сае тигар – Kurir.mk

ВИДЕО: „Тигрите“ спасија повреден планинар на Осоговските планини, со хеликоптер на МВР пренесен во Клинички

Ивона Петрова — Sat, 07 Oct 2023 18:12:47 +0000

Полициски службеници од Хеликоптерската единица за полициски намени и Алпинистичкиот тим од Одделот за специјални полициски операции – САЕ Тигар денес попладне успешно спроведоа спасувачка акција на Осоговските планини. -Во попладневните часови било пријавено дека лице кое планинарело се здобило со повреди и не можело да се движи. Веднаш по добиената пријава, Алпинистичкиот тим на САЕ Тигар со хеликоптер пристигна на местото на несреќата, го подготви повреденото лице за транспорт и со хеликоптерот од Хеликоптерската единица за полициски намени го пренесе до хелиодромот во Комплекс клиники „Мајка Тереза“ во Скопје каде е предадено за укажување лекарска помош, информира МВР.

Ковачевски: САЕ „Тигар“ е на врвот на приоритети во однос на развој и унапредување на безбедносните служби

Ристе Здравков — Mon, 13 Mar 2023 13:10:17 +0000

Претседателот на Владата на Република Северна Македонија, Димитар Ковачевски денеска присуствуваше на свеченост по повод денот на формирањето на Специјалната антитеористичка единица „Тигар“. Во чест на 13 март, премиерот изрази благодарност до специјалците-Тигри, за нивната пожртвуваност и исклучителен придонес за безбедноста на Република Северна Македонија и на сите граѓани. „Живееме во време полно со безбедносни предизвици и тие не се разликуваат од оние со кои се соочуваат полициите во регионот, во Европа, полициите на нашите партнерски земји од НАТО. Веќе втора година светот се соочува со појава на негативни безбедносни сценарија. Водечка е отворената агресија на европско тло и кризите што произлегуваат од неа, наша обврска како земја членка на НАТО е навремено да се прилагодиме на ваквите случувања. Во последниве пет години Специјалната антитерористичка единица „Тигар“ е на врвот на приоритетните планови и концепти по однос на развојот и унапредувањето на полициската безбедносна служба. Она со што се горедеме е дека САЕ „Тигар“ со својата врвна стручност и професионално извршување на задачите не се разлкува од европските полиции, тоа досега во повеќе наврати го имаат докажано и покажано за време на врвните обуки во земјава и во странство“, истакна Ковачевски. Премиерот посочи дека Владата во континуитет ќе продолжи да вложува во единицата, бидејќи задача на Владата е да обезбедува услови за безбедна работа на специјалците. „Кога станува збор за вашата заштита и безбедност, не штедиме, вам не треба ништо да ви недостига. Се што придонесува за ваша побрза и поефикасна работа како и досега ќе се обезбедува, бидејќи за вашите резултати и постигнување на високо ниво на безбедност, наша задача како Влада е да ви ги обезбедиме најдобрите услови за работа. Во насока на континуирано мотивирање на припадниците на специјалните единици, неколкукратно беа зголемени платите. Континуирано од 2017 година се исплаќаат бонус плати, за оствaрени над 150 часа прекувремена работа на годишно ниво. За припадниците на Одделот за специјални полициски операции се исплаќаат патни трошоци за оние кои живеат надвор од градот Скопје, како и исплата на дневници за службени патувања. Во септември 2022 година беше зголемена платата за 5% за сите вработени во МВР. Во февруари годинава започна прибирањето на податоци за вработени коишто оствариле над 150 часа прекувремена работа на годишно ниво, за бонус плата за 2022 година, во поединечен износ од околу 500 евра, што претставува зголемување на износот од безмалку 40% споредбено со бонус платата од 2017 година, благодарение на континуираното зголемување на минималната плата во државата“- рече премиерот. Министерот Спасовски истакна дека кога се зборува за елитна полициска формација во безбедносниот систем на државата, станува збор за Специјалната антитерористичка единица ТИГАР при Бирото за јавна безбедност на Министерството за внатрешни работи, која зад себе има 42 години исполнети со бројни активности, специјализирани меѓународни обуки, врвни акции и полициски операции. „Храбро чекорејќи во петтата деценија од своето постоење, Специјалната антитерористичка единица ТИГАР се профилираше во високоспецијализиран тим на обучени полициски службеници, секогаш беспрекорно подготвени да се спротивстават на новите предизвици во борбата против тероризмот и организираниот криминал, како најголема закана на новото време. Досегашните резултати, пак, се уште еден показател дека ТИГАР како единица е позиционирана рамо до рамо со истородните формации од Европа и светот, парирајќи им како во стандардите на опременост и стручност, така и во врвно професионалното полициско постапување”, истакна министерот Спасовски.. Командантот на САЕ „ТИГАР“, Драган Прокоповски изрази благодарност на раководството на МВР, бидејќи од првиот момент го препознало значењето на Специјалната антитерористичка единица – Тигар и што вложувањето во неа е неизоставен дел од приоритетите на министерство во континуитет. „Во изминатава година и покрај големата економска криза, раководството на МВР изнајде начини и средства за реализација на повеќе проекти, меѓу кои:Подобрување на условите за престој и работа во Единицата, преку санација и реновирање на нејзини делови, при што дел од градежните работи се комплетно завршени, а дел се во завршна фаза; Набавени се нови специјализирани комби возила кои упадните и другите специјализирани тимови ги користат за извршување на најразлични задачи; Се изврши доопремување на полигоните за обука преку набавка и монтажа на вагони, односно елементи од тубуларни системи. Набавена е голема количина на муниција од сите калибри на оружје со кои располага единицата, со што ги интензивираме тренинзите со што ќе го одржиме високото ниво на подготвеност“-.истакна Прокоповски. Тој истакна и дека во делот на подмладување и надополнување на единицата беше спроведен селективен курс за избор на нови припадници, кој после 8 месеци посветена работа, успешно го завршија 11 полициски службеници и заслужено го добија амблемот на единицата.

Спасовски: Кога зборуваме за елитна единица, зборуваме за САЕ „ТИГАР“

Ристе Здравков — Mon, 13 Mar 2023 13:08:18 +0000

Денеска, во Касарна Илинден Скопје се оддржа свечено одбележување на 13 Март - Денот на формирањето на Специјалната Антитерористичка Единица- „ТИГАР“ и 42 години од постоењето на Единицата, во присуство на претседателот на Владата на Република Северна Македонија, Димитар Ковачевски, министерот за внатрешни работи Оливер Спасовски, заедно со највисокото раководство во МВР, како и високи претставници од Владата и Генералштабот на Армијата, амбасадори и полициски аташеа при амбасадите во земјава, поранешни команданти на Единицата, семејствата на загинатите припадници на Единицата и бројни гости, соработници и пријатели на Специјалната антитерористичка единица ,,Тигар“ при Бирото за Јавна безбедност во рамките на МВР. Пред спомен плочата на загинатите припадници на САЕ-,,ТИГАР“ беше положено цвеќе од страна на официјалните делегации од Влада, МВР и семејствата на загинатите припадници на Единицата, како и од делегацијата на Министерството за безбедност на Босна и Херцеговина предводена од министер за безбедност на БиХ, Ненад Нешиќ. „Денес сите ние со гордост стоиме пред вас. Безбедноста на граѓаните ни е најважна, но како Влада подеднакво ни е важна и вашата безбедност почитувани припадници на специјалната антитерористичка единица Тигар. Наша задача како Влада е да ви ги обезбедиме најдобрите услови за работа. Она со што се гордееме е дека САЕ Тигар со својата врвна стручност и професионално извршување на задачите не се разликува од европските полиции, тоа досега во повеќе наврати го имаат докажано и покажано. За вас не постои горна граница на постигнувања бидејќи секогаш се стремите да бидете подобри и јас ви честитам за тоа”, рече премиерот Ковачевски во своето обраќање. Министерот Спасовски истакна дека кога се зборува за елитна полициска формација во безбедносниот систем на државата, станува збор за Специјалната антитерористичка единица ТИГАР при Бирото за јавна безбедност на Министерството за внатрешни работи, која зад себе има 42 години исполнети со бројни активности, специјализирани меѓународни обуки, врвни акции и полициски операции. „Храбро чекорејќи во петтата деценија од своето постоење, Специјалната антитерористичка единица ТИГАР се профилираше во високоспецијализиран тим на обучени полициски службеници, секогаш беспрекорно подготвени да се спротивстават на новите предизвици во борбата против тероризмот и организираниот криминал, како најголема закана на новото време. Досегашните резултати, пак, се уште еден показател дека ТИГАР како единица е позиционирана рамо до рамо со истородните формации од Европа и светот, парирајќи им како во стандардите на опременост и стручност, така и во врвно професионалното полициско постапување”, истакна министерот Спасовски. Командантот на Специјалната антитерористичка Единица ТИГАР Драган Прокоповски истакнувајќи ја храброста и пожртвуваноста на припадниците на Единицата, потсети на седумте припадници на Специјалната антитерористичка единица-Тигар кои вршејќи ја својата должност, штитејќи го уставниот поредок, мирот и безбедноста, ги загубија своите животи. „Оваа огромна загуба тлее во секого од нас, а споменот за нив, за нивното дело и жртвата што ја дадоа ќе живее засекогаш. Тие храбри срца живеат во срцата на сите припадници на нашата единица, бидејќи како што вели слоганот испишан на спомен плочата подигната во нивна чест “Сите даваме по нешто, но некои, односно токму тие, “дадоа се”. Тие се синоним за пожртвуваност и храброст и пример за сегашните и идни генерации. Тие се наши херои и никогаш нема да бидат заборавени”, рече командантот Прокоповски, при што ја изрази својата благодарност до раководството на МВР, заради тоа што од првиот момент го има препознаено значењето на Специјалната антитерористичка единица – Тигар, па вложувањето во неа е неизоставен дел од приоритетите на ова раководство на МВР. Од страна на припадниците на САЕ – ТИГАР беше реализирана и видео презентација на активностите на Единицата за 2022 година, а во знак на одбележување на 42 години од формирањето на Единицата беа доделени и плакети, благодарници и награда за најдобриот припадник на Единицата за 2022 година. Министерот за внатрешни работи Оливер Спасовски додели плакета на Н.Е. Килиан Вал - амбасадор, Шеф на мисијата на ОБСЕ во Скопје. Воедно, беа доделени плакети на припадниците за 5, 15, 20 и 25 години служба во Единицата, а од страна на Македонскиот полициски синдикат беа доделени пригодини подароци и плакети на двајца припадници на САЕ Тигар кои годинава заминуваат во пензија. На крајот од свеченото одбележување присутните се упатија кон Спомен куќата на САЕ „ТИГАР“.

42 години од формирањето на САЕ „Тигар“

Ивона Петрова — Mon, 13 Mar 2023 06:43:02 +0000

Специјалната антитерористичка единица „Тигар“ денеска во касарната „Илинден“ одбележува 42 година од формирањето. На 13 март 1981 година за првпат во Министерството за внатрешни работи беше формирана во рамките на тогашниот републички секретаријат за внатрешни работи на СР Македонија Единицата за специјални задачи под името „Тигар“. Нејзина примарна цел при формирањето била посебни задачи, обезбедување на јавни личности, справување со кризи, специјални задачи за кои не била подготвена тогашната милиција, а подоцна за антитероризам, специјални задачи како на пример диверзантски акции, инфилтрирање позади линијата на непријателот, обезбедување на терен, подготовка на терен за воени дејствија на останати воени државни структури, приведување и апсење на криминалци или личности барани од законот, нуркање, извлекување на давеници, затрупани во лавини, експлозиви, и кучиња трагачи, обезбедување на лица од витално значење. Во поново време единицата беше надградена со воена метода за решавање на воени конфликти надвор од урбана средина. На 13 март 2021, покрај 40 годишниот јубилеј од формирањето на единицата, Единица за специјални задачи (ЕСЗ) беше преименувана во Специјална антитерористичка единица (САЕ). САЕ Тигар е организирана како посебна единица во Бирото за јавна безбедност со намена за: Планирање и извршување најсложени задачи во борба против тероризмот Решавање заложнички ситуации и ситуации со забарикадирани опасни лица Апсење криминалци и криминални групи Решавање ситуации во случај на пружање отпор со огнено оружје Обезбедување загрозени ВИП личности и објекти Давање асистенција во борбата против организираниот криминал Спасувачки мисии во високопланински и други недостапни терени Обука и едукација на кадри

МВР: „Тигрите“ добија вагони за обука за решавање кризна ситуација (ВИДЕО)

Ивона Петрова — Fri, 29 Jul 2022 09:31:27 +0000

Во касарната „Илинден” денеска министерот за внатрешни работи Оливер Спасовски, заедно со директорот на Бирото за јавна безбедност, Сашо Тасевски, и заменик-директорот на БЈБ, Ариф Асани, присуствуваа на Оперативно-тактичка вежба на Специјалната антитерористичка единица „Тигар” насловена „ПЕРОН 192”, а по повод презентација на новиот полигон за обука, во рамки на стрелиштето во касарната „Илинден“ во Скопје, кое претставува и база за подготовки на САЕ ТИГАР. Од МВР велат дека имајќи го предвид значењето што го имаат специјалните единици на МВР во системот за безбедност на државата, нивна заедничка карактеристика е потребата од специфични полигони за обука и вежби. -Откако пред година и половина беше оспособен просторот за реализација на модерното стрелиште за гаѓање, како дел од полигонот за урбана борба, во чиј состав влегува Куќата за гаѓање и автобусот за вежби, после 41 година се наметна потребата од доопремување на полигонот за работа на тубуларни системи со елементот за обука и вежба за решавање на кризна ситуација во воз. За таа цел, по примерот на европските полиции, беше неопходно да бидат поставени вагони кои би ја доловиле ситуацијата што поблиску до реалноста, а со чија помош припадниците на Специјалната антитерористичка единица ТИГАР ќе можат практично да вежбаат за вакви ситуации, велат од МВР. За комплетирање на овој сегмент од полигонот за обука, заслужни се неколку општествено-одговорни фирми, кои ја препознаа потребата да биде докомплетиран и овој сегмент. Во оваа прилика министерот Спасовски додели плакети за благодарност на Македонски железници Транспорт, Македонски железници Инфраструктура, ФАКОМ Доо Скопје и РАПИДБИЛТ- Куманово. Министерот Спасовски врачи и плакета за долгогодишен особен придонес во промоцијата на професионализмот во Министерството за внатрешни работи на началникот на Одделот за специјални полициски операци Бранко Трајановски.

Заложничка драма, бомба, нападнати полицајци, извлекување ВИП лице… – тактичката вежба „Пролет-22“

Ристе Здравков — Wed, 20 Apr 2022 14:11:49 +0000

Денеска во кругот на СЦ „Борис Трајковски“ се реализираше Оперативно – тактичка вежба „Пролет-22“, прва од ваков обем и содржина на овие простори, која низ претходно определено комплексно сценарио, имаше за цел да ни ја доближи, односно да ја претстави организираноста и врвната подготвеност на полицијата при вршење на задачите од областа на безбедноста и неопходноста од тесна меѓусебна соработка на различните оддели во рамки на Бирото за јавна безбедност при МВР. Како дел од проектираната ситуација извлечена од реалноста, јавноста се запозна со она што се очекува од полицијата околу одржување на безбедноста во специфични настанати услови, поточно справување со поголеми навивачки групи пред и за време на меѓународен спортски натпревар кој е прогласен за натпревар од висок ризик, со најавено присуство на ВИП лица. Во реализацијата на целокупната Оперативно-тактичка вежба „Пролет-22“, учествуваа припадници од Одделот за специјални полициски операции, Одделот за обезбедување на определени личности и објекти, Одделот за воздухопловни единици, Единицата за службени кучиња, Единицата за откривање, деминирање на експлозивни средства и направи, како и припадници на Секторот за внатрешни работи Скопје кои беа опремени со боди-камери. Во контекст на веќе воспоставениот концепт „Полицијата во служба на граѓаните“ преку Оперативно – тактичката вежба „Пролет-22“ беа претставени потребната подготвеност на полицијата, опремата, меѓусебната координација и навремената команда неопходни за еден ваков настан да помине безбедно. Но, и каква треба да е соработката на граѓаните со полицијата и колку партнерството меѓу полицијата и граѓаните е основа за позитивен исход од секоја слична ситуација. На настанот покрај министерот за внатрешни работи Оливер Спасовски присуствуваа и други членови на Владата, раководството на МВР и БЈБ, како и претставници на дипломатскиот кор во земјата.

ФОТО: 41 година САЕ „Тигар“, погледнете го промотивниот спот за врвната македонска единица

Ивона Петрова — Sun, 13 Mar 2022 14:59:39 +0000

На платото пред базата на Специјалната антитерористичка единица ,,Тигар“, денеска во касарната „Илинден“, свечено беше одбележана 41-ата годишнина од формирањето на оваа специјална единица. Оваа Единица претходниве неколку години беше дел од врвни обуки во земјава и во странство, во рамки на меѓународни и европски проекти, како онаа во Република Германија со Европската команда на американската војска - Зелени беретки, со специјалците – карабинери од Италија, со специјална единица „УРНА“ во Чешка, со австриската „КОБРА“, со француската „РАИД“, а секогаш посебен белег остава учеството на припадниците на оваа Единица во бројни тактичко-оперативни вежби со национален и меѓународен предзнак. -Следејќи ги светските трендови, новите форми на дејствување на организираните криминални групи, радикализмот и насилниот екстремизам, а со цел да се даде ефикасен одговор преку спречување на истите, САЕ ‘Тигар’ континуирано се усовршуваше и модернизираше, за денес да можеме да кажеме дека Единицата претставува високопрофесионална, организирана и врвно опремена формација во рамки на МВР и безбедносниот систем во државата. Особено сакам да го истакнам фактот дека припадниците на САЕ ‘Тигар’ се одликуваат со висок степен на подготвеност, мотивираност и силна посветеност во извршување на своите задачи, а посебно место во историјата на нашата единица имаат припадниците, кои извршувајќи ја својата должност, на првите борбени линии, го дадоа и најдрагоценото - ги положија своите животи, истакна командантот на САЕ „Тигар“ Митко Даневски. Порача дека САЕ„Тигар” беше и продолжува да биде чувар на уставниот поредок на државата, во борбата против тероризмот и организираниот криминал, гарантирајќи ги мирот, слободата и безбедноста на сите граѓани на нашата држава. На 13 март 1981 година за првпат во Министерството за внатрешни работи беше формирана во рамките на тогашниот републички секретаријат за внатрешни работи на СР Македонија Единицата за специјални задачи под името „Тигар“. Нејзина примарна цел при формирањето била посебни задачи, обезбедување на јавни личности, справување со кризи, специјални задачи за кои не била подготвена тогашната милиција, а подоцна за антитероризам, специјални задачи како на пример диверзантски акции, инфилтрирање позади линијата на непријателот, обезбедување на терен, подготовка на терен за воени дејствија на останати воени државни структури, приведување и апсење на криминалци или личности барани од законот, нуркање, извлекување на давеници, затрупани во лавини, експлозиви, и кучиња трагачи, обезбедување на лица од витално значење. Во поново време единицата беше надградена со воена метода за решавање на воени конфликти надвор од урбана средина.

41 година од формирањето на САЕ „Тигар“

Ивона Петрова — Sun, 13 Mar 2022 07:52:17 +0000

Денеска Специјалната антитерористичка единица „Тигар“ во касарната „Илинден“ одбележува 41 година од формирањето. На 13 март 1981 година за првпат во Министерството за внатрешни работи беше формирана во рамките на тогашниот републички секретаријат за внатрешни работи на СР Македонија Единицата за специјални задачи под името „Тигар“. Нејзина примарна цел при формирањето била посебни задачи, обезбедување на јавни личности, справување со кризи, специјални задачи за кои не била подготвена тогашната милиција, а подоцна за антитероризам, специјални задачи како на пример диверзантски акции, инфилтрирање позади линијата на непријателот, обезбедување на терен, подготовка на терен за воени дејствија на останати воени државни структури, приведување и апсење на криминалци или личности барани од законот, нуркање, извлекување на давеници, затрупани во лавини, експлозиви, и кучиња трагачи, обезбедување на лица од витално значење. Во поново време единицата беше надградена со воена метода за решавање на воени конфликти надвор од урбана средина. На 13 март 2021, покрај 40 годишниот јубилеј од формирањето на единицата, Единица за специјални задачи (ЕСЗ) беше преименувана во Специјална антитерористичка единица (САЕ). САЕ Тигар е организирана како посебна единица во Бирото за јавна безбедност со намена за: Планирање и извршување најсложени задачи во борба против тероризмот Решавање заложнички ситуации и ситуации со забарикадирани опасни лица Апсење криминалци и криминални групи Решавање ситуации во случај на пружање отпор со огнено оружје Обезбедување загрозени ВИП личности и објекти Давање асистенција во борбата против организираниот криминал Спасувачки мисии во високопланински и други недостапни терени Обука и едукација на кадри

ВИДЕО: Хеликоптерот на МВР активиран, ТИГРИТЕ во акција

Ристе Здравков — Wed, 09 Feb 2022 12:45:01 +0000

Специјалците од „Тигар“ во содејство со Хеликоптерската единица при МВР спасија изнемоштено лице од Галичник, соопштија од МВР. По упатен повик до Центарот за управување со кризи беше побарана помош од Министерството за внатрешни работи за евакуација на болно изнемоштено лице, жител на село Галичник, општина Маврово-Ростуше. Од страна на Специјалната антитерористичка единица „Тигар“, во содејство со Хеликоптерската единица на МВР, веднаш беше одговорено на поставената задача и за кусо време се завршија подготовките за оваа спасувачка мисија, истакнуваат од министерството. Припадниците на специјализираниот алпинистички тим на САЕ Тигар заедно со колегите од Хеликоптерската единица денеска (09.02.2022) во периодот од 07.00 до 10.00 часот извлекоа жител на село Галичник, а поради снежните навеви на патиштата кон селото, тимот на САЕ„Тигар“ беше принуден да се спушти на локацијата во Галичник, користејќи специјална опрема за спуштање и кревање од хеликоптер, додаваат од таму.

Кој се грижи за безбедноста во главниот град, МВР или SWAT?

Ристе Здравков — Thu, 23 Dec 2021 13:07:03 +0000

Министерството за внатрешни работи пред два дена извести за 10 приведени лица поради сомнение за криумчарење и неовластена трговија со прекурсори, како резултат на голема акција со претреси на повеќе локации во Куманово и Скопје, при што се лишени од слобода десет лица на возраст од 35 до 53 години, петмина од Куманово, четворица од Скопје и еден од тетовско, меѓу кои тројца полициски службеници и петмина царински службеници. Деветмината се сомничат дека извршиле кривично дело „криумчарење“ од член 278, а тројца од нив дека сториле и кривично дело „неовластено производство и пуштање во промет наркотични дроги, психотропни супстанции и прекурсори“ по чл.215 од Кривичниот законик, додека при претрес кај едниот од нив, односно десеттиот од приведените бил пронајден и одземен кокаин. Оваа акција беше спроведена од Одделот за криминалистичка полиција – Сектор за недозволена трговија со дрога, оружје и опасни материи во содејство со Одделот за сузбивање на организиран и сериозен криминал, Одделот за специјални полициски операции, Одделот за внатрешна контрола, криминалистички истраги и професионални стандарди, СВР Скопје и СВР Куманово, по насока на Јавен обвинител од Основното јавно обвинителство за гонење на организиран криминал и корупција. Денес со детали за акцијата излезе и ресорниот министер за внатрешни работи Оливер Спасовски, а додека тој ги изнесуваше деталите за акцијата во позадина одеа снимки од истата. Она што беше чудно во видеото е тоа што во еден од кадрите се појавува СПЕЦИЈАЛЕЦ со амблем за американската специјална едицинца SWAT, која во САД ја има истата функција како македонските ТИГРИ. Безбедносните експерти кои ги контактиравме велат дека се работи за класичен преседан и кршење на сувереноста на државата, бидејќи Македонија како суверена држава има свои безбедносни структури кои се грижат за нејзината безбедност. Редакцијата на Курир испрати прашања до МВР во кои бараме одговори за тоа, по кои закони, правилник или протокол бил присутен униформиран припадник на странска специјална единица во акција на САЕ Тигар и кои се причините за присуството? -Не се работи воопшто за припадник на некоја странска единица, туку амблемот со ознаката SWAT е интернационален и означува припадност на одредена специјалност, но не и припадност на конкретна единица од одредена држава, стои во кусиот одговор од МВР. Оттука се поставува прашањето: Кој се грижи за безбедноста во главниот град, МВР или SWAT?