сајт – Kurir.mk

На секоја секунда се активираат 3 нови веб-страници на интернет – ова се најпосетените

Ристе Здравков — Wed, 09 Aug 2023 11:39:32 +0000

Google, YouTube, Facebook, Instagram и Twitter се најпосетуваните страници на интернет, а ги користи 64,9 отсто од светската популација. Со повеќе од милијарда активни веб-страници ширум светот, секоја секунда се отвораат по 3 нови, а Google, YouTube, Facebook, Instagram и Twitter се најпосетуваните страници на интернет. Според податоците на платформата за дизајн и развој на веб-страници Siteefy, околу 10.500 веб-страници се лансираат секој час ширум светот, 175 веб-страници секоја минута и 3 нови страници секоја секунда. Меѓу веб-страниците ширум светот, активно се користат 18 отсто (речиси 202 милиони), а секој ден се креираат околу 252.000 нови веб-страници. Врз основа на податоците од similarweb.com, „google.com“ е најпосетувана страница во светот, а потоа следат „youtube.com“, „facebook.com“, „instagram.com“ и „twitter.com“. Кога станува збор за просечното времетраење на посетите, корисниците поминуваат околу 10 минути и 38 секунди на Google, 20 минути и 25 секунди на YouTube, 10 минути и 43 секунди на Facebook, 8 минути и 22 секунди на Instagram и 10 минути и 47 секунди на Twitter. Според податоците на германската компанија за собирање податоци Statista, во април 64,9 отсто (5,18 милијарди) од светското население користело интернет, а 59,9 отсто (4,8 милијарди) користеле социјални мрежи. Земјите со најголем пристап до интернет се Норвешка, Саудиска Арабија и Обединетите Арапски Емирати, сите со 99 проценти. Азија води по бројот на корисници на интернет со 2,93 милијарди, а по неа следи Европа со 750 милиони корисници.

Хакиран профилот на ОБСЕ во Македонија – стана хотлајн (ФОТО)

Ристе Здравков — Fri, 20 Jan 2023 19:01:42 +0000

Меѓународна брука за Македонија. Откако нашата земја стана претседавач со ОБСЕ, хакиран беше профилот на оваа меѓународна организација. Од ОБСЕ објавија за случајот. Инаку, фејсбук страницата на нашата мисија во Скопје, по хакирањето стана хотлајн.

Решенијата за изолација ќе се објавуваат на сајтот на ДСЗИ

Тале Кристо — Tue, 01 Feb 2022 20:19:38 +0000

На денешната 10 седница, Владата донесе заклучок и за начинот на изработување и доставување на решенија за изолација за лица кои се позитивни на КОВИД-19 или се контакти на позитивни лица. Според новиот предлог, решенијата за лицата кои треба да бидат во изолација ќе се објавуваат на веб страницата на Државниот санитарен и здравствен инспекторат и дополнително во Службен весник во најбрз можен рок, при што нема да бидат објавувани лични податоци на граѓаните, односно целосно ќе бидат запазени стандардите дефинирани со Законот за заштита на личните податоци. Оваа измена се воведува поради зголемениот број граѓани за кои се определува мерката изолација и поради намалениот број денови за изолација, а со цел брз проток на информациите, намалување на временската разлика меѓу моментот кога е констатирана потребата од изолација, издавањето на решението за изолација и неговото објавување. Со новата методологија се намалуваат можностите за злоупотреба во периодот додека не се објави решението, а со тоа се намалуваат и ризиците од дополнителен број случаи позитивни на КОВИД-19 . За овој начин на доставување на решенијата граѓаните ќе бидат претходно известени преку телефонскиот број оставен во установата каде било извршено тестирањето, а ќе постои можност да биде издадена потврда дека е издадена јавна објава за изолација на писмено барање на граѓаните. Потврда за објавено решение за самоизолација може да биде издадена и за потребите на Основното јавно обвинителство или друг јавен орган со надлежност за увид во решенијата за изолација.

Падна Владата на Спасовски- сајтот vlada.mk беше 4 часа блокиран или хакиран, владата молчи за причините

Катерина Бојаџиева — Thu, 20 Feb 2020 22:08:51 +0000

Сајтот на Владата беше блокиран или хакиран и повеќе од 4 чаа не беше во функција. Поради непознати причини сајтот на влада „vlada.mk“ не беше достапен за граѓаните. И додека ваквата состојба траеше, од владата молчеа и не излегоа со никакви официјални информации. Дали технички проблем беше виновен за „падот на владата“ на техничкиот Оливер Спасовски, засега нема одговор.