САД – Kurir.mk

САД очекуваат интензивирање на копнената операција на Израел

Тале Кристо — Sat, 04 Nov 2023 09:54:11 +0000

Американската влада очекува кампањата на Израел против Хамас во Појасот Газа да влезе во нова фаза во наредните денови, се наведува во извештај на американски медиуми. Си-Ен-Ен јави, цитирајќи висок владин функционер во Вашингтон, дека администрацијата на американскиот претседател Џо Бајден очекува намалување на воздушните напади и посилен „тактички фокус на копнената кампања“. Официјалниот претставник рече дека целта најверојатно ќе биде да се уништи огромната мрежа од комплекси на подземни тунели на Хамас. Додека хуманитарната помош продолжува да се испорачува во Појасот Газа, американската влада очекува „намалување на она што го видовме“ во однос на масовните израелски воздушни напади. Од нападите на 7 октомври на палестинската екстремистичка група Хамас, која владее со Појасот Газа, Израел соопшти дека нападнал повеќе од 12.000 цели. Во меѓувреме, копнените трупи напредуваат и против терористите на Хамас и воени цели. Израел ги објави своите планови да го уништи Хамас откако неговите милитанти во серија напади убија 1.400 луѓе и држат 249 заложници.

САД прогласија поранешени косовски функционер за непожелна личност

Тале Кристо — Fri, 03 Nov 2023 20:29:10 +0000

САД денеска објавија дека го прогласиле поранешниот косовски функционер Неџат Красниќи како неподобен за влез во земјата поради неговата вмешаност во „значителна корупција“. Стејт департментот објави дека Красниќи, поранешен директор на Одделот за набавки во Министерството за трговија и индустрија на Косово, „ја злоупотребил својата јавна позиција примајќи мито во замена за склучување договор за доделување на изградба на индустриски парк во општина Глоговац за компанијата Елтона“. Тој потег како што се наведува, „покажува дека САД стојат со оние во Косово кои бараат одговорност од корумпирани јавни функционери“. „Оваа ознака ја потврдува посветеноста на САД во борбата против корупцијата, која го загрозува јавниот интерес, го попречува економскиот просперитет на земјите и ја ограничува способноста на владите ефективно да одговорат на потребите на граѓаните“, се додава во соопштението. Заедно со Красниќи, неговите деца, ќерката Аулјона и синот Олти Красниќи, се исто така прогласени за неподобни за влез во САД.

Блинкен: САД ќе испратат дополнително оружје и опрема во Украина

Катерина Бојаџиева — Fri, 03 Nov 2023 19:26:49 +0000

САД ќе и достават на Украина дополнително оружје и опрема за нејзината континуирана борба против руската инвазија, изјави денеска американскиот државен секретар Ентони Блинкен. Најавеното оружје во вредност од 125 милиони долари доаѓа во време на очекувањата за нова воена помош за Киев. Последната транша оружје е можна бидејќи претседателот Џо Бајден ги користи своите овластувања за итни случаи за да ги пренесе вишокот артикли од резервите на САД, без одобрение на Конгресот.

Претставничкиот дом на САД изгласа помош од 14,3 милијарди долари за Израел

Ивона Петрова — Fri, 03 Nov 2023 06:44:10 +0000

Претставничкиот дом на американскиот Конгрес усвои нацрт-закон за испраќање итна помош за Израел во вредност од 14,3 милијарди долари. За усвојување на законот гласаа 226 конгресмени, а против 196, пренесе порталот „Хил“. Водачот на мнозинството во Сенатот, демократот Чак Шумер, го нарече законот „длабоко погрешен“ и додаде дека Сенатот нема да го прифати. Демократите се противат на усвојувањето на законот бидејќи тој не вклучува помош за Украина и ќе доведе до намалување на буџетот за Даночната управа на САД. Американскиот претседател Џо Бајден претходно се закани дека ќе стави вето на законот, тврдејќи дека е „лош за Израел, за регионот на Блискиот Исток и за националната безбедност на САД“.

САД „енергично“ ја осудуваат „антисемитската“ толпа во руски Дагестан

Ристе Здравков — Mon, 30 Oct 2023 13:13:35 +0000

САД ги осудуваат „антисемитските протести“ што го потресоа аеродромот во Дагестан, откако се проширија гласини дека таму слетал авион од Израел, изјави портпаролката на Советот за национална безбедност на Белата куќа. „САД недвосмислено стојат со целата еврејска заедница додека сме сведоци на светски пораст на антисемитизмот. Никогаш нема никакво оправдување за антисемитизмот“, напиша таа на X (Твитер) за синоќешниот обид за напад на евентуални израелски граѓани. BREAKING: The lynch mob which stormed the airport in Dagestan, Russia to search for Jews as a plane was landing from Tel Aviv has found its first “suspected Jew” He tells them he is Uzbek, but they don’t believe him “Take his passport, search his phone” pic.twitter.com/9gKteyKFz0 — Visegrád 24 (@visegrad24) October 29, 2023 Шеесет лица се уапсени откако толпа упадна на аеродромот во главниот град на руската кавкаска република Дагестан, Махачкала барајќи Евреи и извикувајќи антисемиски пароли. Антисемитска толпа синоќа упадна на аеродромот во Махачкала, откако таму слета авион од Тел Авив. Според медиумите, оние кои упаднале на аеродромот извикувале антисемитски слогани и вееле палестински знамиња.

Вашингтон пост: САД извршија притисок врз Израел да ги вклучи комуникациските мрежи во Газа

Ивана Ефремовски — Mon, 30 Oct 2023 07:08:15 +0000

САД извршија притисок врз Израел да ги обнови комуникациите во Газа, откако беа исклучени во петокот вечерта додека израелските сили ја почнаа првата фаза од својот копнеен упад во енклавата, пишува Вашингтон пост, цитирајќи американски официјален претставник. Официјалниот претставник вели дека Израел не навел причина за исклучување на комуникациските врски. „Јасно ставивме до знаење дека мора повторно да се вклучат комуникациите“, изјави американскиот функционер за весникот. Според медиумот, израелските власти подоцна извршиле повторно вклучување на комуникациските мрежи. Палестинските медиуми доцна синоќа јавија дека дел комуникациски врски во северниот дел на Газа повторно се прекинати. (МИА)

Мајк Пенс се повлекува од претседателската кампања за изборите во 2024 година

Ивона Петрова — Sat, 28 Oct 2023 19:43:33 +0000

Поранешниот потпретседател на Соединетите aмерикански држави, Мајк Пенс денеска објави дека ќе се повлече од трката за претседател во 2024 година. Тој ја објави информацијата во Лас Вегас, Невада, за време на годишниот самит на Републиканската еврејска коалиција. Теоријата на Пенс за кандидатурата беше едноставна - тој се раздели со тогашниот претседател Доналд Трамп на 6 јануари 2021 година и повторно се фокусираше на клучните конзервативни принципи кои ја основаа модерната Републиканска партија со Роналд Реган, неговиот политички модел, пишува CNN. -Дојдов овде да кажам дека ми стана јасно дека ова не е мое време. Затоа, по долго размислување, решив да ја прекинам кампањата за претседател, рече Пенс на сцената на конвенцијата во Лас Вегас. Пенс не успеа да добие поддршка меѓу голем број републикански кандидати, од кои најголем останува поранешниот претседател Доналд Трамп.

САД воведоа нови санкции кон Хамас

Катерина Бојаџиева — Fri, 27 Oct 2023 11:50:08 +0000

САД воведоа втор круг санкции против функционери и финансиската мрежа поврзана со Хамас. „Денешната акција ја нагласува посветеноста на САД за разбивање на мрежите за финансирање на Хамас со распоредување на нашите органи за санкции против тероризмот и во соработка со нашите глобални партнери за да му се ускрати на Хамас можноста да го искористува меѓународниот финансиски систем“, рече заменик-секретарот за финансии Воли Адејемо.

Економијата на САД во третото тримесечје пораснала со најбрзо темпо во изминатите две години

Ивона Петрова — Thu, 26 Oct 2023 15:47:02 +0000

И покрај прогнозите за претстоечка рецесија американската економија во третото тримесечје годинава растела со најбрзо темпо во изминатите речиси две години покажувајќи ја својата отпорност. Бруто домашниот производ на САД во третото тримесечја пораснал за 4.9 отсто, соопшти денеска Министерството за трговија на САД. Во второто тримесечја пак економијата пораснала за 2.1 отсто. Аналитичарите очекуваат економската силина на САД да се соочи со предизвици. Зголемените каматните стапки, војните во Украина и на Блискиот исток и можностите од делумна блокада на владата (shutdown) идниот месец, како и продолжителните работнички штрајкови се фактори што можат да предизвикаат економски процепи. Од министерството укажаа дека во текот на летото Американците активно трошеле на такви работи како посета на популарни концерти и филмови во кино. Одржливата потрошувачка се должи на силниот пазар на трудот и заштедите акумулирани по владината помош за време на Ковид-19 пандемијата и одржувањето на минимум на каматни стапки за станбнени кредити. Можеби ќе биде тешко да се одржи растежот. Орочувањето на десетгодишна американска хартија од вредност достигна 5 отсто, за прв пат во 16 години. Тоа влијае на трошоците за заем на станбени кредити, кредитни картички, кредити за коли и бизнис, што може да ја намали изнанедувачки отпорната економија. За да се справи со инфлацијата, Федералните резреви (американската Централна банка) ги подигна каматните стапки до 5.5 отсто во јули, највисоко во 22 години. Инфлацијата се заузда - растот на цените на храната и енергијата пораснала за 2.4 отсто, речиси постигнувајќи ја целта на Фед од 2 отсто. Банката најави дека има планови два пати да ги намали каматните стапки во 2024 година, за стабилизација на берзите и можно засилување на куповната моќ на оние кои сакаат да купат свој дом.

Кина им порача на САД дека не смеат да се мешаат во нејзините проблеми со Филипини во Јужно Кинеско Море

Тале Кристо — Thu, 26 Oct 2023 11:10:23 +0000

САД немаат право да се мешаат во проблемите меѓу Кина и Филипините, соопшти денеска кинеското Министерство за надворешни работи за тензиите околу спорните води во Јужното Кинеско Море. -САД не се страна во прашањето на Јужното Кинеско Море, тие немаат право да се мешаат во проблемот меѓу Кина и Филипините, изјави портпаролот на министерството Мао Нинг на редовниот брифинг со новинарите како одговор на прашање за американската порака дека ќе ги брани Филипините. Кина и Филипините имаат неколку големи спорови во Јужното Кинеско Море, првенствено во спорните води околу вториот атол Томас Шоал, дел од островите Спратли. Во неделата кинески брод се судри со филипински брод, по што Манила најостро ги осуди „опасните маневри за блокирање“ на кинескиот брод. -Ветувањето на САД дека ќе ги бранат Филипините не смее да го наруши суверенитетот и поморските интереси на Кина во Јужното Кинеско Море и не смее да поттикнува незаконски претензии од Филипините, кажа Нинг. Портпаролот на филипинското Министерство за надворешни работи допрва треба да одговори на барањето за коментар. Американскиот претседател Џо Бајден вчера во Белата куќа изјави дека посветеноста на САД за одбраната на Филипините е „цврста како железо“, откако ја обвини Кина дека дејствува „опасно и незаконски“ во Јужното Кинеско Море. -Секој напад врз филипински авиони, бродови или вооружени сили ќе го активира... нашиот договор за заемна одбрана со Филипините, рече Бајден на заедничката средба со австралискиот премиер.