садови – Kurir.mk

Мало невнимание може да ви направи огромен проблем во кујната: РАБОТИ кои никогаш не треба да ги фрлате во мијалникот

Ивана Ефремовски — Wed, 22 Mar 2023 21:27:32 +0000

Покрај тоа што не е добро да ставате чинии полни со храна во него, не е добро да пуштате некои видови храна и хемикалии во одводот бидејќи може да ја оштетат цевката. Првото нешто што никогаш не треба да го фрлате во одводот се маснотиите – тоа е многу штетно за цевката, но и за околината. Може да се стврдне и да формира блокада што е многу тешко да се отстрани. Почекајте да се згусне и стврдне на собна температура, па фрлете ја во ѓубре. Едно нешто што повеќето луѓе го фрлаат во одводот е талогот од кафе, но тој се однесува како маснотија – делува како тиња и го затнува вашиот одвод. Фрлете го во ѓубре или искористете го за нешто друго. Никогаш не ги фрлајте остатоците од храната, особено коските, во одводот. Коската може да ја пробие цевката, а тоа ќе го предизвикаат насобраните остатоци од храна. За крај, ако имате стари лекови, подобро е да ги носите на специјализирани депонии отколку да ги испуштите во одводот.

Сите ја правите ОВАА ГРЕШКА кога ги миете садовите во машина

Ивана Ефремовски — Mon, 26 Dec 2022 20:07:17 +0000

Претежно секој има навика да ги мие садовите пред да ги стави во машина за перење. Но, експертите ја сметаат оваа работа за непотребна, која само троши пари и време. Машините се дизајнирани да чистат многу извалкани садови, а со прескокнување на рачно перење, ќе заштедите енергија, вода, време и детергент. Во една студија, тие имале задача да тестираат дури 17 различни машини за миење садови и ефикасноста на отстранување на тврдоглавите дамки. Во една ставија многу валкани садови, кои претходно не ги измиле. Речиси сите машини успешно ја елиминираа целата нечистотија и заклучокот беше дека претходното плакнење може да доведе само до контраефекти - дека машината не ги мие правилно садовите. „Повеќето машини имаат вграден сензор за откривање нечистотија на садовите и соодветно прилагодување на миењето“, вели експертот за чистење Дин Дејвис. Ако сензорот открие дека нема многу нечистотија на садовите (бидејќи претходно сте ги измиле), машината нема да ја заврши работата како и обично.

Иако ги перете во машина, садовите сепак имаат ДАМКИ И ФЛЕКИ? Проверете дали правите ваква грешка!

Ристе Здравков — Fri, 23 Dec 2022 08:52:27 +0000

Се смета дека повеќето луѓе ги мијат валканите садови пред да ги стават во машина за перење, но експертите велат дека со тоа си прават непотребна обврска, а исто така се трошат пари и време. Современите машини и детергенти се дизајнирани да ги чистат садовите кои се навистина валкани, а ако не ги исплакнете садовите пред да ги ставите во машината, ќе заштедите време, пари, енергија и вода. Поради ова, експертите тврдат дека миењето на садовите е навистина непотребен чекор. Истражувачите спроведоа серија тестови со 17 различни машини за миење садови. Ги наполниле со садови кои имале најтврдоглави дамки, без претходно да ги измијат со вода. Се испостави дека повеќето од машините завршија одлична работа и беше заклучено дека поради предплакнењето, машините нема да ги исчистат правилно садовите. Експертот за чистење и организирање во Fantastic Cleaners, Дин Дејвис, вели дека „повеќето машини имаат вграден сензор за откривање нечистотија на садовите и соодветно прилагодување на перењето“. Ако сензорот открие дека нема многу дамки и нечистотија на садовите затоа што претходно сте ги измиле, машината можеби нема да го направи своето. Покрај тоа, течноста за миење садови содржи и состојки кои ги разбиваат честичките од нечистотија кои се лепат на садот. Меѓутоа, миењето на садовите прво го прави детергентот помалку ефикасен. Не заборавајте дека непотребно трошите вода ако ги исплакнете садовите пред да ги ставите во машината.

Три грешки кои сите ги правиме: Машината за перење садови треба да се користи на овој начин!

Ристе Здравков — Mon, 05 Sep 2022 13:20:16 +0000

Денес, многу домаќинства имаат машина за миење садови, што им ја олеснува работата на многу домаќинки. И покрај тоа што постојат толку многу години, многу луѓе сè уште ги прават истите грешки што ги валкаат судовите. AO World, компанија која продава електрични апарати, објави видео на TikTok во кое експерт за електрични апарати ги издвои најчестите грешки што ги прават луѓето кога ставаат садови во машината. Едно од најчестите е миењето садови! Тие истакнаа дека кога миете чинии, или други садови, детергентот нема за што да се „фати“, па се „тиња“ на садовите и затоа вашите садови ја имаат таа заматена боја со дамки кога ќе ги извадите од машина. Огромна грешка правиме и кога ги ставаме чашките преку „шилците“ кои се меѓу преградите, бидејќи по правило треба да стојат меѓу тие жици, а не одозгора. Уште еден совет дадоа, велат дека е важно во која насока ги вртите садовите во машината. Експертите велат дека сите садови треба да бидат свртени кон центарот на машината бидејќи оттаму доаѓа млазот на водата, па садовите ќе бидат подобро измиени и сјајни.

Садовите не треба да се мијат со сунѓер, научник открива и зошто е тоа опасно

Ивона Петрова — Sun, 12 Jun 2022 17:26:59 +0000

Ако садовите ги миете рачно, сигурно користите сунѓер за таа намена. Но, дали знаевте дека на него се собираат многу повеќе бактерии отколку што мислите? Норвешкиот научник Тронд Морерто од Институтот за истражување храна, на оние кои користат сунѓер за садови им препорачува веднаш да го фрлат. Овој популарен предмет, како што вели научникот, е опасен бидејќи на него се развива салмонела и некои други бактерии, особено ако сунѓерот го користите секој ден па тој речиси никогаш не е сув. Влажните услови во внатрешноста на сунѓерот се совршено место за развој на бактерии,иако најголем дел не се опасни за луѓето, сепак од салмонела може да се разболите. -Еден сунѓеро може да содржи повеќе бактерии отколку што има луѓе на Земјата. Влажен е и ги собира остатоците од храна кои исто така се и храна за бактериите, што доведува до нивно брзо размножување, објаснува норвешкиот научник. Вели дека чистењето на сунѓерот не прави голема разлика, а единствен начин за да обезбедите целосна хигиена е секој ден да имате нов сунѓер за садови што е скапо и лошо за околината. Најдобро решение, доколку немате машина за садови или не можете секој ден да ја вклучувате, е да користите четка за садови која брзо се суши и на неа бактериите не можат долго да живеат.

Како подобро да пере машината за садови: Една состојка ќе ги отстрани дамките, бигорот и наслагите!

Ристе Здравков — Wed, 16 Mar 2022 06:15:44 +0000

Машините за миење садови, како и повеќето други апарати за домаќинство, имаат потреба од одржување. Бигорот, остатоците од храна и наслаги од таблети и други средства за перење оставаат траги, па со текот на времето ефектот на машинското перење слабее. Сепак, за тоа постои решение, кое како и обично е во природата. Најдобро е да користите лимон за да ги отстраните овие проблеми. Лимонската киселина ги чисти бигорот, а во исто време ги остава садовите неверојатно чисти и сјајни. Доволно е да ги ставите половините од искористените лимони, односно без сок и семки, на горната полица во машината за перење и да ги измиете садовите по вообичаена постапка. Освен што помагате за отстранување на бигорот и подобро миење на садовите, на овој начин го намалувате кујнскиот отпад. Дури и ако не сте успеале да го искористите лимонот пред да се расипе, исцедете го сокот во садот со него, но и кората, ставете го во машина и измијте ги садовите. Треба да се напомене дека семките треба да се изостават, бидејќи може да се исушат, да се акумулираат, па дури и да се заглават во одводите на машината. Користете го овој трик повремено, бидејќи неконтролираното користење на лимонот и неговиот сок, поточно киселоста, може да влијае на гумата на вратата на овој кујнски апарат. Доволно е еднаш месечно.

Не ги фрлајте пластичните садови: Со овој трик ќе ја отстраните и најлошата маснотија (ВИДЕО)

Ивана Ефремовски — Fri, 07 Aug 2020 13:49:10 +0000

Без сомнеж ви се има случено да оставите прастичен сад кој никако не можете да го измиете, најчесто тоа се случува од мрснотија која секако е тешка да се отстрани. На својот ТикТок профил, Американката Ади Кемплер со пријателите споделила трик кој на многумина ќе им го олесни животот. Во садот кој е ‘проблематичен’, ставете детергент за садови, топла вода и убрус. Кога ќе ставите сè, затворете го садот со капак и тресете кон сите правци една минута. Тргнете го капакот, извадете го убрусот и исплакнете го садот кој ќе ве изненади со својата чистота. Убрусот ја собира целата маснотија за време на процесот во кој го тресете садот во сите правци.

@adikemplerThis hack has saved so many of my Tupperware friends. Try it!!!! ##fyp ##cookingvideos ##cookinghacks ##lifehacks ##hacks ##stainremover ##foryou ##foryoupage ♬ original sound - adikempler

Ваквото миење НЕ ги дезинфицира садовите: Следете ги овие упатства!

Ивана Ефремовски — Mon, 30 Mar 2020 09:48:01 +0000

Додека ги миете садовите со топла вода и детергент, сигурно мислите дека ги оставате чисти и дезинфицирани. Не сакаме да ви носиме лоши вести, но денес особено важно е да се напомене дека повеќето средства за миење садови немаат антибактериски својства. Тоа е вистина, па дури и да сте ги потопувале и триеле со сета сила. Вашите чисти садови може да се всушност легло на бактерии, вируси и нечистотии. Во повеќето случаи ова не е причина за загриженост, но ако некој во вашиот дом неодамна бил болен или на штиците и чиниите сте приготвувале свежо месо, мора да се погрижите се’ да биде навистина дезинфицирано. Како да бидете сигурни дека садовите се потполно чисти и сигурни за употреба? Следете ги овие упатства!

Користете машина за садови ако ја имате

Иако постои дебата околу тоа што ги мие подобро садовите, машината или рацете, сепак, ако треба да одредиме кој уништува повеќе бактерии, машината е сигурен победник! Можеби таа не е најдобар начин на отстранување дамки и остатоци од храна, за време на миењето може да постигне многу повисока температура од таа што вашите раце би можеле да ја поднесат. Водата е еден од најважните фактори за уништување бактерии. За да бидат бактериите уништени, температурата на водата треба да биде над 60 степени. Извор: Убавина и здравје

Овие предмети од домаќинството имаат многу пократок рок на траење отколку што мислите

Ивана Ефремовски — Sat, 02 Mar 2019 20:45:18 +0000

Некои предмети од домот кои ги користиме мора веднаш да ги исфрлиме од употреба или да ни останат само за спомен, затоа што нивниот рок на траење одамна завршил и не смееме повеќе да ги употребиме. -Дрвен прибор за готвење Рок на траење: до 5 години или кога ќе забележите напукнувања, промена на боја или почувствувате дека површината на одредени делови неповратно омекнала. Не заборавајте дека дрвото е порозен материјал кој впива мирис, влага, но и бактерии. Затоа дрвениот прибор треба веднаш да се мие по употреба, не треба предолго да стои воден меѓу нечисти садови и не треба да се суши на влажно место. -Гумена или силиконска мистрија Рок на траење: до 2 години или кога ќе променат боја, напукнат или кога ќе почнат да се кинат. Мистријата има еден голем хигиенски проблем. Повеќето од нив се направени од 2 дела – дршка и глава. Спојот меѓу тие два дела е местото во кое влегуваат остатоци од намирници кои ги користиме и тој дел тешко се чисти. Кога ќе забележите дека има талог кој не може да го отстраните, тогаш е време за нова мистрија. -Садови со нелеплива површина Рок на траење: до 3 години или кога ќе забележите дебели гребаници, кога површина почнува да се лупи и да влегува во храната. Ако сакате да го продолжите векот на траење на ваквите садови, задолжително покријте го со хартија пред да ставите други садови во него. Ако сте во можност, држете ги обесени на ѕид или на некоја друга површина. -Пластични штици за сечење Рок на траење: до 3 години или кога траговите од ножот ќе станат толку длабоки што веќе од нив не можете да ги исчистите остатоците од храна. Не заборавајте дека за секој вид производ ви треба посебна штица. На онаа за риба или месо не приготвувајте овошје или зеленчук и обратно, за можните бактерии од месото и рибата да не ги заразат и другите производи. -Мали кујнски ножици Рок на траење: до 5 години или кога ќе за`рѓаат, имаат климава дршка или кога нема да можете да ги наострите повеќе. Овие повеќенаменски ножици често се во употреба, скоро секојдневно ги користиме и поради тоа лесно се трошат – особено оние со назабена острица. За да им го продолжите векот на траење, еднаш неделно задолжително брусете ги.

Веднаш фрлете ги: Овие предмети од домаќинството имаат многу пократок рок на траење отколку што мислите

Катерина Бојаџиева — Fri, 01 Mar 2019 18:12:47 +0000

Некои предмети од домот кои ги користиме мора веднаш да ги исфрлиме од употреба или да ни останат само за спомен, затоа што нивниот рок на траење одамна завршил и не смееме повеќе да ги користиме. 1. Дрвен прибор за готвење Рок на траење: до 5 години или кога ќе забележите напукнувања, промена на боја или почувствувате дека површината на одредени делови неповратно омекнала. Не заборавајте дека дрвото е порозен материјал кој впива мирис, влага, но и бактерии. Затоа дрвениот прибор треба веднаш да се мие по употреба, не треба предолго да стои воден меѓу нечисти садови и не треба да се суши на влажно место. 2. Гумена или силиконска шпатула Рок на траење: до 2 години или кога ќе променат боја, напукнат или кога ќе почнат да се кинат. Мистријата има еден голем хигиенски проблем. Повеќето од нив се направени од 2 дела – дршка и глава. Спојот меѓу тие два дела е местото во кое влегуваат остатоци од намирници кои ги користиме и тој дел тешко се чисти. Кога ќе забележите дека има талог кој не може да го отстраните, тогаш е време за нова мистрија. 3. Садови со нелеплива површина Рок на траење: до 3 години или кога ќе забележите дебели гребаници, кога површина почнува да се лупи и да влегува во храната. Ако сакате да го продолжите векот на траење на ваквите садови, задолжително покријте го со хартија пред да ставите други садови во него. Ако сте во можност, држете ги обесени на ѕид или на некоја друга површина. 4. Пластични штици за сечење Рок на траење: до 3 години или кога траговите од ножот ќе станат толку длабоки што веќе од нив не можете да ги исчистите остатоците од храна. Не заборавајте дека за секој вид производ ви треба посебна штица. На онаа за риба или месо не приготвувајте овошје или зеленчук и обратно, за можните бактерии од месото и рибата да не ги заразат и другите производи. 5. Мали кујнски ножици Рок на траење: до 5 години или кога ќе за`рѓаат, имаат климава дршка или кога нема да можете да ги наострите повеќе. Овие повеќенаменски ножици често се во употреба, скоро секојдневно ги користиме и поради тоа лесно се трошат – особено оние со назабена острица. За да им го продолжите векот на траење, еднаш неделно задолжително брусете ги.