Трамп: Ништо нема да и платиме на Турција за ослободување на Брансон

Предраг Кукиќ — Fri, 17 Aug 2018 11:07:05 +0000

Американскиот претседател Доналд Трамп изјави дека САД „ништо нема да и платат“ на Турција за ослободување на американскиот свештеник Ендрју Брансон. Трамп го нарече Брансон „голем патриотски заложник“. - Ништо нема да платиме за ослободување недолжен човек, наведе Трамп на Твитер. Белата куќа ја повика синоќа Турција да го ослободи Брансон за да се смират дипломатските и економски тензии меѓу двете држави. Турската лира денеска се намали на 5,86 лири за долар од претходните 5,81 лири за долар бидејќи инвеститорите анализираат ново предупредување на САД според кое Турција може да очекува дополнителни економски санкции ако не го ослободи американскиот свештеник Брансон. Лирата ослабна 35 отсто спрема доларот оваа година што е во најголема мера последица од влошувањето на односите меѓу двете НАТО сојузнички поради апсењето на Брансон во Турција. (МИА)

Анкара со остри рекации на најавите на САД за санкции ако не ослободат американски пастор

Даниел Василев — Fri, 27 Jul 2018 07:14:56 +0000

Портпарол на турскиот претседател Реџеп Тајип Ердоган изјави синоќа дека администрацијата на САД нема да го постигне саканиот резултат откако најавија санкции за Анкара ако не ослободат американски пастор кој е во притвор. – САД треба да размислат за своите потези и да прифатат конструктивен став, пред да нанесат повеќе штета на своите интереси и на сојузништвото со Турција, изјави портпаролот Ибрахим Калан. Американскиот претседател Доналд Трамп и се закани на Турција со „големи санкции“ ако „веднаш“ не го ослободи американскиот пастор осуден за тероризам кој за Вашингтон стана симбол на верски прогон во светот. – Никој не може да и наредува на Турција. Нема да трпиме ничии закани, изјави турскиот министер за надворешни работи Мевлут Чавушоглу. За Трамп американскиот пастор Ендрју Брунсон е „голем христијанин и татко на семејство“ кој „силно страда“. – Тој недолжен верник мора веднаш да биде пуштен на слобода, објави на Твитер откако ја критикуваше минатонеделната одлука на турски суд кој одлучи да го задржи во притвор додека трае судењето што почна во пролетта. Брунсон беше притворен во Турција во 2016 година. МИА

САД – Турција – Kurir.mk

Трамп: Ништо нема да и платиме на Турција за ослободување на Брансон

Анкара со остри рекации на најавите на САД за санкции ако не ослободат американски пастор