само вистина – Kurir.mk

Ристевски: Бугарското прашање покажува неконзистентност во европските политики

Ивана Ефремовски — Tue, 12 Apr 2022 18:09:20 +0000

Колумнистот Александар Ристевски, во гостувањето во емисијата ,,Само вистина” на Канал 5 рече дека оваа состојба со бугарското прашање покажува неконзистентност во европските политики, но и немање желба да се реши, бидејќи сѐ досега се декларативни флоскули. -Ние сакаме и пак Европа на крајот ни викаат решете го проблемот. Како да го решиме, да капитулираме? И на крајот на краиштата, ако попуштиме за некои работи, ќе попуштиме за работи кои ќе се спротивстават со Преспанскиот договор, поврзани со Грција. Така да, малку е небулозно. Еве, пробаа некои да ги истуркаат Ковачевски и Петков, Радев ги руши. Значи не опозицијата, Радев ги руши, рече Ристевски. На прашањето дали е можно Петков да пресече наспроти другите политичари, Ристевски рече дека може да се обиде, но на крајот неговите изјави се демотивирачки затоа што токму неговите последни изјави се дека што и да се одлучи, на крајот тоа сепак ќе треба да биде легитимирано пред бугарското собрание и да се донесе одлука со консензус. -Разговараа нели, дека главниот приоритет кога не знаат што да направат во дадената ситуација, да се признаело бугарското малцинство во Македонија, доаѓа претседателот и вели како ќе го признаете, ние не сме малцинство. И сега, како да реагирате со штотуку избран претседател на држава, а тој претседател на држава е во основа поддршката на политичкиот субјект кој ги доби изборите и чиј претставник е Петков? Значи, има една конфузност која не знаеме дали е нивна византиска игра за да ние попуштиме уште толку и од тие позиции кои ги имаме, или едноставно е сопка за нас тоа што многу од луѓето кои се скептици долги години велат дека џабе се истрчувавме во некои работи, дека во НАТО не истуркаа, ќе се проба некаква евроинтеграција, но дека во ЕУ ние долгорочно нема да влеземе, додаде Ристевски.

Илиески: Весникот Ла Верита е истиот медиум кој што објави за скандалот во СЈО, не би го потценил неговиот кредибилитет

Дарко Андоновски — Wed, 10 Mar 2021 18:44:51 +0000

Богдан Илиески - Бетмен во вечерашното гостување во емисијата „Само вистина“ на Канал 5 телевизија вели дека никако не смее да се потцени весникот Ла Верита кој што денеска објави нов скандал поврзан со владата на СДСМ околу набавка на кинеските вакцини, бидејќи како што рече токму истиот медиум објавувајќи скандали со поранешното Специјално јавно обвинителство го урна истото. Ла Верита беше истиот медиум кој што го урна СЈО, така да не би го потценил кредибилитетот кој што го има виз а ви оние работи кои што ги објавија и ова што го прочитав утринава е прилично скандалозно, вели тој. Илиески посочи како е можно фирма медијатор да има кредибилитет да посредува за набавка на вакцини на Македонија од Кина, а не владата на СДСМ. -Скандалозно е според мене што досега мислев дека немаме вакцини во Македонија затоа што се елементарно неспособни да ги набават, но од денеска и една имаме и една друга опција како можна а тоа е дека дури и со набавката на вакцини не се калкулира само со оние геополитички мненија на премиерот и на луѓето околу него, каква земја сме биле, во кој сојуз сме членувале, па дали требало да набавуваме вакцини од ваму и таму, туку дека за жал и трагично може и бизнис е во прашање, нагласи тој. Тој вели дека може не се случило зделка но можеби имало обид да се случи зделка. -Јас еве би го поставил како прашање како е возможно преку фирма медијатор, некоја фирма од Хонг Конг која што не ја знаеме, таа фирма да има поголем кредибилитет од влада на една држава. Тогаш дај таа фирма од Хонг Конг нека ни ги води сите други работи, сите други ресори ако е поспособна од влада на една суверена држава да набави вакцини. Значи тука е првиот црв на сомнеж, вели Илиевски. Во однос на набавката, Илиески изјави дека според она што го слушнал е дека за доза од 200.000 кинески вакцини се планирало да се исплатат над 12 милиони евра или поделено по 60 долари за доза, а како што нагласи тој од она што го пребарал по интернет за поголема набавка на вакцини од Синофарм вакцините чинеле 30 долари. -Уште една работа што ја слушнав е дека се работи за договор од околу над 12 милиони евра, ако имаме предвид дека првично ќе набавиме 200.000 вакцини од Синофарм или 12 милиони поделено со 200.000 околу 60 долари по доза. И по едно мало пребарување на интернет од неколку извори најдов дека во поголеми дози набавени вакцините чинат 30 долари од Синофарм и тука ми се јавува сомнежот и не сакам да верувам но во Македонија мораш да си спремен да веруваш во се дека некој сакал дупло повеќе да ги набави кинеските вакцини и затоа се наоѓани и измислени некакви фирми од Хонг Конг, изјави Илиески.

Николоски: Заев покрај тоа што го распродава македонскиот идентитет, тој низ призма на преговорите турка и бизнис зделки врз грбот на граѓаните

Дарко Андоновски — Tue, 15 Dec 2020 09:04:36 +0000

Потпретседателот на ВМРО-ДПМНЕ Александар Николоски, во гостување вчера во емисијата Само вистина на Канал 5 телевизија, вели дека Зоран Заев правел притисоци врз одредени членови на историската комисија, односно на оние кои што не сакале да играат по неговите правила, па поради тоа ги маргинализирал. -Исто така, се шират гласини дека Зоран Заев веќе ги компромитирал поголемиот дел од нив и им спрема заменски решенија, со што ќе се доведе во позиција да можат да преговарат во полза на барањата на Зоран Заев, односно да потпишуваат работи кои нивните претходници не сакаат да ги потпишат, вели Николоски и додава дека: Тоа самото по себе доволно говори за ситуацијата во која се наоѓа Зоран Заев, како и оганот кој му гори под нозе. Доколку сето ова се оствари, јасно ќе биде дека Зоран Заев управува со членовите на историската комисија, односно наместо историчари, членовите на комисијата се негови соработници во распродажбата на националниот идентитет, заврши Николоски. Тој во своето гостување освен на многу теми, се осврна и дека вицепремиерот Никола Димитров брифирал новинари дека тој го спречил премиерот Зоран Заев да потпише се што Бугарија побарала. -Сакам да го прашам Зоран Заев дали знае дека неговиот потпретседател оди низ Македонија и брифира новинари и креатори на јавното мислење дека тој, Никола Димитров е причината што не потпишал Договор со Бугарија? Односно Заев бил подготвен да потпише договор со Бугарија, меѓутоа Димитров го спречил и тоа успеал да го направи преку скопското крило на СДСМ, вели Николоски. Тој прашува и дали е вистина дека е Заев е незадоволен од работата на историската комисија и дали се прави обид да се компромитираат дел од членовите со цел комисијата да биде распуштена и да биде поставен нов состав од МНР што ќе потпише се што Заев ќе побара?, прашаува Николоски. Николоски вели дека Зоран Заев покрај тоа што го распродава македонскиот идентитет, тој исто така низ призма на преговорите турка и бизнис зделки врз грбот на граѓаните. Јасно е дека Зоран Заев ветувал и бизнис зделки на Бојко Борисов, а тоа се гледа по односот помеѓу двајцата лидери изминатиот период. Имено, Зоран Заев ветувал дека бугарски капитал ќе влезе во Македонија преку рудникот Иловица, кој магично преку ноќ го промени сопственикот. Исто така им ветил една национална телевизија, акции во еден оператор мобилен, банка и слободно користење на општички кабел на една државна компанија. Тоа се работите кои Зоран Заев лично му ги ветил на Бојко Борисов, вели Николовски. „Бугарските медиуми пред одреден краток период потврдија дека Зоран Заев поседува имот на Халкидики, Грција, а тоа само кажува за точноста на информациите за договорите помеѓу Заев и Борисов, како и со другите лидери, на кои не само што им ги исполни бизнис барањата, туку им го даде на тацна и македонскиот идентитет. Тоа е класично понижување на државата”, тврди Николоски.

Андоновски: Недостасуваат пари од благајната на Агенцијата за европски образовни програми

Ристе Здравков — Wed, 27 May 2020 20:25:30 +0000

Вечерва на Канал 5 телевизија советникот за меѓународна политика на ВМРО-ДПМНЕ и член на ИК Стефан Андоновски, ја обвини директорката на Агенцијата за европски образовни програми Лидија Димова за незаконско и недомаќинско работење и побара од надлежните институции да отворат истраги и да ги обелоденат наводите. -Пред околу еден месец забележавме дека Националната агенција за европски образовни програми има доставено годишен извештај завршна сметка до Централниот регистар на Македонија, што е и законска обврска. Оттука се посомневавме дека има некој проблем во Националата агенција и алармиравме за тоа уште пред некое време. Но, сепак немаше одговори. Измината недела добивме информации и ние како партија и сите домашни и странски институции дека се случува нешто незаконско во Националната агенција. Станува збор за тоа дека неможело да се поднесе завршна сметка и годишен извештај, затоа што во институционалната благајна на агенцијата недостасувале, според наши сознанија, неколку десетици илјади евра. Наводите кои пристигнаа до нас е тоа дека тие пари ги зимале луѓе блиски до директорката Лидија Димова кои што се вработени како надворешни соработници во Агенцијата. Значи не станува збор за редовни вработени. Со цел да се заташка работата и да не се дознае многу околу тоа, Димова се обиде да ја демантира нашата пред конференција, но без успех затоа што всушност таа ги потврди нашите наводи, рече Андоновски. За тоа дали постои доказ и дали ќе следува кривична пријава за Лидија Димова, Андоновски рече дека институциите треба да го расветлат случајот затоа што дополнително на целиот случај вработените таму во Агенцијата трпат голем притисок поради ова. -Ги повикуваме сите надлежни институции да си ја сработат својата работа и да ги истражат овие наводи. Ние уште минатата година алармиравме за недомаќинското работење, односно се работеше за тендери и договори над 100 илјади евра со пи-ар агенции, склучувани во четири очи. И други нерегуларности како на пример вработување на блиски луѓе, давање на средства на луѓе блиски на Димова. Оваа прилика еве ја користам да прашам дали навистина се набавени возила од оклу 100 илјади евра кои што се употребувале за лични потреби на луѓе блиски на Димова, а вработените не смееле да ги употребуваат. Имаме информации дека возилата се возеле во ноќните часови и се оштетени, посочи Андоновски.

Пандов: СДСМ со предлогот за полициски час за овој викенд игра валкана игра против Чулев

Ристе Здравков — Wed, 20 May 2020 17:10:49 +0000

Денес во „Само вистина“ гостуваше аналитичарот Александар Пандов кој што посочи декасо полицискиот час за овој викенд власта сака да спроведе сценарио и тоа валкано против министерот Чулев. Исто така додаде дека не верува дека ВМРО-ДПМНЕ бега од избори, тие посакуваат да одат на избори, но пред се им е здравјето на граѓаните. ВМРО-ДПМНЕ не сака граѓаните да се изложат на опаснот поради избори. „Избори ќе имаме летово, јас очекувам дека ќе се случат, условот за кога да се случат тие избори зависи од здравствената состојба во Република Македонија. Ние не смееме да заборавиме дека до пред месец дена односно и сега последново денешно што читав е препорака да овој викенд од сабота вечер, недела до вторник кога е Рамазан Бајрам ние да сме повторно во карантин. И под оној страв што е дигнат меѓу граѓаните дека постои невидлив непријател премногу опасен кој што безмалку сите ќе не зафати и не мал дел од нас ќе починат, но постои еден супер човек наречен Филипче кој што не брани сега од тој вирус, така на граѓаните власта ја претставуваше ситуацијата. И ако е веќе така, зошто власта овој викенд им го одзема правото како што и за Велигден им го одзема основното човеково право на верниците да прослават“, истакна Пандов. Пандов додаде дека со предлогот за полициски час за овој викенд власта игра валкана игра. СДСМ посакува судир, знаејќи дека може да дојде до непочитување од граѓаните на полицискиот час и да го наместат Чулев да ги казнува граѓаните. Така гневот на граѓаните ќе порасне кон Чулев. „Оваа не е прв пат ваква игра да се игра. Пред месец дена СДСМ создаде сценарио, излегоа граѓани од Арачиново на улица и сега као Вмровецот Чулев ги тепа граѓаните Албанци, Сдсомовецот односно градоначалникот ги ослободува. Јас и тогаш и сега за овој викен мислам дека граѓаните се ставени како жртвени јагниња во интерес на политиките на Зоран Заев и на СДСМ“, нагласи Пандов. Пандов образложи дека лицемерието на Венко и на Заев се гледа одалеку. „Јас немам такво чуство дека било кој од ВМРО-ДПМНЕ бега сега од избори и дека не сака да се случат тие избори“, посочи Пандов. Пандов рече дека ако се лоши бројките на заболени и починати е нормално да нема избори.

За Каевски таблата на која пишува Македонија е мизерна

Дарко Андоновски — Thu, 13 Feb 2020 18:01:01 +0000

Денес во емисијата „Само Вистина“ гостуваше директорот на Агенцијата за млади и спорт Дарко Каевски кој посочи дека таблата на која пишува Република Македонија е мизерна. -Се што направивме за овие две и пол години, за две години и 7-8 месеци, не сакаме сето тоа да се сруши за една мизерна табла која што министерката ја сменила. И која што министерката за дневно политиканство ја ставила само за да добие некој политички поен, нагласи Каевски.

„Демократијата на Канал 5 се виде во Само Вистина“- социјалните мрежи вријат со коментари против Шилегов, телевизијата не ги објави (ФОТО)

Дарко Андоновски — Wed, 20 Nov 2019 19:48:56 +0000

Во вечерашната дебатна емисија „Само Вистина“ на Канал 5 телевизија гостуваа поранешниот градоначалник на град Скопје Коце Трајановски и сегашниот Петре Шилегов. Тие дебатираа на различни теми поврзани со градот, а особено се вжешти атмосферата околу загадениот воздух, реконструирањето на улиците како и ветените проекти кои сега засега останаа само на хартија. Но она што ја разочара и револтира јавноста е одлуката на телевизијата да ги исклучи коментарите за да не можат гледачите да ги прочитаат поплаките на граѓаните на град Скопје во врска со НЕвладеењето на градоначалникот Шилегов. „Скопје немало понеспособен градоначалник од Шилегов. Времето ќе го покаже тоа“, „ќе одговараат овие вашиве после 12 април“, „Шилегов го уништи цело Скопје“, се само дел од стотиците коментари на социјалните мрежи.

Коце Трајановски против Петре Шилегов вечерва во „Само вистина“ на Канал 5 телевизија

Тале Кристо — Wed, 20 Nov 2019 15:48:24 +0000

Вечерва гостувам на Канал5. Да размениме мислења за нашето Скопје заедно со Петре Шилегов во Само вистина. Следете ме, пишува на Фејсбук поранешниот грагоначалник на Град Скопје Коце Трајановски.

Милошоски: Една година јавноста го чека извештајот од МВР и ЈО за тоа како се случи поранешниот премиер да биде недостапен

Ивана Ефремовски — Thu, 14 Nov 2019 19:25:15 +0000

Пратеникот на ВМРО-ДПМНЕ, Антонио Милошоски вечерва беше гостин во „Само вистина“ на телевизија Канал 5. -Застарувањата не се случајни и мојот сомнеж е дека постои некој таен, позадински договор помеѓу одредени влијателни актери во државата, вклучувајќи го тука и самиот прв човек на Владата, но и оние кои претходно биле влијателни на таа позиција, некој премолчен договор да не се стигне можеби до целосната вистина по одредени случаи. Инаку, како поинаку ние би го разбрале сведочењето на господинот Верушевски кој беше прв соработник, и уште е, на господинот Заев и беше човекот кој ги имаше на располагање тие прислушкувани материјали, кога на едно од последните рочишта кажа дека голем дел од тие материјали биле компромитирани, истакна тој. Милошоски оценува дека оваа изјава на Верушевски е дадена наменски за да му помогне некому. -Една година јавноста е во исчекување да види каде е извештајот од МВР и ЈО за тоа како се случи поранешниот премиер да биде недостапен и да не биде веќе присутен во земјата. Откако се случи тој настан кој предизвика голема бура, турбуленции критични кон самата власт, премиерот, министерот за внатрешни работи и ЈО кажаа дека „работиме на случајот и во најскоро можно време ќе излеземе со извештај за тоа што се случило и како се случило“, истакна Милошоски.

Професорот Ристовски: СДСМ за две години потрошила 9 милијарди евра, а граѓаните немаат видено ниту еден инфраструктурен проект

Дарко Андоновски — Tue, 21 May 2019 09:50:27 +0000

Во своето гостување во емисијата „Само вистина“ ма Канал 5 телевизија, професорот Љупчо Ристовски вели дека власта на СДСМ за две години власт потрошиле неверојатни 9 милиони евра, а за граѓаните нема ниту еден инфраструктурен проект. -За волја на вистината оваа влада за две години потроши 9 милијарди евра. Читајте ми од уста, две години 9 милијарди евра, потроши оваа влада, не видовме еден голем инфраструктурен проект освен крпеници. 9 милијарди се отидени од џебовите на граѓаните. Дали знаете што тоа значи? Ние секојдневно се задолжуваме да го сервисираме долгот, на ивица на свлечиште сме, вели Ристовски.