салати – Kurir.mk

Внимавате на секој залак, а сепак не ви оди? Оваа е (навидум здравата) храна заради која никако не успевате да ослабнете

Ристе Здравков — Fri, 14 Oct 2022 09:25:17 +0000

Без здрава и урамнотежена исхрана нема слабеење – тоа го знаеме одамна. Без гладување и исцрпувачки диети, туку само со внесување на разновидна храна, пред се свежо овошје и зеленчук е можно да се симнат вишокот килограми на здрав начин и да не се вратат. Меѓутоа, што ако ги исклучите сите (очигледни) намирници кои го спречуваат слабеењето како бел леб, бонбони и газирани пијалоци, но маснотијата никако да почне да се топи? Што правите погрешно? Како што истакнуваат експертите, постои цел список на намирници кои несомнено се корисни за здравјето, но доколку сакате да ослабете нема да постигнете задоволителен резултат само со нивно внесување. Јогурт Бидејќи е богат со протеини и добри бактерии, повеќето луѓе сметаат дека супер здравиот јогурт е најбезбедниот диетален пијалок и одличен начин за чистење на цревата. Сепак, треба да бидеме внимателни со него ако сакаме да се ослободиме од вишокот килограми – задолжително внимавајте дали содржат додадени шеќери, колку масти имаат и целосно заборавете на овошните јогурти! Уште подобра опција од обичниот јогурт е безмасниот грчки јогурт, кој има 5,7 грама протеини на 100 грама, многу повеќе од обичниот јогурт (кој има околу 3,5 грама). Покрај тоа, има помалку калории, низок гликемиски индекс и докажано е дека е ефикасен во зајакнувањето на имунитетот. Јаткасти плодови Во исхраната често се препорачуваат бадеми, лешници, ореви и други здрави „грицки“ кои припаѓаат на јаткастите плодови бидејќи благодарение на огромното количество влакна го забавуваат варењето и го продолжуваат чувството на ситост. Тоа, пак, доведува до помал внес на калории подоцна во текот на денот, а тие се богати со витамини, минерали, антиоксиданси и придонесуваат за здравјето на безброј начини. Сепак, имајте на ум дека тие содржат многу масти, па затоа мора да внимавате на количината. Малку е познато дека 100 грама ореви имаат повеќе од 606 калории и не се единствените висококалорични плодови од овој тип, па на возрасните им се препорачуваат само околу 30 грама јаткасти плодови дневно. Тоа значи 20-30 бадеми, 10 бразилски ореви, 15 индиски ореви, 20 лешници, 30 ф’стаци, 10 ореви… Производи со малку маснотии Од неодамна, се нудат многу верзии на популарна храна со малку маснотии, што е одлична вест за секој кој сака да ослабне без да се откаже премногу од омилената храна. Сепак, многу е важно внимателно да го прочитате составот на секој производ, бидејќи тоа што нешто содржи помалку масти не мора да значи дека има помалку калории, односно дека не му се додадени шеќери. Салати Очигледниот избор кога сакаме да јадеме без ограничувања за време на диета е обично салатата, а добрата вест е дека зелената салата спаѓа во намирниците кои речиси немаат калории – во сто грама има 0,22 калории! Меѓутоа, со салатите треба да се биде многу внимателен ако се работи за оброк-салата, односно оние што содржат месо и преливи. Колку е мрсно месото? Дали преливот содржи шеќер? Ова се само дел од работите што треба да ги имате на ум доколку вака јадете секој ден.

Листа на најздрави салати

Катерина Бојаџиева — Wed, 07 Aug 2019 19:26:43 +0000

Салатите се многу здрав оброк, но дали знаевте дека некои се сепак подобри за вашиот организам од другите благодарение на нутриентите кои ги содржат. Зависно од количината на здрави состојки како, на пример, влакна, протеини, калциум, железо, рибофлавин, витамини или цинк, одредени видови салати се сепак попожелни на секојдневното мени од другите. Поточарка. Поточарката има неверојатни 106 отсто од дневно препорачаната доза на витамин К, 22 отсто витамин А и 24 отсто витамин Ц. Исто така, содржи калциум, железо и магнезиум. Спанаќ. Спанаќот е вистинска ризница на здрави состојки како витамини К и А, но и манган и фолна киселина. Цикорија. Листовите на цикорија се преполни со многу здрави состојки како тиамин, ниацин и цинк. Салата путерка. Оваа вкусна салата содржи многу калиум и витамини А и К. Римска салата. Оваа салата има солидна количина витамини К и А, како и фолати. Кељ. Една порција ги задоволува сите ваши дневни потреби за витамини А, Ц и К. Освен тоа, има и три грама протеини за подигање на енергијата. Рукола. Оваа салата содржи вредност од фитохемикалии кои можат да спречат развој на одредени видови на рак. Зелена салата. Оваа салата не е баш на најдобар глас. Иако се наоѓа на последното, осмо место на оваа листа, сепак содржи влакна, калиум, цинк, калциум, фолати, како и витамини А и К. Освен тоа, има висока содржина на вода што е секогаш добро.

Никогаш нема да ослабете ако овие намирници ги ставите во оброците и салатите!

Ивана Ефремовски — Sun, 28 Jul 2019 20:09:20 +0000

Здравите оброци се претвораат во масни калориски бомби. Во текот на летото, салатите се храна која нјамногу се користи. Тие се подготвуваат едноставно, не им треба сериозна термичка обработка, а и лесни се за варење. Покрај тоа, се сметаат за диетални, што ги прави добар избор за многу луѓе кои сакаат да живеат здраво или да ослабат. Треба да се има на ум дека не секоја салата е диетална. Ако ставите во чинија домати, рукола, ајсберг и друг зеленчук сигурно салатата ќе ви биде нискокалорична и корисна. Но, ако додадете некоја друга состојка, ризикувате да го претворите вашиот специјалитет во калорична бомба! Овие состојки никогаш не треба да ги додавате во салати, но ни во други јадења ако сакате тенка линија! 1. Пченка Еден од најлесните начини да го намалите внесот на калории и јаглени хидрати е да престанете да додавате пченка насекаде. 2. Павлака Павлаката е исто така многу калорична. Бидете сигурни дека ако ја додаде во салата таа веќе нема да биде диетална и лесна, а јадењето ќе биде многу мрсно. 3. Кротони Ако се обидувате да го намалите внесот на тестенини, никогаш немојте да јадете оброк со кротони. Тоа е како да јадете 1-2 парчиња леб. 4. Солени јаткасти плодови Сирови ореви и семиња се здрав додаток, но печени јаткасти плодови во кои има сол се нешто друго. Тие ниту се корисни, ниту диетални. 5. Сланина Дали мислите дека вашиот оброк ќе биде диетален кога во него ќе додадете масна свинска сланина? 6. Сос од мајонез Сосот од мајонез е тежок и многу калоричен. Со неговите калории може да ги надмине сите здрави состојки во оброкот.

Избегнете го труењето со храна, дознајте колку време може да стојат салатите, сармата, месото и колачите

Ивона Петрова — Wed, 02 Jan 2019 11:44:05 +0000

За време на празниците малку внимание се обрнува на овој момент, но труењето со храна може да го влоши вашето здравје, како и празничниот одмор и расположение. Варената и печена храна може да ја чувате и на тераса, бидејќи веќе на температура од 5 степени развиваат микроорганизми. Последиците од труењето со храна можат да бидат многу непријатни, дури и опасни затоа обрнете внимание на правилно чување, како и на мирисот и изгледот на храната која нема да се изеде во првите два дена, предупредуваат нутриционистите. Често е тешко да се процени колкава количина храна е доволна за семејството кое се собира на празничната трпеза, па најчесто се претерува во подготовката. Затоа е важно остатоците од храната да се чуваат на правилен начин за да целосно бидат сигурни за повторна консумација. -Храната е подложна на расипување на температура меѓу 5 и 6 степени. Овие температури се најпогодни за развивање на микроорганизми, па храната треба да се стави во фрижидер или замрзнувач најдоцна два дена по јадењето, советуваат нутриционистите Најчесто на празничната трпеза се наоѓа сарма, месо, руска салата, пити, чорба. Важно е да се знае дека сармата е најотпорна, но секако и таа има свој рок на траење. Сармата треба да се чува во фрижидер и да се изеде во период од 3 до 4 дена. Се препорачува подгревањето да биде само на количина доволна за оброкот и задолжително да проврие. Може да се замрзне и да се чува до 4 месеци. Свинското и останато месо, треба да се изеде во првите три дена. Рибата е подложна на расипување и не треба да се јаде подолго од две дена. Микроорганизмите испуштаат токсини кои не се уништуваат со термичка обработка. Еднаш одмрзнатата храна не треба да се замрзнува повторно. Кремастите салати не е добро да се замрзнуваат, бидејќи меѓу другото содржат мајонез.

Четири салати кои ќе ви помогнат да загубите килограми (видео)

Ристе Здравков — Tue, 16 Oct 2018 09:06:04 +0000

Салатите се составен дел од секоја диета, односно од здравиот начин на исхрана. Доколку сакате да го загубите вишокот на килограми, погледнете го видеото во кое се претставени рецепти за четири видови на салати кои ќе ви помогнат во тоа.