садам хусеин – Kurir.mk

ВИДЕО: Ќерката на Садам Хусеин одлучи да проговори, тајните на лидерот на Ирак стануваат јавни

Ивона Петрова — Fri, 12 Feb 2021 11:47:39 +0000

Саудискиот канал „Ал-Арабија“ открива приказни во кои ќе говори Рагад Садам Хусеин, ќерката на починатиот претседател на Ирак, Садам Хусеин. Телевизија емитува промо материјал во кој Рагад ги отвора куферите на своите тајни, сеќавањата на палатата на нејзиниот татко во времето на мирот, но и војната. Во едно од видеата, Рагад изразува загриженост за единството на својата татковина, Ирак, но и страв од поделби. -Вознемирена сум и не сакам да го гледам ова што денес го гледам, вели таа. Првиот дел од интервјуто е најавено дека ќе се емитува во понеделник на 15 февруари.

Иранскиот претседател го спореди Трамп со Садам Хусеин

Тале Кристо — Wed, 23 Dec 2020 10:59:15 +0000

Иранскиот претседател Хасан Рохани денеска го спореди својот американски колега со починатиот ирачки диктатор Садам Хусеин, јави ДПА. – Во поновата иранска историја, двапати моравме да се справиме со двајца лудаци … (Доналд) Трамп и Садам (Хусеин), рече Рохани. Тој дополни дека едниот го вовлекол Иран во војна (1980-88), другиот во економска војна. – Садам беше погубен заради неговите злосторства … Судбината на Трамп нема да изгледа многу подобро, оцени Рохани. – На крајот, Иран беше победник и во двете војни, рече иранскиот претседател. – Садам беше во можност да ги окупира југот и југо-западот на Иран, а Трамп не успеа да ги спроведе своите планови за промена на режимот, оцени Рохани. Тој истакна дека поради осумгодишната војна меѓу Иран и Ирак, Иран морал да инвестира со години во реконструкција на своите погранични покраини, но дека санкциите што ги вовел Трамп биле уште полоши. Според Техеран, во изминатите две години имало повеќе од 1.500 санкции. Тие го втурнаа Иран во најтешката економска криза во неговата историја. Сепак, Рохани се надева дека наследникот на Трамп, Џо Бајден, и ќе се врати на нуклеарниот договор во Виена од кој Трамп еднострано се повлече во 2018 година и ќе ги укине санкциите кон Иран, пренесува ДПА.

Почина ,,десната рака” на Садам Хусеин

Магдалена Андонова — Mon, 26 Oct 2020 21:31:02 +0000

Почина Езат Ибрахим ал-Дури, вториот човек на режимот на Садам Хусеин, „кралот треф “ на мапите на официјалните лица од 2003 година, баран од Американците, соопшти денеска неговата партија и ќерката на ирачкиот диктатор. Човекот за чија глава САД понудија награда од 10 милиони долари за време на инвазијата што ја собори партијата Баас, која беше на власт во Ирак од 1968 година, бил во бегство. Ниту една изјава со која се објавува неговата смрт не го наведува местото или причината за смртта. Рагад Садам Хусеин, најстарата ќерка на ирачкиот диктатор, објави на Твитер дека жали за другарот од борбата, Езат Ибрахим. Партијата Баас исто така издаде соопштение во кое се објавува смртта на потпретседателот на револуционерната команда и потпретседателот на Ирак во 2003 година. Гласините за смртта на ал-Дури се појавиле неколку пати во минатото, но секој пат биле демантирани од официјални лица или приврзаници на поранешниот режим. По 2003 година, партијата Баас одигра клучна улога во востанието против Американците, а потоа се приближија до џихадистичката група Исламска држава (ИД), која беше воено поразена во Ирак кон крајот на 2017 година.

Внуката на Садам Хусеин напиша книга за нејзиното семејство

Дарко Андоновски — Tue, 09 Apr 2019 05:59:02 +0000

Луѓето имаат погрешна претстава за она што се случило во Ирак, изјави внуката на поранешниот ирачки лидер Садам Хусеин, Харер Хусеин Камел која се надева дека нејзината нова книга ќе ја расветли вистината за нејзината земја и семејство. – Избрав да напишам книга за да ја кажам вистината. Историјата на мојата земја е погрешно претставена, рече Харер Хусеин Камел објаснувајќи дека се чувствува одговорна да го разјасни начинот на кој бил прикажан Ирак и нападите на нејзиното семејство. – Одлучив да ја раскажам приказната за моето семејство кое се обидоа да го дискредитираат, рече таа. Садам Хусеин владееше со Ирак речиси 25 години, по што беше симнат од власт со инвазија предводена од САД во 2003 година, а подоцна беше погубен. Тој е обвинет за кршења на човековите права за време на неговиот мандат.