Сахел – Kurir.mk

ФОТО: Африканскиот регион Сахел погоден од невообичаен дождови и поплави

Ивона Петрова — Fri, 18 Sep 2020 10:04:10 +0000

Невообичаените дождови и поплави што го погодија африканскиот регион Сахел се уште еден предизвик за локалните власти, покрај недостигот на храна и пандемијата со новиот коронавирус. Од поплавите во Судан, што се најголеми од 1912 година досега, погодени се 650.000 луѓе, а во надојдената вода загинаа најмалку 114 лица, а повредени се 54. Суданските власти на почетокот од месецот прогласија тримесечна вонредна состојба. Во Јужен Судан половина милион луѓе беа принудени да ги напутат домовите поради излевање на реката Бел Нил, при што загинаа повеќе од сто луѓе. Поради надојдените води и свлечиштата во Етиопија околу 217.000 лица ги напуштија домовите. Во земјата од девет погодени се пет региони. Поплавите предизвикаа хаос и во централниот дел на Мали, а илјадници луѓе ги напуштија домовите во градот Сегу во август. Поради поплавите жителите од 11 села јужниот дел на Чад беа евакуирани, а надојдената вода уништи 15.000 хектари обработлива површина. Од поплави беше погодена и југозападната држава Кеби во Нигер, каде околу 500.000 хектари обработлива површина беше под вода. Кеби е основен проиводител на ориз, пченка, пченица, компири. Обилните дожови и поплавите предизвикаа штета на патиштата, мстовите, домовите, училиштата и болниците во другите делови на Нигер. Во поплавите загинаа најмалу 67 луѓе, а надојдената вода уништи 32.000 домови за околу два месеца и 6.000 хектари посеви. Во Сенегал на 7 септември непрекинато врнеше дожд седум часа. Владата на почетокот на месецот разработи и спроведува план за брзи акции при случај на поплави.

Макрон: Франција ќе ги зајакне безбедносните мерки во појасот Сахел во Африка

Магдалена Андонова — Tue, 11 Aug 2020 12:57:27 +0000

Франција ќе ги зајакне безбедносните мерки со цел подобро да ги заштити француските државјани во покасот Сахел во Африка, изјави денеска францускиот претседател Емануел Макрон, откако во Нигер загинаа шест Французи. – Ќе направиме се што е во наша моќ да им помогнеме на семејствата на жртвите и ќе одговориме на нападот при што загинаа шестмина наши сонародници и двајца државјани на Нигер. Шестте млади хуманитарни работници на невладината организација Актед демонстрираа неверојатна посветеност на локалното население, напиша Макрон на Твитер. Тој додаде дека поради тоа одлучил даги интензивира безбедносните мерки за заштите на Французите во тој регион. – Ќе продолжиме со нашите акции, со помош на нашите сојузници, со цел да се протераат терористичките групи, наведе Макрон. Во меѓувреме Владата на Нигер ја продолжи вонредната состојба во регионот околу Нимеј и не дозволува пристап до резерватот на жирафи, каде во неделата беа убиени шест француски хуманитарни работници и водичот и возачот, кои беа државјани на Нигер. Вонредна состојба веќе е воведена и во делови на Тилабери и во областите северно и западно од главниот град на Нигер, а во близина на границата со Мали и со Буркина Фасо. Изминатите години зголемени се нападите од припадниците на Исламска држава и од Ал Каеда во Нигер, Мали и во Буркина Фасо. (MИА)

Франција испраќа дополнителни сили во регионот Сахел

Ивона Петрова — Tue, 14 Jan 2020 06:20:12 +0000

Франција и земјите од Западна Африка се согласија под заедничка команда да се борат против исламските милитанти во регионот Сахел во Африка, а Франција да испрати дополнителни 220 војници за зајакнување на военото присуство во регионот. Лидерите на Западна Африка го уверија францускиот претседател Емануел Макрон на состанокот во Пау во Франција дека сакаат Франција да продолжи со воената мисија во регионот, што се протега низ Нигер, Мали, Мавританија, Буркина Фасо и Чад. – Немаме друг избор, потребни ни се резултати, рече Макрон, најавувајќи испраќање дополнителни сили по самитот со лидерите на тие земји. Франција, поранешна колонијална сила во тој дел на Африка, во моментот има околу 4.500 војници во Сахел. Ситуацијата во регионот се влошува бидејќи милитантите на Ал-Каеда и ИД ги зајакнаа своите упоришта, поради што делови од таа територија не е можно да се контролираат. Исламистите исто така предизвикаа етничко насилство, особено во Мали и Буркина Фасо. Во заедничката изјава, лидерите на шесте земји се заложија да се фокусираат на борбата против ИД на Голема Сахара и ги повикаа САД да продолжат логистички да ги поддржуваат нивните сили.