Самит г7 – Kurir.mk

Г7 нема да дозволи Русија да ги „изгладнува“ Украинците, тврди германската министерка

Магдалена Андонова — Thu, 03 Nov 2022 16:09:48 +0000

Групата седум индустриски најразвиени земји (Г7) е решена да ја спречи Русија да ги „изгладнува“ и „со студ да ги убива“ . – Нема да дозволиме оваа сурова војна да доведе до масовни смртни случаи на постари и деца, млади луѓе и семејства во зимските месеци што претстојат, изјави денеска германската министерка за надворешни работи Аналена Бербок на отворањето на дводневната средба на шефовите на дипломатиите на членките на Г7 во Мунстер, западна Германија. Организирањето помош за Украина е на врвот на агендата на состанокот, од кој се очекува да биде испратена уште една силна порака до Русија, која од 24 февруари води офанзива против Киев. Бербок, чија земја претседава со Г7 до крајот на годината, ги осуди руските „подмолни методи“ на војување кои се обидуваат да ги „истоштат луѓето од глад, жед и студ, уништувајќи ја цивилната инфраструктура“. Многу украински градови, вклучувајќи го и главниот град Киев, во изминатите недели беа цел на минофрлачки напади врз цивилната инфраструктура, поради што населението страда од недостиг на вода и електрична енергија. Покрај Соединетите Американски Држави и Германија како претседавач, водечките економии во Групата седум (Г7) ги вклучуваат и Велика Британија, Канада, Франција, Италија и Јапонија. (МИА)

Зеленски во недела ќе се приклучи на онлајн самитот на лидерите на Г7

Магдалена Андонова — Fri, 06 May 2022 12:15:40 +0000

Украинскиот претседател Володимир Зеленски в недела на онлајн самитот ќе им се придружи на лидерите на Г7 за да разговараат за ситуацијата во Украина, изјави денеска портпаролот на германската Влада, пренесе ДПА. Самитот се одржува на историски ден, рече портпаролот, додека на 8 мај нациите ширум светот го слават крајот на Втората светска војна во Европа и крајот на националсоцијализмот. Групата Г7 ги вклучува Велика Британија, Франција, Германија, Италија, Јапонија, Канада и САД. Во моментов претседавач е Германија, појаснува ДПА. Покрај кризата во Украина, веројатно ќе се разговара и за други теми, иако не беа веднаш достапни дополнителни детали – вклучувајќи го и точниот тајминг на состанокот. Германскиот канцелар Олаф Шолц, исто така, по повод годишнината од крајот на Втората светска војна в недела требаше да одржи телевизиски говор со фокус на војната во Украина, најави неговиот портпарол. (МИА)

Седум лица уапсени пред Самитот на Г7: Кај нив се пронајдени димни бомби при рутинска контрола

Магдалена Андонова — Fri, 11 Jun 2021 10:14:16 +0000

Седум лица беа уапсени откако две возила беа запрени и претресени на околу пет километри од местото на Самитот Г7 во округот Корнвол, на југозападот од Англија, соопшти денеска полицијата. Полицијата открила боја, димни бомби и мегафони откако во четвртокот запреле автомобил и комбе за време на рутинска проверка, пренесува Би-Би-Си. Полицијата соопштила дека седум лица кои во таа прилика се уапсени и понатаму се во притвор. Вчера британската полиција уапси човек кој пријавил лажна дојава за бомба и по тој повод 100 лица биле евакуирани од хотел. Денес во Англија започнува самитот на групата од седум најразвиени земји (Г7). На самитот ќе присуствува и американскиот претседател Џозеф Бајден, кој е во посета на Велика Британија.

Индиски делегати на самитот Г7 позитивни на коронавирусот

Магдалена Андонова — Wed, 05 May 2021 09:57:08 +0000

Цела индиски делегација на самитот Г7 во Лондон се наоѓа во самоизолација, откатко два нејзини члена се позитивни на коронавирусот, објави британската влада во средата. - Бидејќи два делегата се позитивни сега цела делегација е во самоизолација, изјави британскиот официјален претставник. - Состанокот беше олеснет со строга серија протоколи за Ковид-19, вклучително и дневно тестирање на сите делегати, додаде тој. Индискиот министер за надворешни работи Субрахњам Јаишанкар не беше позитивен на тест за коронавирус, напиша на Твитер новинарот на Скај Њуз, Џо Пајк. Јаишанкар се сретнал во вторникот со британскиот министер за внатрешни работи, Прити Пател. Делегацијата ќе се обиде да одржи состанок виртуелно. Индија не е членка на Г7, но Велика Британија, заедно со Австралија, Јужна Африка и Јужна Кореја, ја поканија на самитот оваа недела.

Меркел: Европа подготвува контрамерки против САД

Даниел Василев — Mon, 11 Jun 2018 07:33:22 +0000

Европа ќе спроведе контрамерки против американските тарифи за увоз на челик и алуминиум, порача германската канцеларка Ангела Меркел. Таа изгрази жалење поради изненадната одлука на претседателот на САД, Доналд Трамп да не го поддржи соопштението на Г7. -Повлекувањето, така да се изразам, преку твит по малку е депресивно, изјави Меркел во интервју за ТВ АРД по самитот Г7 во Канада. Како и Канада, Европската Унија подготвува контрамерки против американските тафири на увоз на челик и алуминиум, рече Мекел, пренесува Ројтерс. САД воведе тарифи на увоз на челик и алуминиум од Европа, Канада и Мексико. Трамп, по предвременото напуштање на самитот кој се одржа во Квебек, поради летото кон Сингапур, на Твитер изнесе обвиненија на сметка на домаќинот на самитот, премиерот на Канада Џастин Трудо, за кои Ап наведува дека се „напад без преседан на некој лидер на земја која е сосед или сојузник на САД“. Агенцијата пишува дека тоа се случило за време на ноќта, баш кога делувало дека на завршницата на самитот ќе дојде до намалување на тензиите настанати поради заганите од Трамп за трговска војна.