АНСА: Г-20 постигна договор за ограничување на затоплувањето за не повеќе од 1,5 степени

Катерина Бојаџиева — Sun, 31 Oct 2021 14:25:55 +0000

Учесниците на Самитот на Г-20 во Рим успеаја да се договорат да го ограничат глобалното затоплување за не повеќе од 1,5 степени Целзиусови, јави АНСА, повикувајќи се на дипломатски извори. Се појаснува дека во нацрт-завршната декларација како краен рок за запирање на порастот на температурата стои „средината на векот“. На овој начин, земјите од Г-20 успеаја да воспостават построга граница на глобалното затоплување отколку во Парискиот климатски договор од 2015 година, каде температурата од 1,5 степени е ставена во посакуван контекст. Парискиот договор постави цел за намалување на емисиите на стакленички гасови, спречување на глобалната просечна температура да се зголеми за повеќе од 2 степени во однос на прединдустриското ниво до 2100 година и преземање мерки за одржување на затоплувањето во рамки на 1,5 степени. Во однос на нулта емисии, за кои се поставени различни рокови за поединечни земји – од 2030 (ЕУ) до 2060 година (Кина), земена е предвид „разликата во позициите“ на земјите како Кина, Индија и Индонезија, навел изворот на АНСА.

Марио Драги свикува итен самит на Г-20 посветен на ситуацијата во Авганистан

Дарко Андоновски — Thu, 19 Aug 2021 07:48:30 +0000

Италијанскиот премиер Марио Драги планира да свика итна средба на врвот на Г -20, на која ќе се разговара за ситуацијата во Авганистан, објави „Ла Република“. Претходно закажаниот самит на Г -20 ќе се одржи во Рим на 30 и 31 октомври оваа година, но според изданието, кабинетот на Драги работи на одржување на вонреден состанок на шефовите на држави или влади на дваесет водечки економии во врска со преземањето на власта на талибанците во Авганистан.

самит г-20 – Kurir.mk

АНСА: Г-20 постигна договор за ограничување на затоплувањето за не повеќе од 1,5 степени

Марио Драги свикува итен самит на Г-20 посветен на ситуацијата во Авганистан