сафет бишевац – Kurir.mk

Бишевац: За оваа влада предводена од СДСМ е готово, Заев требаше во понеделникот уште да ја поднесе оставката

Дарко Андоновски — Mon, 08 Nov 2021 18:26:14 +0000

Заев по објавувањето на резултатите од вториот круг даде оставка, а не најави дека ќе поднесе. Тој рече „поднесувам оставка од премиерската функција и претседател на СДСМ“. За умни и чесни, толку тука завршува приказната, останатото требаше да биде техникалија, изјави новинарот и аналитичар Сафет Бишевац за „Само вистина“ на Канал 5, кој додаде дека речиси и да нема веројатност Заев да остане премиер. - Тој уште во понеделникот требаше да поднесе писмена оставка и таа да а достави до Собрание. Но тој одбра да игра поинаку. Мислев дека ќе се повлече, а ме изненади од оставката во партијата затоа што мислам дека тоа му е единствено засолниште следните месеци, рече Бишевац. Тој истакна дека за оваа влада на СДСМ која ги загуби изборите готово е, дали тоа ќе биде сега, по два месеци или за една година, приказната е готова, исходот не може да биде поинаков освен нови избори. - Противничкиот противник на Заев, во моментов здружена коалиција предводена од ВМРО-ДПМНЕ, не можеше да добие подобар развој на настаните од овој, а тоа е Заев уште еднаш да излаже и да не остане на зборот и да се мачи во наредните неколку месеци. Нема подобра шанса и прилика и тоа само ќе го зголеми поразот на СДСМ во наредните избори, нагласи Бишевац. Бишевац потенцираше дека обидот за останување на Заев на премиерска функција и како лидер на СДСМ ќе биде последната шајка во ковчегот на таа партија бидејќи повеќе нема да биде иста.

Бишевац: Македонија со Заев е пропадната држава

Предраг Кукиќ — Mon, 28 Jun 2021 10:02:30 +0000

Ова што го прави Бугарија е и реалзиација на бугарскиот сон за голема Бугарија, рече аналитичарот Сафет Бишевац на гостувањето во емисијата Студио 10 што се емитува на телевизија 24 коментирајќи ја блокадата на Бугарија за почеток на преговори на Македонија со Брисел. Според Бишевац недовербата кон Зоран Заев е оправдана. „Нема нешто за што Заев кажал и го исполнил. Тој континуирано лаже ,се колнеше, а продаде се почнувајќи од Договорот со Преспа. Еве нели сме членка на НАТО и ќе доаѓаа инвестиции, нема ништо. Ние сме целосно на дното. Заев се покажа само како извршител на влијателните земји“, рече Бишевац. Ова што сега сега се случува е далеку од тоа што Заев го ветуваше пред да дојде на власт, посочува Бишевац. „Заев ветуваше правда и мир, а нема ништо , втората работа е вњлеше дека ќе има инвестиции овде нема ништо никакви инвестиции. Ова е пропадната држава од сите аспекти, нема пасочи, лични карти, регистарски таблички“, рече Бишевац.

Бишевац: Државата со Заев пропаѓа, единствената негова константа е лагата, политиканството и слугувањето

Катерина Бојаџиева — Thu, 06 May 2021 14:44:02 +0000

Зоран Заев и владејачкото мнозинство да не употребам тежок збор на криминален начин го обезбедија потребното мнозинство за изгласување на Преспанскиот договор во Парламентот, бидејќи не прифаќам и не признавам било кој да ме убедува дека Крсто Мукоски е убеден демократ и само било тоа причината за неговото гласање во Парламентот, или гласањето осумте пратеници за Преспанскиот договор, рече Сафет Бишевац, поранешен новинар во „Студио 10“. Бишевац посочи дека единствената константа на Зоран Заев е лагата, политиканството и слугувањето. Тој додаде дека е длабоко убеден во тоа дека актуелниот премиер е практично поставен како извршител на одредена задача. Првиот дел од таа задача тој го заврши, и ако ја немаше реакцијата од граѓаните и опозицијата и договорот со Бугарија ќе поминеше како Преспанскиот договор. „Власта после третата, четвртата година нема право да се вади со режимот од времето, освен ако не сака да ја скрие сопствената одговорност и сопственото незнаење, сопственото несакање да смени нешто. Што добивме од власта на Заев? И зависи кој дел од СДСМ ќе го прашате. Ако го прашате делот на СДСМ кој што го поддржува Заев ќе кажат дека овде се направени огромни реформи во правосудството, огромни реформи во образованието, јавниот сектор, државата цвета, медиумски слободи итн. Но реалноста е сосема поразлична и друга. Еве ја реалноста, во овие четири години имате два километри автопат изградено“, нагласи Бишевац. Бишевац истакна дека има дел во СДСМ кој што воопшто не се согласува на начинот на кој што раководи Заев и со државата и со самата партија. И сите граѓани очекуваат Венко Филипче да заврши како сите клучни играчи на Зоран Заев, пример како што заврши Драги Рашковски.

Бишевац: Ако владин функционер рече дека податоците на Транспаренси се само перцепција, треба да заврши неговата кариера

Ивана Ефремовски — Tue, 02 Mar 2021 19:15:57 +0000

Нашата држава треба да почне од почеток да го гради системот. И мислам на градење на луѓе. Ќе ни треба многу време, но не треба да потрошиме 4 години, а за овие 4 години ништо не е сменето, рече Сафет Бишевац на гостувањето на телевизија Канал 5 во емисијата „Само вистина“ говорејќи за изјавата на бугарскиот претседател Румен Радев и за случајот Мијалков. Според него има премногу заложби и акциски планови, потребни се активности. „Нас такви планови и акциски планови за ваква или онаква борба не ни е проблем, проблем е што се останува на акциски план. Големи беа заложбите за Антикорупциска и сега се заглави во предмети, многу подобро ќе беше да се фати за неколку предмети за претставници на естаблишментот и да сработи. Несомнено е и политичкото влијание врз некои случаи. Има пресуда против претседателката на антокорупциска за непочитување на законски рокови сега следува тужба и за Комсијата. Не мислам дека денес објавениот план ќе го смени клучниот впечаток, а тоа е дека Македонија тоне во корупција тоа го покажуваат и рангирањата како на пример на Транспаренси“, вели Бишевац. Според него, ако владин функционер рече тоа е само перцепција треба да заврши неговата кариера. „Не може за вакво рангирање на Транспаренси да се каже дека е само перцепција и тоа да го каже. Власта и премиерот се најодговорни за направеното и ненаправеното“, додава Бишевац.

Бишевац: Заев да ја повика Димова да објасни каква корист имаат граѓаните од вежбањето на магарето со народни пари

Ивана Ефремовски — Mon, 12 Oct 2020 18:15:26 +0000

Корупцијата беше една од најголемите забелешки од Европската комисија. Каде е човекот кој пред 3 и нешто години ја предводеше борбата за правда, за право, за едно општество за сите да ја повика госпоѓата Лидија Димова на отчет, да објасни како таа управувала со парите од Националната агенција, изјави Сафет Бишевац на Канал 5 телевизија во емисијата "Само вистина". -Премиерот и Владата ја поставиле неа таму каде што е и владата треба да ја повика за одговорност. Што се чека не знам? Каква е користа на граѓаните од вежбањето на магарето и тоа со нивни народни пари? Дај некој да излезе да објасни, рече тој.

Бишевац: Убеден сум дека Маричиќ нема да направи реформи во правосудството, власта нема политичка волја за тоа

Магдалена Андонова — Mon, 07 Sep 2020 18:42:08 +0000

-Заев беше на чело на реформите во правосудството и ако некој сноси вина за немање ни Р во правосудството тоа е Зоран Заев и очигледно министерката Дескоска која Заев сега ја шутна од владата заради тоа што не направи ништо, вели аналитичарот Сафет Бишевац во емисијата Само вистина на Канал 5, додавајќи дека е убеден дека сегашниот министер за правда Бојан Маричиќ нема да ги направи потребните реформи во правосудството бидејќи е потребна сериозна политичка волја а која во оваа држава се уште ја нема. -Јасно е дека таму нема реформи. И не сум сигурен, туку убеден сум дека Бојан Маричиќ нема да може да ги направи реформите во правосудството затоа што за тоа е потребна сериозна политичка волја која во оваа држава се уште ја нема. Таа политичка волја зависи од договорот меѓу СДСМ и коалицијата и ДУИ, додаде тој. Според Бишевац, единственото остварено ветување во изминатите три години од СДСМ и Заев освен укинувањето на радиодифузната такса, е лагата. -Единствената константа во ветувањата и во целото работење на СДСМ во изминатите три години освен укинувањето на радиодифузната такса е лагата, рече тој.

Сафет Бишевац позитивен на коронавирус

Ивана Ефремовски — Sat, 04 Jul 2020 13:48:21 +0000

Сафет Бишевац, кандидат за пратеник, на Фејсбук објави дека е позитивен на коронавирусот. Во објавата тој вели дека и покрај максималното почитување на мерките, е позитивен на Ковид-19 и дека заедно со семејството ќе биде во изолација. -За жал, нештата понекогаш се случуваат и покрај максимално можно почитување на препораките за заштита. Се чувствувам одлично, засега немам никаков проблем. Заедно со семејството во наредниот период ќе бидеме во изолација, под надзор на матичниот лекар, напиша тој на социјалните мрежи.

Бишевац: СДСМ сега на овие избори ќе ја добие заслужената казна од народот

Ивана Ефремовски — Mon, 15 Jun 2020 18:19:39 +0000

Зошто Зоран Заев бара толку брзи избори? Зошто не мисли за здравјето на граѓаните? Бидејќи е свесен дека во оваа ситуација на страв од корона, излезноста ќе биде помала, а тоа е сериозна шанса за власт, рече Сафет Бишевац на гостувањето на емисијата „Само вистина“ на телевизија Канал 5. -Сега треба и мора да се гласа, бидејќи државата не може да биде заложник на Заев. Но, сепак ова што се случува може да води кон тоа повторно да седнат и да се договараат. Гледате бројката не се намалува, денес е трицифрена, а помала од претходните денови, но помала поради помалиот број на тестирања, рече Бишевац. Во оваа ваква ситуација со корона и страв кај граѓаните Заев гледа единствена шанса за него и за партијата. -Во оваа ситуација Заев и СДСМ можат да загубат со помала разлика. СДСМ и Заев сакаат да ќарат на ситно. ВМРО-ДПМНЕ и Мицкоски на овие избори ќе ја добијат шансата на овие избори да покажат што знаат и можат. СДСМ сега на овие избори ќе ја добие заслужената казна. Во најлошиот случај 5 пратеници во полза на ВМРО-ДПМНЕ, но мислам и дека таа разлика ќе биде поголема, рече Бишевац. Говорејќи за актуелната ситуација во врска со корона вирусот, Бишевац рече дека е лоша. -Во моментот кога политиката одлучи да се меша тоа доведе до големи и катастрофални последици. Фичлипче беше идол, и сега го снема. Ако сте биле на врвот со 80 проценти, сега Филипче не смее да се појави три дена зошто резултатот е катастрофален, рече Бишевац.

Бишевац: Заев се однесува дегутантно, се повикува на правото, а кога го менуваше името не почитуваше ниту Закон, ниту Устав

Ивана Ефремовски — Tue, 19 May 2020 17:08:15 +0000

Кандидатот за пратеник на ВМРО-ДПМНЕ, Сафет Бишевац во своето гостување во емисијата „Само Вистина“ истакна дека избори на 21-ви јуни на кои нема да учествува опозицијата ќе значат политичко самоубиство за Зоран Заев. Ваквото брутално однесување на Зоран Заев, според него, ќе ја урниса и европската перспектива на државата. Бишевац посочува дека инсистирањето на Зоран Заев на правни последици од одложување на изборите е дегутантно бидејќи говориме за човек кој не почитуваше ниту Закон, ниту Устав кога се менуваше името на државата, додавајќи дека единствен закон кој што Заев го почитува и практикува е озаконувањето на лагата. -Возможно е се освен СДСМ предводено од Зоран Заев да оди на избори без консензус и без договор со останатите политички партии. Без оглед на тоа како вие го гледате Зоран Заев тој сепак покрај својот основен инстикт за политичко преживување ќе мора да води сметка и за нешто друго. Одејќи сам на избори практично ќе ја урниса европската перспектива на државата. Еве зошто? И прекинот на разговорите и постапката за овие избори кои требаше да се одржат на 12 април беше донесена со консензус на сите политички партии и беше договорено од сите политички партии, заеднички во натамошен дијалог да се договорат околу датата за тоа кога би се одржале изборите. Инсистирањето и правдањето на Заев и СДСМ само со правните последици дека тие практично ќе бидат присилени да одат на овие избори исто така не држи вода. На крајот на крајиштата станува дегутатно човек кој што го промени уставот на оваа држава за да го смени името на државата после Договорот од Преспа, човекот кој за реформите кои што требаше да се направат и ја имаше поддршката на огромен дел од населението преку шарените од кои толку лесно се откажа и покажа дека всушност сто мислел за нив и народот, кој во тој момент борејќи се за идејата за поправедно општество за сите, се доведе во позиција да се повикува на Закон и Устав. Го прекрши Уставот, неуспешниот рефередум со кршење на закон практично, да не бидам прегруб и прегрубо сфатен. Единствениот закон кој што Зоран Заев го почитува и практикува е озаканувањето на лагата, стана синоним за лажни ветувања, лага и подземни манипулациии тоа веќе е прочитано во целото општество. За да тргне сам на избори Зоран Заев треба да ја пресмета и својата политичка иднина, тоа би значело дека во рок од година дена тој човек и тие околу него кои настапија агресивно, брутално со сила само за да го скријат својот страв од последиците на лошите политики кои Зоран Заев ги водеше изминатиот период, особено со буџетот за 2020 година кој не беше ништо друго освен буџет за поткуп на гласачите. Тој со излегувањето сам на изборите ќе се изврши политико самоубиство, вели Бишевац.

Што се знае Сафет за Зоран, па е толкава закана за СДСМ?

Дарко Андоновски — Wed, 11 Mar 2020 13:35:45 +0000

Зошто СДСМ толку жестоко го напаѓа Сафет Бишевац, како кандидат за пратеник на овие избори, пишува Магазин.мк Одговорот е едноставен и има неколку незгодни причини зошто Бишевац стана трн во окото на СДСМ. Прво, прифаќањето на Сафет Бишевац да застане зад политиките на Мицкоски, а не зад Заев, ја руши главната теза на СДСМ, онаа за сеприсутноста на “Груевизмот“ во ВМРО-ДПМНЕ. Сафет Бишевац може да биде се, но не и груевист. Тој, заедно со многумина граѓански активисти, одамна ги критикуваше погрешните политики на Груевски, уште кога итриот Панчо Минов на Никола Груевски му викаше “да шефе, така е шефе, во право си шефе“! Затоа, со ангажманот на Сафет Бишевац паѓа во вода замислата на Заев и Шеќеринска на овие избори да се шлепаат на црната капања против “груевизмот“, наместо да зборат за своите неуспеси и неисполнети ветувања пред граѓаните. Целиот текст на следниов линк.