Сами Кедира – Kurir.mk

Кедира разговарал со Анчелоти за трансфер во Евертон

Дарко Андоновски — Tue, 15 Dec 2020 07:57:07 +0000

Фудбалерот за врска на Јувентус, Сами Кедира, може да ја продолжи кариерата во Англија, пишува „Дејли Мирор“. Според изворот, 33-годишниот Германец разговарал со главниот тренер на Евертон, Карло Анчелоти, за можен трансфер во англискиот клуб. Италијанскиот стручњак е запознаен со играчот од средниот ред од времето кога работеше во Реал Мадрид. Оваа сезона Кедира нема ниту еден настап за Јувентус. Неговиот договор со клубот трае до летото 2021 година. Transfermarkt.com ја проценува вредноста на играчот на четири милиони евра.

Јувентус му нуди на Кедира три милиони евра за прекин на договорот, Германецот бара двојно повеќе

Ивана Ефремовски — Tue, 29 Sep 2020 09:43:11 +0000

Јувентус не може да се договори со играчот за врска Сами Кедира да го раскине договорот, којшто е со важност до јуни 2021 година. Триесет и тригодишниот Германец сака да добие обесштетување во висина од шест милиони евра, пренесува „Фудбал Италија“. Од друга страна, клубот му нуди околу 3 милиони, објави новинарот Николо Скира. Претходно се дозна дека за Кедира е заинтересиран ПСЖ. (МИА)

Кедира го напушта Јувентус

Ивона Петрова — Fri, 25 Sep 2020 08:59:09 +0000

Јувентус успеа да се договори за раскин на договорот на друг играч, откако тоа го стори со Гонзало Игуаин и Блеиз Матуиди, кои веќе играат за американскиот Интер Мајами. Станува збор за играчот за врска Сами Кедира. Според Фабрицио Романо, разделбата ќе се случи следната недела, а најверојатно ќе биде во понеделник. Така, поранешниот германски репрезентативец ќе го напушти тимот една година пред истекот на неговиот договор. Во меѓувреме, клубот се надева дека ќе го продаде крилниот напаѓач Даглас Коста, иако се уште не е добиена понуда за него ниту од Барселона ниту од Вулверхемптон. Доколку двајцата играчи го напуштат Јувентус, тимот може да започне со планирање на трансфер на Федерико Киеза од Фиорентина, тврди Џанлука Ди Марцио.

Матуиди, Кедира и Игуаин може да го напуштат Јувентус

Магдалена Андонова — Fri, 17 Jul 2020 15:43:15 +0000

Актуелниот лидер и бранител на трофејот во италијанскиот фудбал, Јувентус, е подготвен да се раздели со голем број играчи заради ажурирање на тимот ова лето, пренесува „Тутоспорт“. Според изворот, „Торинците“ се подготвени да ги ослободат Гонзало Игуаин, Федерико Бернардески, Сами Кедира, Блез Матуиди и Даниеле Ругани. Управата на клубот е подготвена да најде играчи кои одговараат на визијата на Маурицио Сари, како и да ја намалат просечната старост на тимот. Другите изнајмени играчи на Јувентус, како Лука Пелегрини и Кристијан Ромеро, ќе бидат продадени или искористени како дел од договорот. Претходно беше објавено за размена на Миралем Пјаниќ во Барселона за Артур Мело. (МИА)

Кедира може да го пропушти остатокот од сезоната поради повреда

Тале Кристо — Fri, 19 Jun 2020 18:32:49 +0000

Играчот од средниот ред на Јувентус, Сами Кедира може да ги пропушти преостанатите натпревари од сезоната поради повреда, јавија италијанските медиуми. Претходно, „Јуве“ на својата официјална веб-страница објави дека на Германецот му бил дијагностициран оштетување на тетивата на десната нога. Триесет и тригодишниот Кедира има одиграно 18 натпревари за Јувентус на сите натпреварувања оваа сезона. Исто така, се посочува дека дефанзивецот Алекс Сандро може да не игра три недели до еден месец.

Кедира е опериран, ќе паузира три месеци

Ивана Ефремовски — Wed, 04 Dec 2019 19:49:31 +0000

Германскиот фудбалер од редовите на Јувентус, Сами Кедира, денеска беше опериран во Аугзбург, а рехабилитацијата ќе почне веднаш. Кедира имаше повреда на левото колено, па мораше да се „исчисти“ коленото со артроскопска операција, на која присуствувал и клупскиот лекар на Јуве. Од Јувентус објавија дека операцијата која ја правеше германски хирург е успешна, а Кедира повторно ќе може да игра за три месеци. За време на тримесечното отсуство на Кедира кој игра во средниот ред, поголема минутажа во тимот на „Старата дама“ од Торино ќе имаат Уругваецот Родриго Бентанкур и Французинот Адриен Рабио. (МИА)

Кедира може да го напушти Јувентус на крајот од сезоната

Ристе Здравков — Sat, 19 Jan 2019 10:27:38 +0000

Оваа сезона може да биде последна во Јувентус за играчот од средниот ред Сами Кедира, објави „Калчомеркато“. Ова се должи на доаѓањето во италијанскиот шампион на играчот од средниот ред на Арсенал Арон Ремзи. Покрај тоа, Јувентус може да го ангажира и играчот од средниот ред на Лион, Танги Ндомбеле. Триесет и едногодишниот Кедира во последно време не ја добива посакуваната минутажа за игра и тоа е исто така една од причините за неговото можно заминуање. Оваа сезона, Германецот одигра 11 натпревари. Неговиот договор истекува летото 2021 година.

Кедира во Јувентус до 2021 година

Ристе Здравков — Wed, 12 Sep 2018 12:31:44 +0000

Германскиот фудбалер Сами Кедира го продолжи договорот со Јувентус до 2021 година, објави италијанскиот шампион на својата веб страница. Играчот од средниот ред, кој пристигна во Јувентус пред три години од Реал Мадрид, досега за „старата дама“ одигра 112 натпревари и постигна 20 гола. Кедириа досега освои три последователни шампионски титули со Јувентус, а два пати играше финале во Лигата на шампионите (2015 и 2017 година). За репрезентацијата на Германија, со која стана светски шампион 2014 во Бразил, има 77 настапи и седум гола.

Озил и Кедира не се отпишани за остатокот од Светското првенство

Даниел Василев — Mon, 25 Jun 2018 14:19:26 +0000

Во германската репрезентација се уште веруваат дека Месут Озил и Сами Кедера ќе го покажат својот најдобар фудбал на Светското првенство. Ѕвездата на Арсенал целосно разочара по првиот меч против Мексико, а потоа беше седнат на клупата против Шведска. - Убеден сум дека ќе ни треба Месут, изјави Марко Ројс, кој играше на неговото место против Скандинавците. Од истата причина, Сами Кедира го изгуби своето место меѓу стартерите. - За време на вчерашната тренинг сесија, и двајцата реагираа на ова со одлични перформанси. Турнирот е долг, а фактот дека еден меч беше оставен резерва, не значи ништо, увери помошник на Јоаким Лев - Маркус Зорг. Во среда, Бундестимот ќе се соочи со Република Кореја во битка за место во осминафинале. Во исто време играат Шведска и Мексико, а на крајот можно е да се гледа и гол-разликата за да се дознаат патниците во елиминациската фаза. МИА