сад – русија – Kurir.mk

Захарова до Трамп: Да почнеме со уништување на американското оружје

Даниел Василев — Wed, 11 Apr 2018 14:07:14 +0000

Портпаролката на руското Министерство за надворешни работи, Марија Захарова коментирајќи го твитот на американскиот претседател Доналд Трамп за прекин на трката во вооружување, истакна дека тоа е „одлична идеја“. - Постои предлог да се почне со уништување на хемиското оружје. Американското, напиша Захарова. Таа исто така го комениташе и првиот денешен твит на Трамп, со кој тој и порача на Русија да се подготви за „нови и паметни ракети“ во Сирија. - Американските паметни ракети за кои зборува претседателот на САД, Доналд Трамп би можеле да ги уништат сите докази за употребата на хемиско оружје во Сирија. Паметните ракети би требало да летаат кон терористите, не кон легитимно избрана Влада, која со години се бори против тероризмот на своја територија, истакна Захарова. Односите помеѓу САД и Русија се влошија по извештаите за хемиски напад во сирискиот град Дума, за што е обвинет режимот на Башар ал Асад, кој има поддршка од Моска.

Захарова: Американските паметни ракети ќе ги уништат сите докази во Сирија

Даниел Василев — Wed, 11 Apr 2018 12:08:33 +0000

Американските паметни ракети за кои зборува претседателот на САД, Доналд Трамп може да ги уништат сите докази за употребата на хемиско оружје во Сирија, вели Марија Захарова. -Паметните ракети би требало да летаат кон терористите, не легитимно избраната влада која со години се бори против тероризмот на својата територија, истакна портпаролката на руското Министерство за надворешни работи. Захарова со тоа му одговори на Трамп кој на Русија и порача да се подготви за нови, убави и паметни ракети во Сирија. Односите меѓу двете држави се заострија, а во моментот се можеби и најлоши по наводите за хемиски напад во сирискиот град Дума, за кој е обвинет режимот на Башар ал Асад, кој пак е поддржан од страна на Русија.

Трамп и се закани на Русија: Подгответете се за ракети

Даниел Василев — Wed, 11 Apr 2018 11:42:42 +0000

Американскиот претседател Доналд Трамп твитна дека Русија треба да се подготви за ракети кои ќе бидат испалени кон Сирија, како одговор за наводниот напад со хемиско оружје во градот Дума. Руски претставници се заканија дека ќе ги соборат американските ракети. Трамп претходно вети воена акција. Претседателот Башар ал Асад и неговата влада, која доби воена поддршка од Русија демантира каква било вклученост во хемиските напади. Во твитот, Трамп го нарече Асад животно кое убива со гас. Во саботата сириски активисти, спасувачи и лекари соопштија дека градот Дума бил цел на напад со хемиско оружје. Светската здравствена организација соопшти дека повеќе од 500 луѓе биле погодени од хемискиот напад, како и дека 70 луѓе загинале во нападот. СЗО побара непречен пристап во градот.

Russia vows to shoot down any and all missiles fired at Syria. Get ready Russia, because they will be coming, nice and new and “smart!” You shouldn’t be partners with a Gas Killing Animal who kills his people and enjoys it!
— Donald J. Trump (@realDonaldTrump) April 11, 2018