Самоа – Kurir.mk

На Самоа досега 18 случаи на Ковид-19 од почетокот на пандемијата

Катерина Бојаџиева — Sat, 22 Jan 2022 17:28:33 +0000

Премиерката на Самоа денеска воведе 48-часовен локдаун во оваа пацифичка земја, откако 15 патници од Австралија се тестирани позитивни тестот за коронавирусот, а земјата досега има вкупно 18 случаи од почетокот на пандемијата. Заразените патници биле меѓу 73-те кои дошле од австралискиот град Бризбејн во средата. И премиерката на Самоа Фиама, Наоми Матафа изјави дека Владата во иднина би можела привремено да ги прекине летовите од Австралија, а одложен е и планираниот лет од Нов Зеланд. Сите патници на спорниот лет, како што е соопштено, биле целосно вакцинирани и биле негативни на тест за ковид пред полетувањето. Гувернерот на соседна Американска Самоа, Леман Палепои Сиалега Мауга, издаде соопштение во кое упатува зборови на солидарност до Самоа и поддршка за премиерката. Тој исто така рече дека летовите меѓу неговата територија и Самоа се откажуваат на една недела. Американска Самоа, земја со 200.000 граѓани, исто така има 18 регистрирани случаи, од кои сите биле патници на „Хаваи Ерлајнс“ од Хонолулу.

Фирмата „Стабри“ има тројца вработени, нема фармацевско порфолио

Ивона Петрова — Thu, 11 Mar 2021 11:30:58 +0000

Фантом фирмата „Стабри“ преку која Зоран Заев и Венко Филипче се обиделе да набават вакцини од кинеската компанија „Синофарм“, има тројца вработени. Компанијата е регистрирана во Самоа, островска држава во Тихиот Океан каде не се плаќаат даноци за трансакции. Потоа компанијата била регистрирана и во Хонг Конг. На интернет страна која посредува за офшор компании и меѓународни бизниси се наведува дека Самоа обезбедува поволен даночен систем особено за меѓународните бизниси. Во комбинација со многу привлечни деловни стимулации, островската земја е едно од најдобрите места за формирање офшор компанија. Странските компании кои работат таму се ослободени од сите даноци на приход. Покрај тоа, многу други локални даноци и такси се исто така отстранети за странски инвеститори, имено данок на капитална добивка, марки на марки, дивиденди, заработка или камати од надвор од Самоа. Даночната политика на Самоа е дизајнирана да им помогне на меѓународните бизниси да го извршат најдоброто од себе со ниски оперативни трошоци. Покрај тоа, владата на Самоа исто така ги поддржува странските инвеститори со различни деловни стимуланси и придобивки. Предностите што ги нуди вклучуваат: Нема годишно известување, сметководство или какви било барања за финансиска ревизија, Нема потребен капитал при основање компанија, Владините такси за деловно работење се релативно ниски, Нема контрола на девизи на какви било валути, Силно законодавство за заштита на средства, Комплетна политичка, економска и социјална стабилност, се наведува во описот на интернет страната. Според регистарот во Хонг Конг фирмата нема медицинско ниту фармацевтско портфолио. Случајно или не, фантом фирмата „Стабри“ е регистрирана во 2017 година, само 5 месеци по формирањето на владата на Зоран Заев.

Во Самоа регистриран првиот случај на коронавирус

Ивона Петрова — Thu, 19 Nov 2020 06:54:21 +0000

Властите во пацифичката островска Независна држава Самоа го регистрираа првиот случај на коронавирус во архипелагот, изјави премиерот Туилепа Саилеле Маилелегаои при денешното обраќање до јавноста. Премиерот истакна дека првиот кој бил заразен е морнар кој се вратил дома од градот Окланд на Нов Зеланд и во моментот е во карантин. Премиерот Маилелегаои ги повика своите сонародници да ги почитуваат безбедносните мерки и да носат маски. Во Самоа е прогласена вонредна состојба од 26 март, поради пандемијата. За кршење на санитарните и епидемиолошките барања, глобата е 7,5 илјади американски долари.

ФОТО: Ова е првата држава во светот која ја дочека новата 2020 година

Ивона Петрова — Tue, 31 Dec 2019 10:48:33 +0000

На јужнопацифичкиот остров Самоа почна Новата 2020 година. Жителите на малата островска земја први ја пречекаа Новата година на планетата. По Самоа, Нова година ќе пристигне на Карибите, а потоа во Јапонија и во Кина.

Во епидемија на сипаници на Самоа живот загубија 50 деца

Ивона Петрова — Mon, 02 Dec 2019 08:16:28 +0000

Во епидемијата на сипаници во Самоа животот го загубија 50 деца, а властите брзаат да го вакцинираат целото население. Владата на таа држава во Јужен Пацифик соопшти денеска дека уште пет деца починале во изминатите 24 часа и дека епидемијата се шири. Во Самоа, од крајот на октомври починаа вкупно 53 луѓе, вклучувајќи еден возрасен и двајца тинејџери постари од 14 години. Повеќето од смртните случаи се доенчиња или мали деца, вклучително и 23 новороденчиња под една година и 25 новороденчиња на возраст меѓу една и четири години. Самоа прогласи вонредна состојба минатиот месец и издаде наредба да се вакцинираат сите 200.000 луѓе што живеат на островот. Според надлежните, минатиот месец биле вакцинирани околу 33.000 лица, а оттогаш се вакцинирани уште 58.000 лица.