саем за мебел – Kurir.mk

Над 15.000 посетители имаше на Саемот за мебел

Ивана Ефремовски — Tue, 04 Apr 2023 08:08:29 +0000

Саемот на мебел кој се одржа во Скопје, во Комплексот Борис Трајковски, и траеше од 29-ти март до 2-ри април, им овозможи на посетителите на едно место да ја проследат богатата понуда на повеќе од 40 директни изложувачи со претставени 80 брендови. Саемот го посетија над 15.000 посетители што говори дека ваква манифестација е потребна на македонската јавност. Саемот на Мебел 2024 веќе почнува да се подготвува.

Почнува Саемот на мебел 2023

Тале Кристо — Wed, 29 Mar 2023 05:50:22 +0000

Преку 40 директни изложувачи со повеќе од 80 претставени брендови со атрактивни саемски акции и попусти ќе бидат претставена на годинашниот Саем за мебел, кој се отвора денеска, во Скопје, во комплексот „Борис Трајковски”. -На едно место во монтажни објекти и во внатрешниот простор на комплексот ќе може да се види разновидна понуда на мебел за дневни, спални, детски соби, трпезарии, кујни, бањи и секако дополнителни декоративни понуди за домот, најавува Скопски саем. Организрани се и групни посети на Саемот од сите градови од земјава и регионот. Саемот за мебел ќе трае до 2. април со работно време од 10.00 до 20.00 часот. Влезницата чини 120 денари, а групна/семејна влезница ќе чини 100 денари по посетител. Онлајн картите за Саемот за мебел се веќе во продажба преку платформите на www.mktickets.mk и www.karti.com.mk.

Саемот на мебел од 29 март до 2 април

Ивона Петрова — Mon, 20 Mar 2023 09:51:25 +0000

Саемот на мебел, една од најпосетуваните саемски манифестации кај нас, годинава ќе се одржи од 29 март до 2 април во комплексот „Борис Трајковски“ во Скопје. На саемот ќе се претстават над 40 домашни и меѓународни брендови со богата понуда на мебел за дневни, спални и детски соби, трпезарии, кујни, купатила.... Саемот ќе биде отворен за посетители од 10 до 20 часот, а билети ќе може да се купат на билетарниците пред влезот на Саемот и преку платформите: www.karti.com.mk и www.mktickets.mk. Онлајн билет ќе чини 100 денари, билет на Билетара 120, а пакет за двајца посетители на Билетара ќе биде 200 денари.

Саем за мебел во Скопје од 29 март до 2 април

Катерина Бојаџиева — Thu, 09 Mar 2023 07:55:25 +0000

Саемот на мебел повторно се враќа и ќе се одржи од 29 март до 2 април во Комплекс „Борис Трајковски“ во Скопје. На оваа саемска манифестација, која по паузата на одржување во пандемијата, одбележува 45-годишен јубилеј, својата програма вклучувајќи ги сите категории на опремување на ентериер, ќе ја претстават повеќе од 40 изложувачи. Станува збор за избор на мебел од голем број домашни производители, интернационални брендови со специјални саемски понуди и попусти. Ќе бидат понудени гарнитури, фотелји, спални и детски соби, кујни, купатила, вградени плакари, осветлување, декоративни подлоги и се што е потребно за уредување на домот. Онлајн картите за Саемот за мебел се веќе пуштени во продажба преку платформите на: www.karti.com.mk и www.mktickets.mk.

Саем за мебел од 29 март до 2 април

Ивона Петрова — Tue, 31 Jan 2023 07:42:50 +0000

„Саемот за мебел”, ќе се одржи од 29. март до 2. април во комплексот Борис Трајковски. Саемот ќе го користи целокупниот внатрешен затворен капацитет, како и монтажни објекти кои ги задоволуваат критериумите на саемско претставување. Просторот ќе биде соодветно адаптиран по највисоки стандарди. Саемското претставување ќе трае 5 дена, на кое се очекува бројни домашни производители на мебел да ги претстават своите најнови изданија, како и интернационални брендови, кои се присутни на пазарот преку нивните застапници. Саемот на мебел е една од најатрактивните манифестации поради концептот сè на едно место и поради оригиналните идеи за уредување на домот. Скопски саем ги најавува и следните два саеми во пролет: “САЕМОТ НА КНИГА” исто така ќе се одржи во пролетниот термин од 04. до 10. мај 2023 и ќе го одбележи својот 35-ти јубилеј на одржување. Во периодот од 7. до 9. јуни 2023 ќе се одржи и “САЕМОТ ЗА ТРАНСПОРТ” каде ќе бидат претставени товарни и комерцијални возила пред деловната публика.

Отворен Саемот за мебел, околу 70 изложувачи и над 150 брендови

Матеја Петровски — Tue, 09 Oct 2018 10:37:59 +0000

Од денеска до недела во комплексот ВИП арена Борис Трајковски се одржува 44. Саем на мебел на кој граѓаните ќе можат да ги видат најновите трендови во производството на мебел. Ќе се претстават околу 70 изложувачи од Македонија, Србија, Косово, Италија и Бугарија со повеќе од 150 брендови. Годинашниот саем, којшто за првпат се одржува на просторот кај арената „Борис Трајковски“, се протега на површина од 8.000 квадратни метри, а изложувачите се сместени во ВИП арената и во два монтажни мултифункционални енергетско-ефикасни објекта. - Има многу интересна понуда и изложувачите се потрудија да ги претстават своите експонати во најдобро светло. Интересен е концептот на движење, односно од една страна се влегува, а од друга се излегува и по принципот на ИКЕА систем се посетуваат сите штандови без да биде пропуштен некој изложувач, изјави Сања Кондарко од Групацијата Скопски саем. Саемот ќе биде отворен секој ден од 10 до 20 часот. Цената на влезниците е 100 денари, а за организирани групни посети на ученици билетот чини 50 денари. За прв пат годинава, ќе може да се набави билет и преку „МК тикетс“. За полесен пристап до саемот, ЈСП Скопје воведе две вонредни автобуски линии со броеви 100 и 200 кои ќе одат до ВИП арената „Борис Трајковски“. Автобусите со број 100 ќе сообраќаат на релација од Ново Лисиче до СЦ „Борис Трајковски“ и обратно, а автобусот бр. 200 ќе сообраќа од Дексион кон СЦ „Борис Трајковски“ и обратно. (Миа)