Кибер криминал: Нигериец се претставувал како првата дама

Предраг Кукиќ — Wed, 21 Nov 2018 13:12:08 +0000

Џулиус Анијаву Уче е обвинет по десет точки според Законот за кибер криминал, откако испратил лажни електронски пораки во кои барал пари за хуманитарни програми, и лажно ги потпишувал како Ајша Бухари, сопруга на нигерискиот претседател Мухамаду Бухари. Тој пред високиот сојузен суд во Лагос се изјасни дека не е виновен, по што му беше одреден притвор до новото рочиште закажано за 18 јануари. Една студија која минатата година заедно ја спровеле Интерпол и компанијата Тренд микро за активностите во кибер криминалот во Западна Африка, а посебно во Нигерија, покажа голем пораст на бројот на жртви на измами преку Интернет од 132 проценти меѓу 2013 и 2015 година.

Малолетници ја тероризираат српската естрада: Лепа Брена преживеала агонија, на екс сопругата на Аца Лукас и барале пари

Ивона Петрова — Tue, 18 Sep 2018 15:55:00 +0000

Социјалните мрежи ги преплавува нов вид криминал, а малолетници кои се во средношколските клупи свесно или не почнуваат да се занимаваат со сајбер криминал, јавуваат српските медиуми. Бројни јавни личности од српската естрада останаа без своите профили на социјалната мрежа Инстаграм, поради група малолетници. Овие млади лица секојдневно хакираат профил на некоја позната личност, а последниот случај во кој и беше „нападнат“ профилот на водителката Сања Маринковиќ резултираше со апсење наколку малолетници. Како што јавуваат српските медиуми, првиот случај бил забележан пред неколку месеци кога бил хакнат профилот на Лепа Брена, при што било сменето името. Пејачката успеала да го врати својот профил по речиси две недели, а во јавноста не сакаше да се огласува во врска со овој случај. Нејзината блиска пријателка Соња Вуксановиќ, поранешната сопруга на Аца Лукас, се најде на истиот удар. Сајбер криминалците за да и го вратат профилот барале огромен износ на пари. -Тоа е сајбер криминал во кој се вклучени момци од Белград и околината. Прва година средно се. Ми влегоа во профилот и се променија, потоа почнаа да им се обраќаат на луѓето во мое име. Продолжија да ми бараат пари за да ми го вратат профилот назад, но ми помогнаа пријатели, вели Соња за српски „Блиц“ Случна непријатост доживеал и пејачот Слободан Радановиќ кој вели дека лицата лажно се претставуваат преку мејл. -Влегуваат на профил и ги менуваат сите шифри. Се ми избришаа. Профилот буквално ми остана празен. Две недели немав профил, но среќа успеав да го вратам назад. Сето ова го прават некои деца, но треба родителите да гледаат што децата им прават додека се дома, објаснува Радановиќ. Најлошо искуство со хакерите имале водителките Сања Маринковиќ и Ксенија Бујишиќ кои некогаш не успеале да ги повратат своите профили.

сајбер криминал – Kurir.mk

Кибер криминал: Нигериец се претставувал како првата дама

Малолетници ја тероризираат српската естрада: Лепа Брена преживеала агонија, на екс сопругата на Аца Лукас и барале пари