салмонела – Kurir.mk

Во ЕУ над 134 случаи на салмонела, веројатно поврзани со пилешко месо од Полска

Тале Кристо — Wed, 30 Aug 2023 20:15:21 +0000

Европските здравствени власти регистрирале најмалку 134 случаи на салмонела, за кои веруваат дека се поврзани со контаминирано пилешко месо, јави ДПА. Европскиот центар за превенција и контрола на болести во Стокхолм соопшти дека случаи на салмонела биле откриени во 10 земји на ЕУ и Норвешка. Едно лице почина од последици од салмонела во Австрија. Најголем дел од случаите се регистрирани помеѓу јануари и август 2023 година. Интервјуата со пациенти во Австрија и Данска сугерираат дека инфекциите со салмонела веројатно се поврзани со консумирањето пилешко. Пред две недели, австриските здравствени власти изразија загриженост за можна поврзаност помеѓу болестите на салмонела и пилешкото месо со потекло од Полска. Според ДПА, речиси сите оние кои се разболеле во Австрија, непосредно претходно јаделе пилешко. Понатамошните истраги открија дека сите погодени ресторани користеле пилешко за ражничи увезени од Полска.

Во Словенија покрената истрага поради труење со салмонела

Катерина Бојаџиева — Wed, 23 Nov 2022 17:55:48 +0000

Националниот институт за јавно здравје на Словенија (НИЈЗ) денеска почна широка епидемиолошка истрага поради пријавени случаи на труење со салмонела во неколку региони на земјата. Бројот на случаи на труење со салмонела, кои првично беа пријавени во источна Словенија, денеска се искачи на 19, а пријавени се и случаи и во други региони. Според НИЈЗ најверојатна причина за труење е тартарски бифтек од продавница. Првите случаи на труење се пријавени на подрачјето на Мурска Собота, а потоа се откриени случаи во градовите Равне на Корошкем и Целје, а денеска се регистрирани уште два случаи во љубљанскиот регион. НИЈЗ соопшти дека 11 пациенти морале да бидат хоспитализирани.

Неколку десетици Европјани заразени со салмонела од Киндер јајца

Дарко Андоновски — Tue, 05 Apr 2022 08:27:15 +0000

Најмалку 63 луѓе во Велика Британија, главно мали деца, се заразиле со салмонела во епидемија поврзана со јајцата „Киндер изненадување“. Чоколадната компанија Фереро повлекува некои серии од јајцата како мерка на претпазливост додека продолжуваат истрагите за поврзаноста, соопшти Агенцијата за стандарди за храна (FSA). Повеќето случаи се регистрирани во Европа, вклучувајќи ги Ирска, Франција, Германија, Шведска и Холандија. Јајцата се произведени во Белгија. Во Британија не се пријавени смртни случаи, но повеќето случаи вклучуваат деца на возраст од пет години и помали. Во предупредувањето, ФСА наведе дека повлекувањето се должи на „потенцијална поврзаност со појава на салмонела“. Производите кои се засегнати се јајцата од 20 грама или пакувањата со три јајца, сите со датум на истекување меѓу 11 јули 2022 и 7 октомври 2022 година. Фереро ги повлече производите и на луѓето им се советува да не ги јадат.

Во Валона блокирани 2,1 тони пилешко месо од Полска поради салмонела

Дарко Андоновски — Thu, 12 Dec 2019 18:14:46 +0000

Регионалната дирекција на албанската Национална агенција за храна во приморскиот град Валона, блокираше 2.130 килограми пилешко месо. Од месото, што е потекло од Полска, веднаш по пристигнувањето земени се мостри и од анализата било утврдено присуство на салмонела (Salmonella Enterica Ser. Enteritidis). Пратката прстигнала кај правен субјект што се занмавал со „трговија со млечни и месни производи“ -Кај субјектот прстигна пратка од 2.130 килограми непреработено пилешко месо, спакувано во картонски кутии во тежина од по10 килограми и замрзнато на -18 степени Целзиусови. По извршените анализи беше потврдено присуство на Салмонела“, информираа од албанската Национална агенција (АКУ). Месото ќе биде унштено. Во септември, во Драч агенцијата забрани увоз на 27 тони пилешко месо од Бразил, а наменето за албанскиот пазар откако беше констатирано дека е небезбедно за консумирање. Кусо пред тоа беше забранет влез на вкупно 387,1 тони свинско и пилешко месо увезени од Бразил, Канада и Кипар и беа вратени назад во земјата на потекло. Од вкупната колична, 53 тони беа со крајна дестинација Косово. Од поодамна албанската агенција за храна врши ригорозна контрола на месото бидејќи честопати трговците увезуваат месо што е проблематично за исхрана.

ВНИМАВАЈТЕ: Топлото време донесе и труења од храна- најчеста причина е салмонела

Катерина Бојаџиева — Wed, 26 Jun 2019 21:02:52 +0000

Со високите температури почнаа и труењата со храна. Изминатите денови неколку граѓани кои консумирале домашно подготвена храна која не била чувана во соодветни услови со симптоми на гадење, повраќање и дијареа побарале помош на Инфективна. Од Клиниката, за Сител ТВ, велат дека станува збор за поединечни случаи. -Пациентите даваат податок дека консумирале лошо чувана храна која не се чувала во соодветни услови, изјави прим. д-р Жаклина Шопова, од Клиника за инфективни болести. Бидејќи доаѓаат уште потопли денови, инфектолозите советуваат да се внимава каква храна се консумира за да не дојде до труење. -Секогаш како препорака кажуваме да се консумира свежа храна, термички да биде обработена, додаде д-р Шопова. Во спротивно првите симптоми на труење можат да се јават само неколку часа по конумирањето на небезбедна храна, а доколку навреме не се побара лекарска помош може да дојде до дехидрирање на организмот.