Салах – Kurir.mk

Роналдо, Меси, Халанд, Бензема, Левандовски и Салах се меѓу финалистите на „Глоуб Сокер“ во категоријата „Најдобар играч на годината“

Тале Кристо — Thu, 03 Nov 2022 13:47:01 +0000

Познати се финалистите на Глоуб Сокер наградите во категоријата „Најдобар играч на годината“. Во потесниот избор влегоа: Карим Бензема, Тибо Куртоа (двајцата од Реал Мадрид), Роберт Левандовски (Барселона), Лионел Меси, Килијан Мбапе (двајцата од ПСЖ), Ерлинг Халанд (Манчестер сити), Кристијано Роналдо (Манчестер јунајтед), Луис Дијаз, Мохамед Салах и Садио Мане (тројцата од Ливерпул). Номинирани за наградата играч на годината во избор на навивачите преку Тикток се: Кевин де Брујне, Ерлинг Халанд (двајцата од Манчестер сити), Карим Бензема (Реал Мадрид), Роберт Левандовски (Барселона), Лионел Меси (ПСЖ), Мохамед Салах (Ливерпул) и Кристијано Роналдо (Манчестер јунајтед). Церемонијата на доделување на наградите ќе се одржи во Дубаи (ОАЕ) на 17 ноември. Најтрофеен досега е Кристијано Роналдо – наградата за најдобар играч на годината ја доби шест пати.

Клоп не смета дека гласините за Салах ќе влијаат на Ливерпул

Тале Кристо — Sun, 24 Jan 2021 08:17:16 +0000

Тренерот на Ливерпул, Јирген Клоп ги сподели своите ставови околу гласините за интерес на шпанските гиганти Реал и Барселона за напаѓачот Мохамед Салах. – Не мислам дека има големо влијание врз тимот. Ова е нормална ситуација за целиот светски фудбал. Во повеќето случаи, работите не се како што се шпекулира. Малку е веројатно дека ова ќе го наруши мирот во Ливерпул, изјави Клоп. Во сезоната 2020/21, Салах забележа 27 настапи за Ливерпул, има 17 погодоци и четири асистенции. Порталот Transfermarkt.com ја проценува вредноста на 28-годишниот Египќанец на 120 милиони евра.

Синот на Џамал Кашоги пристигна во САД

Ивона Петрова — Fri, 26 Oct 2018 11:31:21 +0000

Синот на убиениот саудиски новинар Џамал Кашоги, Салах, пристигна во САД, изјавил за Си-Ен-Ен извор близок до семејството. Салах Кашоги има двојно државјанство, американско и саудиско, и до сега имаше забрана за патување. Тој во средата ја напуштил Саудиска Арабија и не се знаеше неговата дестинација. Претставник на Стејт департментот изјави дека Мајк Помпео побарал од Ријад да му дозволи на Салах да патува и оти Вашингтон е „задоволен“ што му е овозможено да ја напушти Саудиска Арабија. Саудиецот Џамал Кашоги, колумнист на „Вашингтон пост“ беше убиен на 2 октомври во саудискиот Конзулат во Истанбул. Саудиска Арабија повеќе од две недели тврдеше дека тој го напуштил Kонзулатот, но на крајот призна дека бил убиен. Првата верзија беше дека тој бил убиен во тепачка, но саудиски обвинители вчера го окарактеризирале убиството на Кашоги како злосторство со предумисла. МИА