Сакраменто кингс – Kurir.mk

Шарунас Јасикевичиус заминува во НБА лигата

Бошко Тасиќ — Sat, 30 Sep 2023 04:12:30 +0000

Литванскиот кошаркарски тренер Шарунас Јасикевичиус ќе стане дел од стручниот штаб на Сакраменто Кингс. Јасикевичиус ја водеше Барселона до минатата сезона, а сега ќе се обиде дополнително да го збогати своето знаење во Калифорнија. За Литванецот беше заинтересиран и тимот на Мемфис Гризлис, бидејќи тој и претходно беше на мета на тимот од Мемфис, но сепак се одлучи прво за Жалгирис, а потоа и за Барселона.

Искусен центар е ново засилување за Сакраменто

Бошко Тасиќ — Mon, 04 Sep 2023 04:18:12 +0000

Официјално Сакраменто Кингс објави дека се засилува со трикратниот НБА шампион, Џавал МекГи. Високиот кошаркар пристигна кај „кралевите“ и ќе добие загарантиран минимален ветерански договор. Информацијата ја потврди и новинарот Адриен Војнаровски, а ротацијата на Сакраменто станува уште посериозна за следната сезона. Прв центар во тимот ќе биде Литванецот Домантас Сабонис, но и МекГи ќе има своја значителна улога. Тимот од Калифорнија за оваа позиција ги има на располагање уште Алекс Лен, Нерлес Ноел и Немиас Кета, кои исто така ќе бидат во конкуренција за настап.

Домантас Сабонис го продолжи договорот со Сакраменто

Бошко Тасиќ — Sun, 23 Jul 2023 06:27:12 +0000

Литванскиот кошаркар Домантас Сабонис официјално го продолжи договорот со екипата на Сакраменто Кингс во НБА лигата. Синот на легендарниот Арвидас Сабонис ќе се задржи во дресот на „кралевите“ уште пет сезони. Новиот договор ќе му гарантира огромна заработувачка од дури 217 милиони долари, а кошаркарот изјави дека е задоволен од продолжувањето на соработката. Минатата сезона Домантас Сабонис одигра 79 натпревари за Сакраменто и забележа одличен „дабл-дабл“ просек од 19,1 поен, 12,3 скокови и 7,3 асистенции по натпревар. Во досегашната кариера настапуваше уште за Уникаха, Гонзага, Орландо Меџик, Оклахома Сити Тандер и Индијана Пејсерс.

Сакраменто Кингс пред потпис на нов договор со Домантас Сабонис

Бошко Тасиќ — Sun, 02 Jul 2023 06:41:17 +0000

Центарот на Сакраменто кингс, Домантас Сабонис се договори за огромно продолжување на договорот со клубот за неверојатни 217 милиони долари за пет сезони, потврдија неговите агенти за „ЕСПН“. Кингс ќе му ја зголемат платата за 2023/24 на 30.6 милиони долари и ќе додадат четири години на неговиот договор, но 27-годишниот Сабонис нема да ги „повлече“ сите пари кои се достапни, бидејќи сака да помогне во градењето на ростерот на тимот. Кингс исто така го вратија Херисон Барнс на тригодишен договор и се договоријаа со бугарската ѕвезда од Евролигата, Саша Везенков за тригодишен договор, вреден 20 милиони долари.

Саша Везенков ќе го засили Сакраменто Кингс

Бошко Тасиќ — Sat, 27 May 2023 04:29:46 +0000

Најкорисниот кошаркар (МВП) оваа сезона во Евролигата, Александар Саша Везенков, по се изгледа нема да игра во грчкиот Олимпијакос следната сезона. Тој ќе ја напушти и европската кошарка и ќе се пресели во НБА лигата. Бугаринот ги предводеше „црвено-белите“ од Пиреја се до финалето на елитното европско натпреварување, но грчкиот клуб на крајот остана без титулата европски првак. Крилниот кошаркар импресионираше со своите игри, а тие не останаа незабележани од Сакраменто Кингс, кои донесоа конечна одлука да го ангажираат, потврдија медиумите во Грција. НБА тимот ќе одвои 1.500.000 евра колку што е откупната клаузула на 27-годишниот Везенков. Сакраменто на најкорисниот играч на Евролигата му нуди двегодишен договор вреден 4.500.000 евра по сезона, но можно е соработката да биде и двојно подолга.

НБА: Кари постигна рекордни 50 поени, Голден Стејт по „мајсторка“ слави полуфинале на Западот (ВИДЕО)

Бошко Тасиќ — Mon, 01 May 2023 04:32:49 +0000

Кошаркарите на Голден Стејт Вориорс триумфираа во „мајсторката“ против Сакраменто Кингс и се пласираа во полуфиналето на Западната Конференција каде ќе се сретнат со Леброн Џејмс и ЛА Лејкерс. Тимот на Стив Кер славеше со убедливи 100-120, а нов рекорд во НБА лигата постави неверојатниот Стеф Кари кој постигна 50 поени. Никој во историјата на лигата досега не постигнал 50 поени во седми натпревар од плеј-офот, а плејмејкерот на Голден Стејт буквално „експлодираше“ во второто полувреме и сам го дотолчи Сакраменто. Стеф Кари беше феноменален и почна од сите страни да го полни кошот на домаќините, а од голема помош му беше и извонредниот Кевон Луни кој запиша 11 поени и дури 21 скок, од кои девет офанзивни. Кај Сакраменто прво име беше Домантас Сабонис со 22 поена и осум скокови. https://www.youtube.com/watch?v=Brc1VRnhuhk&embeds_euri=https%3A%2F%2Fwww.gol.mk%2F&source_ve_path=MjM4NTE&feature=emb_title

Падна голем трејд во НБА лигата

Бошко Тасиќ — Thu, 10 Feb 2022 20:51:51 +0000

Трејд периодот во НБА-лигата доаѓа при крајот, па така екипите ги користат максимално сите ресурси да заменат играчи или да се ослободат од оние на кои не сметаат. Четири тима постигнаа договор и направија голем трејд. Сакраменто Кингс, ЛА Клиперс, Милвоки Бакс и Детроит Пистонс разменија дури седум играчи. Главно име на трејдот е шпанскиот кошаркар Серж Ибака кој потпиша за Милвоки Бакс. Во редовите на Сакраменто Кингс пристигнаа Донте Дивинченцо, Треј Јулс и Џош Џексон, кај „бакси“ покрај Ибака ќе дојдат уште два пика на следниот драфт, плус ќе се добијат и пари. Кај Клиперси пристигнаа Родни Худ и Семи Оџеле, додека Детроит го доби Марвин Бегли Џуниор.

Клиперс го победиja Сакраменто и ја прекинаa серијата од три порази

Тале Кристо — Thu, 23 Dec 2021 08:06:50 +0000

Кошаркарите на Лос Анџелес клиперс рано утрово забележаа победа на гостувањето кај Сакраменто кингс со 105:89 и ја прекинаа серијата од три загубени средби. Најефикасен играч на натпреварот беше Тајрис Халибартон од Сакрамнето со 22 поена. Клиперс со биланс 17 победи и 15 порази се на 5.место во Западната конференција, Сакраменто има ефект 13-20 и се наоѓа на 12. место. На другите натпревари од НБА-лигата одиграни ноќта среда кон четврток постигнати се овие резултати: Атланта – Орландо 98:104 Бостон – Кливленд 111:101 Милвоки – Хјустон 126:106 Оклахома – Денвер 108:94.