сајмон кауел – Kurir.mk

ВИДЕО: Сајмон не можеше да се смири, хор го расплака жирито пеејќи ја песната на Nightbirde

Ивона Петрова — Wed, 31 May 2023 20:57:24 +0000

Хор од Јужна Африка со својот настап го расплака Сајмон Кауел, кој важи за најстрогиот член на жирито во шоуто „Америка има талент“. Овие момци и девојки се претставија со песната „It’s ok“ и на тој начин и оддадоа почит на Џејн Марцзевски која е авторка на песната. Сајмон по нивниот настап не можеше да ги задржи солзите, а заедно со останатите членови од жирито, на барање на публиката во салата, одлучија да го притиснат златното копче. За потсетување, Џејн настапи во АГТ пред две години кога со својата песна и приказна го воодушеви Сајмон кој го притисна златното копче. Џејн тогаш кажа дека боледува од карцином и докторите и дале само 2% шанса за да преживее. Со нејзиниот позитивен став ги остави сите без зборови, а за нејзиниот настап и порака дозна целиот свет. -Не можете да чекате животот да престане да биде тежок за да одлучите да бидете среќни, изјави Nightbirde по нејзиниот настап во 2021 година. Џејн во меѓувреме мораше да се откаже од понатамошното натпреварување поради здравствената состојба и за жал почина во февруари минатата година на 31 година.

ВИДЕО: Хаос во салата, ниту еден натпреварувач не му го направил ова на Сајмон

Ивона Петрова — Mon, 08 May 2023 16:04:01 +0000

Разни точки може да се видат на натпреварувањата „Британија има талент“, но оваа ги надмина сите претходни. Сајмон Кауел кој важи за најстрогиот меѓу жирито имаше непријатен момент со еден натпреварувач кој на сцената се појави маскиран како Господин Блоби. Маскотата глумејќи магионичарско шор, го повика на сцената Сајмон каде му покажа голема кутија во која треба да влезе, а потоа со помош на магичните зборови да изчезне. По неколку неуспешни обиди, Сајмон кој се уште седеше во големата кутија, врз главата доби голема количина на „слајм“. Публиката и членовите на жирито беа шокирани неколку моменти, а потоа почнаа да се смеат. Сајмон не беше воодушевен и кажа на маскотата да не го допира. Иако публиката сметаше дека тој треба да продолжи со натпреварувањето, сепак жирито го испрати дома.

ВИДЕО: Малиот Малакај ги освои сите со својот ангелски глас, Сајмон не ја тргна насмевката од лицето

Ивона Петрова — Wed, 26 Apr 2023 10:10:20 +0000

Тринаесетгодишното момче од Лондон, Малакај со голема желба да биде пејач се пријавил во шоуто „Британија има талент“. Сигурно без да биде свесен колкав талент и потенцијал поседува, ова момче излезе на сцената да се бори за својата позиција во натпреварување. Но, веќе по првиот отпеан стих публиката беше воодушевена. Дел од жирито не ги задржа солзите на неговиот ангелски глас, а по настапот Сајмон Кауел му се заблагодари што се пријавил во шоуто. За ова неверојатно момче, Сајмон имаше само еден збор. -Златен, рече Сајмон по што го притисна златното копче со кое натпреварувачот се пласира директно на настапите во живо, без понатамошни аудиции. Погледнете го настапот на малиот Малакај.

ФОТО: Сајмон Кауел ги исплаши своите следачи со „новото“ лице

Ивона Петрова — Fri, 02 Dec 2022 07:34:28 +0000

Британскиот водител, продуцент и претприемач, Сајмон Кауел ги загрижи своите обожаватели и следачи со неговото „ново“ лице. Имено, многумина забележаа дека тој можеби претерал со ботоксот и / или пластичните операции. На официјалниот Твитер-профил на британското натпреварувачка ТВ-емисија „Суперталент“ е објавено видео на кое водителот ги повикува луѓето на аудиција за новата сезона. Но, коментарите под објавата се главно сосредоточени на самиот Кауел. „Не го коментирам изгледот на другите луѓе, но изгледа како лицето да му се топи“, „Изгледа некој заборавил да ги исклучи филтрите на ’Снепчет’,“ „Изгледа пластично, лажно. Дали тој носи маска?“, „Свети Боже, едвај го препознав!“ – се само дел од коментарите. Кауел, инаку, нема еднаш претходно призна дека имал третмани, од 2016 година, бидејќи сакал да изгледа помладо… Но, отишол предалеку со ботоксот, така што и неговиот син се плашел од него, па вети дека нема веќе да го користи тоа.

„ТЕ МОЛАМ ВРАТИ СЕ!“ Сајмон Кауел најавува можно враќање на „X фактор“ и за тоа ја бара Бритни да се врати во познатото шоу!

Магдалена Андонова — Tue, 15 Nov 2022 12:27:41 +0000

Сајмон Кауел ја моли Бритни Спирс повторно да соработува со него 10 години откако и двајцата седеа на жирито на американската верзија на X Фактор. Креаторот на Х Фактор упати јавна молба до поп-ѕвездата Бритни (40) да размисли да се појави во една од неговите емисии кога сега таа е ослободена од конзерваторската функција, опишувајќи ја „талентираната“ ѕвезда дека има „прекрасни идеи за тоа како да започне нечија кариера“. Тој за E News изјави: „Поминавме толку долго на телефон зборувајќи за X Фактор пред да го направиме тоа.“ - Постои страна на Бритни која многу луѓе не ја знаат. Мислам, јас бев на телефон со неа два или три часа секој пат. Таа имаше супер паметни, убави идеи за тоа како да започне нечија кариера, што е критично ако сакате да бидете судија на една од овие емисии. Така, имав фантастичен однос со неа. Тој додаде: „Ако ја гледате Бритни и ние направиме шоу, ве молиме вратете се и направете го тоа со мене. Би било неверојатно. Ја обожавам.“ „Таа е навистина интересна и толку е талентирана“. Нејзините конзерватори имаа моќ над нејзините финансиски и медицински работи, плус одлуки за кариера и големи лични работи, како на пример кога таа можеше да ги види своите синови тинејџери Шон (17) и Џејден (16). Бритни се појави на X Фактор во тој период, но сега е слободна да донесе одлука за нејзината кариера. Тоа доаѓа откако Симон рече дека има „шанси“ X Фактор да се врати во Велика Британија или САД во 2024 година. Судијата на шоуто за таленти размислува да ја врати серијата на ТВ екраните и се вели дека е повеќе наклонет програмата да се врати назад во Државата, каде што Сајмон има силна работна врска со NBC на America's Got Talent. Зборувајќи за тоа кои би биле судиите доколку реши да го врати X Фактор, тој рече: „Инсајдерите во индустријата, како што се луѓето А и Р, наместо уметниците, бидејќи тие се подобри судии за таленти и помалку љубоморни на умните млади уметници“.

ЈА ЗАГУБИ ЖИВОТНАТА БИТКА: Почина девојката која го својот глас допре до Сајмон, имаше само 2% шанса да преживее

Ивона Петрова — Tue, 22 Feb 2022 11:12:36 +0000

Натпреварувачка во шоуто „Америка има талент“, Џејн Марцзевски на 31 годишна возраст почина по долгата битка до карциномот. Младата талентирана пејачка која настапуваше под името Nightbirde, не успеа да ја добие животната битка со болеста која се проширила на повеќе органи во телото. Откако на својот прв настап во шоуто со авторска песна ги воодушеви членовите на жирито и публиката и заслужено го доби „златното копче“ од Сајмон, Џејн потоа објави дека поради здравјето мора да се повлече од натпреварувањето. Тогаш објасни дека здравствената состојба и е влошена и дека и е потребна сета енергија. Во 2017 година на Џејн и е дијагностициран рак на дојката. Две години подоцна докторот и дал само 2 проценти шанси за живот во период од три до шест месеци.

Едвај се спасил: Познатиот продуцент Сајмон Кауел доживеа тешка сообраќајна несреќа

Ивана Ефремовски — Wed, 02 Feb 2022 09:31:40 +0000

Познатиот член на жирито на британската шоу програма „Јас имам талент“, Сајмон Кауел, минатиот четврток итно бил пренесен во болница, пишува The Sun. Тој наводно доживеал сообраќајна несреќа во близина на неговиот дом во западен Лондон додека возел електричен велосипед. Според медиумите, Сајмон не носел кацига и паднал со брзина од 20 километри на час. Сега е пуштен дома, но како што пишуваат медиумите, тој едвај “спасил жива глава“. Кауел веќе имаше сообраќајка со велосипеди пред 18 месеци, кога сериозно го повреди грбот во Лос Анџелес. Неговата стара повреда сега е обновена, а докторите стравувале дека последици од нов удар можат да бидат страшни. До доаѓањето на Брзата помош му помагале случајни минувачи, а се посомневале дека има потрес на мозокот и скршеница на раката. „Сајмон е среќен што е жив“, изјави извор за Мирор. Според овој соговорник, на Сајмон му „течела крв по лицето и личел на Фантомот од операта“. За среќа, Сајмон бил пуштен од болница, со гипс на раката.

Крај за „Х Фактор“, шоуто престанува со снимање по 17 години

Ивона Петрова — Fri, 30 Jul 2021 06:06:12 +0000

Сајмон Кауел во 2018 година го паузираше снимањето на популарното шоу „Х Фактор“ на пет години поради зачестеност, но извори тврдат дека е малку веројатно дека шоуто ќе се врати на малите екрани. Кауел го лансираше шоуто во 2004 година, а последната сезона се прикажуваше во 2018 година. Форматот и натаму е успешен во цел свет, но Сајмон смета дека британската верзија стана помалку зачестена и досадна. Според пишувањето на Дејли Мејл, Кауел наводно одлучил да го одложи прикажувањето на пет години, но други извори тврдат дека најверојатно шоуто нема да се врати. Во последната сезона на британски „Х Фактор“ членови на жирито беа Сајмон Кауел, Луи Томлинсон, Роби Вилијамс и неговата сопруга Ајда Филд.

Сајмон Кауел доживеал тешка несреќа: Во операциона сала бил 6 часа, а сега и се обрати на јавноста

Ивона Петрова — Wed, 12 Aug 2020 10:35:55 +0000

Сајмон Кауел е опериран откако доживеал повреда на ’рбетот по пад од електричен велосипед кој го тестирал во својата вила во Малибу. Кауел по повредата и извршената операција која траела шест часа е оптимист дека се ќе биде во најдобар ред, а потребно ќе биде време за тој целосно да заздрави. -Еден добар совет: Ако купите електричен велосипед, прочитајте го упатството пред да го користите. Паднав и го повредив грбот. Им благодарам на сите за добрите пораки. Му благодарам на болничкиот персонал. Чувајте се, напиша Сајмон на Твитер.

ВИДЕО: Ги знаете како Барс и Мелоди, сега повторно се појавија на сцената на „Америка има талент“ и го разочараа жирито

Ивона Петрова — Wed, 29 Jan 2020 09:58:32 +0000

Младите момци Леонард и Чарли познати како Барс и Мелоди во 2014 година го освоија третото место на шоуто „Британија има талент“ откако го воодушевија жирито со својата оригинална песна, за што од Сајмон Кауел кој важи за најстрог меѓу жири членовите, добија златно копче. Тие го продолжија патот во музиката, а годинава се претставија во шоуто „Америка има талент“ кое оваа сезона на едно место ги собра сите изминати победници и натпреварувачи кои се издвоиле со текот на годините. Барс (19) и Мелоди (21) повторно пред публиката и жирито се претставија со својата песна, но овојпат разочараа. Еден член на жирито разочаран од нивниот настап им притисна црвен тастер. И останатите членови немаа пофални зборови за нив. Како изгледаше настапот погледнете во продолжение.