рузвелтова – Kurir.mk

Арсовски: СДСМ во пакетот за 218.000 евра ќе продаде и имот на Рузвелтова кој чини над 300.000€

Тале Кристо — Thu, 23 Dec 2021 11:20:12 +0000

СДСМ сака АД Славија да ја продаде за 218.535 евра, со целиот свој имот и земјишта и сите објекти кои што вредат над 20 милиони евра. Објектот е позади мене, инаку стара Славија на Рузвелтова, вреди, само ова земјиште вреди многу повеќе од 218.000 евра за сумата за која што сакаат сите земјиште и објект да ги продадат, изјави денеска портпаролот на ВМРО-ДПМНЕ Димче Арсовски. Во продолжение интегрален текст и видео од изјавата на Арсовски: Почитувани, Ова е трет важен објект на АД Славија кое го таргетирале да го приствојат преку купување на акциите блиски луѓе од СДСМ. Објектот е позади мене, инаку стара Славија на Рузвелтова. Да потсетиме уште еднаш дека СДСМ сака АД Славија да ја продаде за 218.535 евра, со целиот свој имот и земјишта и сите објекти кои што вредат над 20 милиони евра. Замислете, оваа локација позади мене, трета која ја презентираме по ред, стара Славија на Рузвелтова позната помеѓу скопјани, изнесува стотици метри квадратни објект кој е во постапка на приватизација, а кој потоа преку АД Славија ќе може да изврши и откуп на земјиштето под објектот односно со целиот двор кој што им следува. Јавно прашуваме, дали оваа локација која е на АД Славија, со стотици метри квадратни објекти и уште толку земјиште кое треба да и припадне на АД Славија, дали вреди многу повеќе од 218.000 евра? Да, вреди, само ова земјиште вреди многу повеќе од 218.000 евра за сумата за која што сакаат сите земјиште и објект да ги продадат. Само ова земјиште позади со објектот според одредени проценки чини над 300.000 евра. Значи 300.000 евра на сред Рузвелтова во Скопје. Ова што се обидува власта да го направи со продажбата на АД Славија е вистински криминал во најава, раскрчмување на државниот имот и обезвреднување пред продажбата. За ова некој сериозно ќе одговара. Затоа, повикуваме, јасно и гласно, уште веднаш, денес, да се стопира одлуката за продажба на АД Славија под вакви услови, каде што СДСМ ќе ја оштети државата заедно со своите пиуни кои што ќе бидат вмешани во овој криминал за 20 милиони евра, односно ќе се здобие некој близок на СДСМ до власта со имот од над 20 милиони евра, за само 218.000 евра. Веднаш, уште денес, да се стопира продажбата на АД Славија. Тоа е решението на овој криминал во најава да не се случи и да не се оштети државата. Откажување од продажба под вакви околности, инаку доколку не се откаже ќе има соодветни поднесоци до институциите за сите одговорни кои што ќе бидат директно или индиректно инволвирани во овој криминал во најава за да сносат одговорност. Нека бираат, чесна работа за граѓаните и државата или затвор, порача Арсовски.

ФОТО: Сообраќајка на Рузвелтова, се преврте полициско возило

Ивона Петрова — Sat, 10 Jul 2021 07:31:28 +0000

Полициско возило рано утринава се преврте на улицата „Франклин Рузвелт“ во близина на Зоо Скопје. Неофицијално, од засега непознати причини возачот изгубил контрола над возилото, по што истото се превртело на улицата. Според првичните информации повредени се тројца полициски службеници кои биле пренесени во болница. Утрината, со возило на Пајак службата, полицискиот автомобил беше отстранет од местото на несреќата. Повеќе детали во текот на денот се очекуваат од Министерството за внатрешни работи.

ДЕТАЛИ ЗА СООБРАЌАЈКАТА НА РУЗВЕЛТОВА: Загубил контрола над автомобилот, па сам се забил – тешко повредени млади Скопјани

Дарко Андоновски — Sat, 26 Jun 2021 09:52:34 +0000

На 26.06.2021 во 02.30 часот во СВР Скопје било пријавено дека на крстосница од ул.„Васил Ѓоргов“ и ул.„Франклин Рузвелт“, С.Р.(25) од с.Инџиково, скопско, управувајќи патничко возило „форд“ со скопски регистарски ознаки, излетал од коловозот. Во незгодата возачот и сопатничката С.Ѓ.(24) од Скопје се здобиле со тешки телесни повреди, констатирани во Ургентен центар при комплекс клиники „Мајка Тереза“. Увид на местото извршила екипа од СВР Скопје.

МВР со детали за сообраќајката на Рузвелтова во која загина млад доктор

Ивона Петрова — Thu, 15 Oct 2020 09:43:37 +0000

Министерството за внатрешни работи денес соопшти официјални информации за сообраќајната несреќа која се случи вчера, а во која животот го загуби младиот доктор Трајче Нешковски. Според информациите, полицијата добила пријава околу 16:45 часот дека на ул.„Франклин Рузвелт“ се случила собраќајна незгода помеѓу „Цитроен“, со гостиварски регистарски ознаки, управуван од Т.Н.(32) од Гостивар и „Опел“, со струмички регистарски ознаки управуван од Г.К.(34) од с.Просениково, струмичко. -Т.Н. се здобил со тешки телесни повреди по што бил пренесен на Комплексот клиники „Мајка Тереза“, каде починал. Со телесни повреди се здобила Г.К., констатирани во Градската општа болница „8 Септември“, информираат од МВР. Извршен бил увид на местото на незгодата од увидна екипа од СВР Скопје и Јавен обвинител, по чија наредба телото на починатиот е предадено за обдукција. Дел од медиумите повикувајќи се на болнички извори вчера објавија дека починатиот Нешковски доживеал срцев удар пред несреќата додека управувал со возилото. Доктор Нешковски бил пулмолог и работел во Ковид центарот во Козле.

Запалени два автомобили на Рузвелтова

Магдалена Андонова — Tue, 22 Sep 2020 16:55:01 +0000

Два автомобили изгореле вчера во Скопје, информираше МВР. -На 22.09.2020 околу 03.30 часот во СВР Скопје било пријавено дека на ул.„Франклин Рузвелт“ настанал пожар во патничко возило „фолксваген поло“,сопственост на Х.Х.(22) од Скопје и во патничко возило „тојота“,сопственост на А.Т.(68) од Скопје,велат од полицијата. Увид бил извршен и се работи на расчистување на случајот.

Моторџија удрен на Рузвлетова

Ристе Здравков — Thu, 03 Sep 2020 13:56:11 +0000

Сообраќајна несреќа се случи на булеварот Рузвелтова во близина на поранешно СЈО. Во несреќата се судриле автомобил и мотор, но засега нема информации дали возачот на мотор и другите учесници се здобиле со повреди. Моторот се уште се наоѓа соборен на улицата, а сообраќајот се одвива отежнато. фото: vecer.mk

Детали за сообраќајната несреќа на „Рузвелтова“

Дарко Андоновски — Fri, 09 Aug 2019 08:14:43 +0000

Две лица се повредени во сообраќајната несреќа што се случила рано утрово на улицата „Френклин Рузвелт“ во Скопје. Како што соопштуваат од СВР Скопје за „Република“, во судирот учествувале две возила, „голф“ со скопски регистерски таблички управуван од 23-годишниот скопјанец Б.Л. и „хјундаи“ со гостиварски таблички управуван од А.М. од Кичево. Во несреќата и двајцата возачи се здобиле со телесни повреди.

ВНИМАВАЈТЕ: Страшна сообраќајка утрово на „Рузвелтова“- задниот дел од автомобилот целосно смачкан (ФОТО)

Дарко Андоновски — Fri, 09 Aug 2019 06:12:42 +0000

Страшна сообраќајна несреќа се случила рано утринава на булеварот „Рузвелтова“ во скопски Карпош. Според информациите од терен на новинарската екипа на КУРИР станува збор за сообраќајна несреќа во која учествувале два автомобили, од кои едниот е веќе отстранет, а другиот е речиси смачкан во задниот дел. Поради полицискиот увид и контрола, на фотографиите не може да се види смачканиот дел од задната страна на автомобилот од марката „Форд“. Инаку во моментов се уште трае увидот и сообраќајот по булеварот се движи отежнато. За сега нема информации дали има повредени.

Ограбен маркет на „Рузвелтова“

Дарко Андоновски — Thu, 01 Aug 2019 14:39:17 +0000

Маркет на улицата „Франклин Рузвелт“ во Скопје синоќа е ограбен од засега непознато лице, соопшти полицијата. Случајот е пријавен околу 21 часот. Разбојникот влегол во маркетот и го одзел дневниот промет. Се преземаат мерки за расчистување на случајот.

Си го оставил возилото на „Рузвелтова“, па му го украле

Ивана Ефремовски — Tue, 15 Jan 2019 14:09:38 +0000

На 14.01.2019 година во 22:00 часот во Полициската станица Центар, Д.Г.(40) од Скопје пријавил дека истиот ден во времето од 20:30 до 20:35 часот пред маркет на улица „Рузвелтова“ непознат сторител одзел патничко возило „Ауди А4“ со скопски регистарски ознаки, сопственост на Е.Б. од Скопје. Пријавителот го оставил возилото да работи и влегол во маркетот, а непознато лице влегло во незаклученото возило и заминало во непознат правец. Се преземаат мерки за пронаоѓање на возилото и за целосно расчистување на случајот.