саџид џавид – Kurir.mk

Џавид: Нема да се кандидирам на следните избори во Велика Британија

Дарко Андоновски — Fri, 02 Dec 2022 13:56:15 +0000

„Нема да се кандидирам за реизбор на следните избори во Велика Британија“, напиша денеска на Твитер поранешниот британски министер за финансии и кандидат за претседател на Конзервативната партија, Саџид Џавид, пренесоа британските медиуми. Следните избори во Велика Британија се планирани за 2024 година. Џавид, поранешен банкар и голем застапник на либерализирање на пазарот, имаше неколку позиции во британската Влада и е ценет функционер меѓу членовите на Конзервативната партија. Џавид е припадник на втората генерација пакистански имигранти, а на референдумот гласаше за останување на Велика Британија во ЕУ.

Џавид: Омикрон се шири со исклучителна брзина

Ивона Петрова — Mon, 13 Dec 2021 08:43:39 +0000

Новиот сој на коронавирусот Омикрон се шири со исклучителна брзина, така што луѓето треба да добијат дополнителна доза од вакцината бидејќи двојно вакцинираните лица се ранливи, изјави денеска британскиот министер за здравство Саџид Џавид. Иако Џавид рече дека досега нема потврдени смртни случаи во Англија, тој додаде дека околу 40 отсто од заразените во Лондон се со Омикрон и дека здравствените услуги ќе бидат преоптоварени доколку владата не преземе мерки. „Она што го знаеме за Омикрон е дека се шири со исклучителна брзина, нешто што досега не сме го виделе, на секои два или три дена бројот на заразени се удвојува. Тоа значи дека се соочуваме со бран на инфекција, повторно сме во трка меѓу вакцини и вируси“, рече Џавид за Скај њуз. Во телевизиска изјава, британскиот премиер Борис Џонсон рече дека секој постар од 18 години ќе може да добие трета доза од вакцината до крајот на овој месец. Претходната цел беше крајот на јануари. „Се плашам дека сега е јасно дека две дози вакцина едноставно не се доволни за да го обезбедат нивото на заштита што ни треба“, рече Џонсон.

Саџид Џавид нов министер за внатрешни работи на Велика Британија

Матеја Петровски — Mon, 30 Apr 2018 10:46:46 +0000

Саџид Џавид, е назначен за нов министер за внатрешни работи на Велика Британија, откако Амбер Руд поднесе оставка, јави Би-Би- Си. Џавид е син на пакистански мигрант, кој во 60-тите години на минатиот век дошол во Велика Британија и работел како возач на автобус. Џавид досега бил и министер за локална самоуправа и домување. Тој бил поранешен извршен директор на Дојче банка. Руд поднесе оставка поради обвинувањата дека ги довела во заблуда застапниците во поглед на третманот со имигрантите. (Миа)