салон за мебел – Kurir.mk

МВР со детали за пожарот во Василево

Ивона Петрова — Tue, 10 Apr 2018 08:22:18 +0000

Целосно е изгорен салонот за мебел во кој вчера избувна пожар, информираат денес од полицијата. Од МВР велат дека вчера околу 14:40 часот кај нив било пријавено дека на магистралниот пат Струмица-Скопје, поточно во индустриската зона Василево избувнал пожар во салон за мебел. -При што објектот целосно изгорел, и покрај интервенцијата на екипа на Територијалната противпожарна единица Струмица, информираат од МВР. Во пожарто нема повредени лица.

Фотографии од лице место: Салон за мебел во Струмица изгоре до темел (ФОТО)

Дарко Андоновски — Mon, 09 Apr 2018 15:14:11 +0000

Пожар на влезот во индустриската зона на магистралниот пат Струмица- Радовиш, на клучката кај селото Василево избувна денеска. Салон за мебел изгоре до темел! Во близина на салонот се наоѓа и бензинска пумпа која засега не е зафатена од огнот, но се стравува дека би можело да дојде до уште поголема ако и таа биде зафатена. Огнените јазици и црниот чад можат да се забележат од огромна далечина. ФОТО: Струмица денес

Во пожар кај Василево изгоре салон за мебел, за малку избегната голема катастрофа

Дарко Андоновски — Mon, 09 Apr 2018 14:46:13 +0000

Салон за мебел целосно изгоре во пожарот кој избувна околу 14 часот на влезот во Индустриската зона кај Василево. Во пожарот, кој е локализиран, нема повредени. Причините за неговото избувнување дополнително ќе се истражуваат. Според очевидци, пожарот избувнал одеднаш, а први го забележале вработените во бензинската пумпа, која од салонот за мебел ја дели само една улица, преку која се влегува во Индустриската зона. Тие веднаш ја алармирале Противпожарната единица на Струмица и ја повикале полицијата. - Околу 14 часот се слушна само силно пукање и одеднаш се појави огнот. Многу се исплашивме и веднаш го повикав маж ми. Тој дојде и сите заедно заминавме на безбедно, бидејќи стравуваме огнот да не ја зафати бензинската пумпа, раскажуваат членови на семејството Митеви, чија куќа е спроти салонот веднаш до коловозот. Во гаснењето на пожарот учествуваа неколку возила на Противпожарната единица на Струмица и едно од Радовиш. Сообраќајот е пренасочен и се одвива по стариот пат кон Василево и Радовиш. ФОТО: МИА

Пожар на влезот во индустриската зона во Василево

Дарко Андоновски — Mon, 09 Apr 2018 13:33:14 +0000

Пожар на влезот во индустриската зона на магистралниот пат Струмица- Радовиш, на клучката кај селото Василево избувна денеска. Според непотврдени информации, гори салон за мебел. Во близина на салонот се наоѓа и бензиска пума која засега не е зафатена од огнот. Огнените јазици и црниот чад можат да се забележат од огромна далечина. Неколку возила на противпожанатра единица од Струмица го гаснат пожарот, а засега патот кај клучката за Василево е прооден. Фото: МИА