовме огромен број на случаи и на сомневања за криминал. Дали нешто преземаа и дали доби некој од тие случаи судски епилог? Не, мои браќа и сестри. Не, доби. И знаете што тоа беа такви криминали да не ги наредувам сите, и да не ги набројувам. Почнувајќи од бизнисот со марихуана па се до сомнителни продажби на недвижен имот. Видовме Луј Витон судство и многу други криминални афери, ова вечерва на масовниот протест на ВМРО-ДПМНЕ го истакна адвокатката Ружица Николовска. -И дали испорачаа правда? Прашувам дали се испорача правда? Во предметот познат во јавноста како „27 април“? Нашите браќа лежат во затвор, за тој предмет. Дали можеби испорачаа правда во смешната казна за т.н. Боро Малборо за шверц со цигари? Кога згора на се и го наградија, му доделија лиценца за да води бизнис со марихуана. Дали испорачаа правда за случајот „Рекет“? Не! Не испорачаа, туку напротив, знаете што, еве гледаме како обвинителите водат лична војна со ВМРО-ДПМНЕ. Гледаме селективна правда и селективен пристап. Но она што сакам исто така да го кажам, како човек кој што секојдневно е токму во оваа зграда и онаа онаму, по ходниците и по судските сали, имаме и ние чесни судии, имаме и професионалци. Но за жал, за сметка на оние кои решиле да работат под диригентската палка на Зоран Заев и власта на СДСМ го рушат кредибилитетот на судството и независноста на судството. Слушнавме власта зборува за прочистување на судството, какво прочистување? Упатува порака дека можеби ќе бидат прочистени оние кои нема да постапуваат по нивниот налог? Тоа ли е прочистување на судството? Пред малку слушнавте накратко, но сакам да ви кажам лично за тоа што кај мене доаѓаат такви луѓе. Секојдневно се врши притисок и мобинг врз луѓето вработени во државниот и во јавниот сектор. Им се делат откази, се прераспоредуваат на работни места кои им се оддалечени и повеќе од 120 километри од нивното место на живеење. Па, драги господа од власта, сакаме да ве прашаме дали истото вакво прераспоредување го правите и за вашите деца? Дали за синови и ќерките на вашите членови на партијата вака ќе ги прераспоредите? Не, нив нема да ги прпераспоредите, вели Николовска. Таа додава дека ние денеска станавме општество на заробена мисла. И затоа денеска сме сите ние во волкав број овде присутни. За да го изразиме незадоволството од неправдата, од селективниот пристап и од сите криминали и афери кои на крајот на нашиот грб се сведуваат. -Сакаме да и порачаме на власта дека нашата бескомпромисна борба за чесност и за правда и еднаквост за сите ќе продолжи! И уште една работа да и порачаме на власта, овие судови овде и обвинителствата не се друштва со ограничена одговорност во нивна приватна сопственост за да некој ги менаџира како сака. Тоа се институции за граѓаните, и за заштита на нашите права. Затоа ќе продолжиме да се бориме додека оваа ненародна власт не ја тргнеме. Да живее Република Македонија!, рече Николовска.