самит г-7 – Kurir.mk

ЕУ: Г-7 да ја предводи изградбата на светот по кризата со Ковид-19

Дарко Андоновски — Thu, 16 Apr 2020 18:22:04 +0000

Претседателите на Европски совет и на Европска комисија, Шарл Мишел и Урсула фон дер Лајан учествуваа во видео-конференција со лидерите на седумте најразвиени светски економии. Разговорот е организиран од САД, кои претседаваат со Г-7. Во соопштението од ЕС се наведува дека во текот на разговорот лидерите на Канада, Франција, Германија, Италија, Велика Британија, Јапонија и САД, Мишел и Лајан ја потенцирале улогата на Г-7 за реализирање на глобалните напори за изградба на светот по кризата со Ковид-19 во соработката со меѓународните институции и врз принципите на мултилатерализмот. Претсатвниците на ЕУ истакнаа дека Унијата ќе продолжи да дејствува солидарно со најзагрозените земји и заедници, посебно во Африка и апелираа Г-7 да се придружи во таквите напори. Тие исто така ја потенцираа важноста на трговијата за надминување на кризата и за обезбедување на силно на економско заздравување во светот. ЕУ најави и дека на 4 мај ќе биде домаќин на меѓународна донаторска конференција, што ќе се одржува преку интернет. На конференцијата е предвидено да се обезбедат финансиски средства за развој и употреба на вакцина против Ковид-19.

Г-7 вети дека ќе донира 2,5 милијарди евра за образование на сиромашни девојчиња

Матеја Петровски — Sun, 10 Jun 2018 08:31:00 +0000

Групата Г-7 ќе донира 2,5 милијарди евра за образование на сиромашни девојчиња, јави ДПА, повикувајќи се на извор од домаќините на Самитот на групата во Ла Малбе. Сумата е дупло поголема од поставената цел од 1,1 милијарди евра. Средствата ќе бидат дадени на добротворни организации кои ќе обезбедат пристап до образование на сиромашни девојчиња. Според проценките донираната сума ќе помогне на околу осум милиони деца да започнат со образование. (Миа)

Меј ја поздрави одлуката на Г-7 за продолжување на санкциите за Русија

Матеја Петровски — Sun, 10 Jun 2018 07:48:28 +0000

Британската премиерка Тереза Меј денеска го поздрави заедничкото соопштение на групата Г-7, кое, како што истакна таа, ја препознало потребата да бидат продолжени санкциите за Русија, иако американскиот претседател Доналд Трамп изнел предлог Русија да се врати во групата. Меј исто така, ја повтори потребата да се избегнат акциите „мило за драго“ во трговскиот спор меѓу Европската унија и САД. - Велика Британија го регистрираше нејзиното „длабоко разочарување за неоснованата одлука на САД да ги промени тарифите за увоз на челик и алуминиум од ЕУ“, истакна британската премиерка. Како што јави МИА, лидерите на Г-7, по дводневниот Самит во Ла Малбе, со заедничко соопштение се сложија за „слободна и фер трговија и борба против протекционизмот“. (Миа)

Макрон: Заедничкото соопштение на Г-7 е само прв чекор

Матеја Петровски — Sun, 10 Jun 2018 07:46:23 +0000

Францускиот претседател Емануел Макрон изјави синоќа дека заедничкиот текст на лидерите на земјите од групата Г-7 претставува само прв чекор во обидот „да се стабилизираат работите“. - Договорот е добра вест и претставува заедничка желба да се стабилизираат работите. Сепак, не мислам дека е постигнато се со заедничкото соопштение. Очигледно е дека во наредните недели и месеци ќе мораме да продолжиме да работиме, нагласи Макрон. Како што јави МИА, на Самитот на Г-7 во Ла Малбе лидерите се договорија за заеднички текст и покрај многу бројните несогласувања меѓу САД и останатите земји. (Миа)