Салах Абдеслам осуден на доживотен затвор за терористичките напади на 13 ноември 2015

Ивона Петрова — Thu, 30 Jun 2022 06:09:01 +0000

По 148 рочишта, дваесетте обвинети за масакрот во Париз од 2015 година беа осудени на казни од две години до доживотен затвор. Обвинетите имаат рок од десет дена за жалба на пресудите, јави дописникот на МИА. Салах Абдеслам (32) е осуден на доживотен затвор, а казната не може да се намалува од страна на специјално составениот кривичен суд. Судот во него виде „коавтор“ (а не соучесник) на исламистичките убиствата од 13 ноември 2015 година во Париз и Сена Сен Дени. Единствениот преживеан член на фанатичните командоси кои убија 130 луѓе и повредија стотици други доби максимална казна предвидена во кривичниот законик како соизвршител во обидите за убиства на лица одговорни за јавниот ред – полицајци – во врска со терористички потфат, дело извршено за време на крвавото земање заложници во Батаклан. И покрај напорите на неговите адвокати да се намали квалификацијата, петте судии гласаа за ваквата казна со мнозинство. Тие го отфрлија мотивот на Салех доброволно се откажал да го употреби неговиот експлозивен елек на посетеното место, што тој го тврдеше на сослушувањето. За судот уредот „не бил функционален“, што објаснува зошто не можело да се активира. Треба да се напомене дека доживотната затворска казна која не може да се намалува, а и забранува да се побара какво било прилагодување на казната пред триесет години и ја прави таквата мерка крајно неверојатна, беше изречена и против петмина обвинети за кои се претпоставува дека загинале на ирачко-сириските боишта и им се судеше во отсуство, во чиј прв ред е Осама Атар, висок достоинственик на Исламската држава (ИД) и главен спонзор на нападите извршени во Европа. Пресудата беше примена со најголема смиреност во преполната специјално уредена судска сала.

Осомничен за нападот во Париз е обвинет во Белгија

Даниел Василев — Mon, 23 Apr 2018 09:27:28 +0000

Еден од преживеаните осомничени за нападите во Париз во 2016 година, Салах Абдеслам е осуден во Белгија за пукање кое довело до негово апсење. На Абдеслам му е судено во Белгија за пукање на полицијата на 15 март 2016 година, четири месеци по нападот во Париз во кој беа убиени 130 луѓе. Инаку, ова е прв пат сеуд да одлучува за судбината на еден член на група екстремисти кои го нападнаа Париз. Абдеслам беше пронајден од страна на полицијата заедно со Софијан Ајари, додека една личност која тогаш пукаше врз полицијата беше убиен. Во пукањето ранети се четворица полицајци, од кои еден потешко. Сепак двајцата успеаја да побегнат на полицијата. Три дена подоцна Абдеслам беше фатен во Брисел. Таа полициска рација го забрза факањето на Абдеслам, кој тогаш беше најбараниот човек во Европа. Тој е уапсен на 18 март 2016 година во Моленбек заедно со Ајари. Белгиските обвинители бараа затворка казна од 20 години за двајцата, наведувајќи ги како причина терористичките врски и пукањето врз полицијата. 28-годишниот Абдеслам е Французин со мароканско потекло, поранешен ситен деликвент од бриселскиот кварт Моленбек. Абдеслам во Франција е клучниот осомничен за нападите на 13 ноември 2015 година. Истрагата покажала дека таа ноќ тој и уште тројца бомбаши самоубијци биле пред Стад де Франс во Париз. Тој требал да изведе самоубиствен напад, но истрагата покажа дека неговиот појас бил дефектен. Абдеслам исто така е осомничен дека преку балканската европска рута кон крајот на 2015 година довел десет екстремисти. Меѓу нив бил и Софијан Ајари кој придружил кон Исламска држава во Сирија во 2014 година.

салах абдеслам – Kurir.mk

Салах Абдеслам осуден на доживотен затвор за терористичките напади на 13 ноември 2015

Осомничен за нападот во Париз е обвинет во Белгија