Директорката на УСАИД, Пауер во посета на Украина

Тале Кристо — Thu, 06 Oct 2022 12:18:28 +0000

Директорката на американската Агенција за меѓународен развој (УСАИД), Саманта Пауер денеска пристигна во посета на Украина. Таа е највисокиот американски функционер што ја посетил земјата откако Русија незаконски анектираше четири украински региони. Пауер пристигна во Киев и се сретна со владини претставници и жители на градот. Таа истакна дека САД ќе обезбедат дополнителни 55 милиони долари за поправка на градската инфраструктура за греење и други објекти. Таа, исто така, посети една од киевските населби и училиште погодено од руски ракети. УСАИД соопшти дека САД од февруари и испорачале помош на Украина во висина од 9,89 милијарди долари. Законот потпишан од претседателот Џо Бајден минатата недела обезбедува дополнителна помош од 12,3 милијарди долари за Украина, наменета и за воени потреби и за јавни услуги. Пауер посочи дека Вашингтон има намера да ги ослободи првите 4,5 милијарди долари од тие средства во наредните недели.

Саманта Пауер ќе ја раководи Американската агенција за меѓународен развој (УСАИД)

Ивана Ефремовски — Wed, 13 Jan 2021 13:44:23 +0000

Новоизбраниот американски претседател Џо Бајден ја избра Саманта Пауер, поранешен амбасадор во Обединетите нации, за директор на американската Агенција за меѓународен развој (УСАИД). „Пауер ќе ја собере меѓународната заедница и ќе работи со нашите партнери на решавање на најголемите предизвици на денешницата – вклучително и на Ковид 19, климатските промени, глобалната сиромаштија и демократското назадување“, се наведува од преодниот тим на Бајден. Пауер беше постојан претставник на САД во ОН од 2013 до 2017 година. -Пауер ќе биде силен глас за помош на ранливите, воведувајќи нова ера во човековиот прогрес и развој и работејќи за американските интереси низ светот, рече Бајден во својата изјава. (МИА)

Саманта Пауер – Kurir.mk

Директорката на УСАИД, Пауер во посета на Украина

Саманта Пауер ќе ја раководи Американската агенција за меѓународен развој (УСАИД)