Салернитана – Kurir.mk

Натпреварот Наполи – Салернитана може да биде презакажан

Ивона Петрова — Wed, 26 Apr 2023 06:15:32 +0000

Претседателот на Серија А, Лоренцо Казини изјави дека натпреварот од 32. коло на Серија А меѓу Наполи и Салернитана може да биде презакажан доколку италијанското Министерство за внатрешни работи оцени дека има закана за јавниот ред. Општина Неапол претходно побара натпреварот да се префрли од сабота в недела (30 април), за да се игра истовремено со средбата Интер - Лацио, поради загриженоста за јавната безбедност. -Во контакт сме со Националната опсерваторија за спортски активности на МВР. Доколку има причини да се одложи натпреварот поради јавен ред, лигата ќе се прилагоди, изјави Казини. Доколку Наполи ја победи Салернитана, а второпласираниот Лацио не успее да го победи Интер, тогаш тимот на Лучијано Спалети и официјално ќе го освои Скудетото, прво по повеќе од три децении.

Салернитана му нуди на Кавани по 200.000 евра за постигнат гол

Магдалена Андонова — Fri, 24 Jun 2022 18:18:04 +0000

Италијанскиот фудбалски прволигаш Салернитана по секоја цена настојува да го ангажира искусниот аргентински напаѓач Едисон Кавани, нудејќи му, притоа, и бонус во износ од 200.000 евра за секој постигнат гол, пренесуваат денеска локалните медиуми. Во обид да го ангажира, Салернитана му нуди на Кавани договор од два милиони евра по сезона, како и капитенската лента, вклучувајќи и клаузула според која уругвајскиот фудбалер кога и да посака ќе може да замине од клубот без обесштетување. Кавани имаше одлични сезони во италијанската Серија А како фудбалер на Палермо и Наполи пред да премине во ПСЖ. Искусниот напаѓач минатата сезона ја мина во Манчестер јунајтед, а сега е слободен играч. (МИА)

Рибери го раскинува договорот со Салернитана и заминува во пензија

Бошко Тасиќ — Tue, 01 Feb 2022 21:29:14 +0000

Поранешниот француски фудбалски репрезентативец, Франк Рибери е блиску до раскин на договорот со италијанскиот прволигаш Салернитана и размислува за повлекување од спортот објавија медиумите од оваа земја. Поранешниот фудбалер на Баерн Минхен дојде во Салернитана како слободен играч во изненадувачки трансфер откако си замина од Фиорентина минатото лето и 38-годишниот ветеран одигра 12 меча, но не помогна тие да се помрднат од последното место на табелата. Салернитана веќе бара замена за него, и се верува дека тоа ќе биде поранешното крило на Рома и Фенербахче, Диего Пероти.