салцбург – Kurir.mk

Топлата вода ќе биде исклучена во градинките и училиштата во Салцбург, родителите загрижени

Дарко Андоновски — Mon, 10 Oct 2022 10:21:44 +0000

За да ја постигне целта од заштеда на енергенти од 11 отсто, австрискиот град Салцбург презема мерки со што во јавните установи, вклучувајќи ги училиштата и градинките, топлата вода ќе биде исклучена, пишува весникот „Салцбургер Нахрихтен“. Потегот не се однесува на противпожарните станици, кантините, училиштата за деца со пречки во развојот, соблекувалните во градинките и тушевите во спортските сали. Тоа што децата во градинките и училиштата следната зима ќе мијат раце со ладна вода, не претставува никаков проблем за градската секретарка Мартина Бертхолд. – При миење раце со сапун и ладна вода, се добива ист резултат. За одржување хигиена може да се приспособат соодветни средства, нагласи таа. Според неа, ладната вода од чешмите не е „студена планинска река“. Од друга страна, дел од родителите изразија загриженост поради тоа што децата ќе мијат раце со ладна вода. – Ќе има студени раце и набрзо веќе нема да ги мие, стравува една мајка, цитирана од весникот. Како што се посочува, проблем е и што хигиеничарите во градинките и училиштата ќе можат да користат само студена вода. Со тоа, се стравува од зголемена употреба на хемиски средства. До средината на октомври, постои можност да се стави вето на одлуката на градските власти. Доколку не дојде до тоа, таа стапува на сила.

Потер: разочарани сме од нерешениот исход со Салцбург

Тале Кристо — Thu, 15 Sep 2022 08:03:19 +0000

Тренерот на Челзи, Греам Потер го коментираше ремито со Салцбург (1:1) во натпреварот од 2. коло од групната фаза на Лигата на шампионите. – Разочарани сме од исходот на натпреварот. Но, момците дадоа максимум. Постигнавме добар гол, но бевме невнимателни малку во вториот дел, плус нивниот голман направи неколку добри одбрани. Не го постигнавме посакуваниот резултат, но немам за што да ги прекорувам моите фудбалери. Доста често го користевме Рахим Стерлинг еден на еден и голот беше резултат од ова, изјави Потер. Челзи по две кола во Е-групата е последен со само еден освоен бод. Милан е лидер со четири, , Динамо има три, Салцбург два. Во 3. коло Челзи на домашен терен ќе игра со Милан, Салцбург ќе се сретне со Динамо Загреб.

Во Салцбург изнајмиле авион за да ги вакцинираат луѓето во него: Одзивот е неверојатен

Магдалена Андонова — Wed, 10 Nov 2021 08:57:53 +0000

Надлежните австриски власти постојано се во потрага по стимулации за да ги натераат граѓаните да се вакцинираат против коронавирусот. Во вторникот во Салцбург бил воспоставен пункт за вакцинација во еден авион што предизвикал граѓаните да дојдат и да се вакцинираат. Власта на градот Салцбург изнајмила авион од компанијата „Јуровингс“ во кој граѓаните може да примат прва, втора или трета доза. При „чекирањето“ лицата биле „проверени“ од работниците на „Црвениот крст“, а потоа ја поминале безбедносната контрола, а имале можност да ја посетат и пилотската кабина на авионот. Раководството на аеродромот во Салцбург е презадоволно од оваа акција, бидејќи во првите неколку часа дошле да се вакцинираат над 100 лица. - Бев изненадена што дојдоа толку многу луѓе уште пред да ја започнеме акцијата. Ми беше драго што успеавме да ја организираме оваа акција со Јуровингс, Црвениот крст и провинцијата Салцбург - изјави директорката на аеродромот Бетина Гангхофер.

Салцбург: Нема вработување без вакцинација против Ковид-19

Тале Кристо — Mon, 07 Dec 2020 11:28:11 +0000

Австриската покраина Салцбург планира во болниците и домовите за стари и изнемоштени лица да се вработуваат само луѓе кои се вакцинирани против Ковид-19. – Во нашите болници веќе постои де факто задолжителна вакцинација, бидејќи статусот на имунизација се проверува пред вработување и вакцините кои недостасуваат мораат дополнително да се примат, објасни секретарот за здравство и потпретседател на покраината Салцбург, Кристиан Штекл. Тој принцип ќе се применува и при новите вработувања кога ќе се појави вакцината против коронавирус. Штекл бара задолжителна имунизација против Ковид-19 не само за вработените во болниците и домовите за стари и изнемоштени лица, туку и за оние во градинките и училиштата во Салцбург. За таквиот потег, Штекл побара да се направи проверка на правните можности. Меѓутоа, не постои можност да се воведе задолжителна вакцинација против коронавирусот и за околу 15.000 луѓе кои се моментно активно вработени во болниците и домовите за стари и изнемоштени лица.

Милан подготвен да му даде на Холанд годишна плата од 5,5 милиони евра

Ивона Петрова — Thu, 19 Dec 2019 09:13:34 +0000

Напаѓачот на Салцбург, Ерлинг Холанд е пред големи искушенија во зимскиот преоден рок да го напушти австрискиот тим. Според „Спортиталија“, Милан е последниот клуб кој искажува сериозен интерес за Норвежанецот. Се шпекулира дека „миланезите“ се подготвени да му понудат договор на Холанд со годишна плата во висина од 5,5 милиони евра. За 19-годишниот фудбалер се заинтересирани уште и: Барселона, Јувентус и Борусија Дортмунд.

Спречена серија терористички напади во Виена и Салцбург

Ивона Петрова — Tue, 17 Dec 2019 06:26:49 +0000

Австриските власти објавија дека бил разоткриен заговор за извршување терористички напади по Божиќ. Терористите планирале активирање експлозини направи на Божиќен пазар во близина на катедралата Свети Стефан во Виена меѓу Божик и Нова година како и напади во Салцбург, Германија, Франција и Луксембург. Анонимен повик до пластите открил за подготовка на нападите. Нападите ги планирал терорист кој е во затвор откако двапати се обидел да се присоедини на ИД во Сирија. И покрај штоа што е зад решетки, водачот на групата останал во контакт со своите соучесници преку нелегален мобилен телефон што го користел во затворот. Во полициската акција уапсени се соучесниците кои се на возраст од 25 и 31 година. Тројцата се со чеченско потекло.

Клоп: Холанд не е единствениот опасен играч во Салцбург

Ивона Петрова — Tue, 10 Dec 2019 07:16:40 +0000

Тренерот на Ливерпул, Јирген Клоп, го забележа талентот на напаѓачот на Салцбург, Ерлинг Холанд пред натпреварот од 6. коло од групната фаза од Лигата на шампионите меѓу двете екипи. Деветнаесет годишниот Норвежанец е втор стрелец во Лигата на шампионите со осум гола. – Тој има само 19 години, исклучителен е Има голем талент и светла иднина. За жал, Холанд не е единствениот опасен играч кај нашиот противник. Мора да докажеме дека заслужуваме да стигнеме до плејофот. Овој дуел ќе биде најважен за нас во досегашниот дел од сезоната. Имаме добра позиција во групата, но далеку од брилијантна, изјави Клоп. Средбата Салцбург – Ливерпул с еигра вечер од 18:55 часот на „Ред бул арена“ во Салцбург. На табелата во Е-групата, Ливерпул е прв со 10 бода, Наполи има 9, Салцбург 7, Генк 1.

Анчелоти ја пропушти прес-конференцијата по натпреварот со Салцбург

Ивона Петрова — Wed, 06 Nov 2019 07:33:35 +0000

Тренерот на Наполи, Карло Анчелоти не присуствуваше на прес-конференцијата по средбата со Салцбург во 4. коло од Лигата на шампионите. Натпреварот заврши 1:1. Според „Ла газета дело спорт“ ваквото однесување на Анчелоти може да е резултат на конфликт со претседателот на клубот, Аурелио Де Лаурентис. Наполи по четири кола е втор во Е-групата и му треба една победа во последните две рунди за да го потврди пласманот во нокаут фазата од елитното фудбалско натпреварување.

Нема напредок на самитот за Брегизт во Салцбург

Ивона Петрова — Thu, 20 Sep 2018 14:04:03 +0000

Велика Британија и нејзините партнери од Европската унија ниту денеска, на вториот ден од неформалниот самит на лидерите на ЕУ во Салцбург, не успеа да постигнат напредок во преговорите за Брегзит, најмногу поради ненадминливите разлики околу тоа како на најдобар начин да се избегне воспоставување цврсти граници во Ирска. Претходно беше објавено дека некои европски официјални претставници кажале дека првиот ден од неформалниот самит на лидерите на ЕУ во Салцбург е завршен без напредок, кога станува збор за можностите за договор меѓу Велика Британија и Унијата за Брегзит. Во меѓувреме, лидерите на Европската унија одлучија дека ќе се одржи уште еден самит за Брегзит на 17 и 18 ноември, информираат неименувани дипломатски извори. Според официјални претставници на ЕУ, се уште треба да се договорат за некои детали околу времето на организирање дополнителен самит, на кој Унијата и Велика Британија се надеваат дека ќе постигнат договор за Брегзит. Сите лидери, вклучително и британската премиерка Тереза Меј, сакаат да се реши најголемата загатка на Велика Британија - како стоката да продолжи слободно да се движи меѓу Велика Британија, заедно со Северна Ирска и Република Ирска. Меј го одби предлогот на ЕУ, Северна Ирска да се задржи во царинска унија со тој блок, ако Велика Британија и Унијата не се постигнат договор за одржување на целата граница меѓу ЕУ и Велика Британија отворена. Наместо тоа, британската премиерка предложи временски ограничени царински аранжмани, кои би ја опфатиле цела Велика Британија. МИА

Розе: Салцбург не заслужи да биде елиминиран

Ристе Здравков — Thu, 30 Aug 2018 07:47:43 +0000

Тренерот на Салцбург, Марко Розе беше многу разочаран по синоќешната елиминација од Црвена ѕвезда во плејофот на Лигата на шампионите. - Играчите се тажни, плачат тие, плачат луѓето во клубот и навивачите. Не заслуживме ваков исход. Ова елиминација многу боли. Прикажавме многу повеќе од нашиот ривал, ама примивме два наивни гола. Заслуживме да играме во ЛШ, но тоа е фудбалот, изјави предводникот на австрискиот првак. Салцбург и Црвена ѕвезда одиграа 2:2 и по првите 0:0 во Белград, во ЛШ се пласира српскиот претставник. За Салцбург ова беше 12. неуспешен обид да се најде во групната фаза од елитното натпреварување. Ред Бул Салцбург во еврокуповите продолжува во второто по квалитет натпреварување – Лига Европа.