самохрана мајка – Kurir.mk

Марија Шерифовиќ решила да биде самохрана мајка!

Тале Кристо — Wed, 04 May 2022 09:27:52 +0000

Откако во емисијата „Сценирање“ на виделина исплива одлуката на Марија Шерифовиќ да се оствари во улогата на мајка, медиумите не престануваат да пишуваат за тоа, а Верица Шерифовиќ преплавена е од емоции што нејзината ќерка размислува да се одважни на такви големи чекори. -Доста интимно прашање, особено во ојој случај. Се радувам на моментот, кој што веројатно и се наближува. Генерално, се што е поврзано со детето е сериозна работа и нема зафркавање со тоа. Кај мене тоа планирано ќе се случи, кога ќе бидам подготвена суштината на својот живот да му ја посветам на Серифовиќ јуниор, рекла во та прилика Марија, притоа откривајќи дека сака син. А сега извор за „Свет“ открива дека новата одлука на Марија Шерифовиќ целосно ја „разоружала“ Верица. -Таа чекаше да најде вистинска личност со која би го одгледала детето, но бидејќи тоа не се случи, а веќе има 37 години, решила да биде самохрана мајка. Нејзината животна желба е да има дете и тоа наскоро ќе се случи, таа ќе избере донор и ќе обиде со вештачко оплодување. Решила да живее со Верица, која ќе и помага околу детето. Верица едвај чека да стане баба, раскажува извор близок до пејачката.

Митева: Кандидатот за градоначалник на СДСМ за Ново Село Звонко Ангелов вршел притисок и се заканувал на самохрана мајка

Магдалена Андонова — Fri, 22 Oct 2021 08:59:35 +0000

Во општина Ново Село, кандидатот за градоначалник на СДСМ, Звонко Ангелов вршел притисок и се заканувал на самохрана мајка. Нападите врз жените од страна на СДСМ не се новина во политиката. Во текот на вчерашниот ден медиумите објавија информации за ова брутално злоупотребување на службената должност од страна на Звонко Ангелов кој како вработен во центарот за социјални работи во Струмица го извршил ова дело. Според нашите информации, тој вршел притисок и се заканувал на самохрана мајка дека ќе и’ го одземе детето. Жестокиот притисок и уцените се одвивале во текот на неколку недели, а причините за тоа се најверојатно одбивањето на жртвата да ги користи каналите за правна помош кои и’ ги посочил Ангелов, истакна на денашната прес конференција, портапролот на ВМРО-ДПМНЕ, Марија Митева. Таа истакна дека во текот на предизборната кампања бевме сведоци на повеќе напади врз жените како кандидатки за градоначалнички од страна на СДСМ. - Насилството, говор на омраза, сексизам и мизогинија беа употребувани од страна на СДСМ. Никој во раководството на СДСМ, ниту пак Форум на жени не се огради и не го осуди таквиот срамен чин на однесување. Да не го заборавиме и срамното покажување на лакти од страна на Заев и повторно никој од СДСМ не собра храброст да се извини. Очигледно од Заев можат да земат само лоши примери, рече Митева. Портпаролката посочи дека ВМРО-ДПМНЕ ги охрабрува жените да зборуваат за секој вид на насилство со кое се соочуваат. - Јавно се спротивставуваме на ваквиот начин на третирање на жените во политиката и порачуваме дека за вакви луѓе нема место во политиката по 31 октомври. Затоа граѓаните на Ново Село го победија кандидатот на СДСМ во првиот круг и затоа истиот уште еднаш ќе биде поразен и во вториот круг.Промените во начинот на владеење во Македонија се само на чекор од сите нас, додава таа,

АУДИО БОМБА: Кандидатот за градоначалник на СДСМ во Ново Село уценувал самохрана мајка дека ќе ѝ го одземе детето

Тале Кристо — Thu, 21 Oct 2021 13:13:42 +0000

Во општина Ново Село, кандидатот за градоначалник на СДСМ, Звонко Ангелов, брутално ја злоупотребил својата службена должност како вработен во центарот за социјални работи во Струмица. Според нашите информации, тој вршел притисок и се заканувал на самохрана мајка дека ќе и’ го одземе детето. Жестокиот притисок и уцените се одвивале во текот на неколку недели, а причините за тоа најверојатно се одбивањето на жртвата да ги користи каналите за правна помош кои и’ ги посочил Ангелов. Во разговор со жртвата, таа го објаснува целиот случај. „Најпрво ми пристапи со понуда дека е поврзан со адвокати кои ќе ја завршат работата без проблем. Јас тоа го одбив бидејќи веќе имав ангажирано адвокат да го води случајот“. После речиси еден месец од оваа средба почнале интензивните контакти и притисоци врз жртвата: „Почна интензивно да ме бара на местото каде што работев и да ми повторува дека случајот е дефинитивно кај него и дека ќе биде многу тешко детето да ми биде доделено мене. Ми рече да не се тешам со тоа дека се познаваме“. Кога требало да се направи увид во просторните услови вели дека живеела под постојан стрес, знаејќи дека Ангелов планира да дојде во момент кога таа не е дома за нејзиното неприсуство да биде заведено во извештајот: „Кога веќе требаше да дојде на увид дали ги исполнувам просторните услови за добивање на старателството, јас во тој момент одев како на обука за работа, и тој знаеше точно во колку часот ми почнува обуката бидејќи често доаѓаше таму. Плански, дојде точно во моментот кога требаше да излезам од дома за да потврди дека не сум дома со детето“ – вели мајката“. Во моментот кога траел увидот на мајката и станало јасно дека Ангелов напишаното во изјавата било тенденциозно и со намера да и се одземе старателството, а истото не соодветствувало на реалната состојба: „Дојде во мојот дом, направи изјава а кога ја прочитав таму стоеја информации кои не беа реални бидејќи просторот и условите не беа наведени комплетно, а јас знаев дека тоа е еден од најважните фактори за да го добијам старателството“. Бидејќи жртвата доаѓала и си одела вознемирена и во солзи на работа, за малтретирањето од страна на Ангелов почнале да реагираат и граѓаните кои биле запознаени на случајот преку неговото постојано присуство. „Луѓето гледаа што прави и во еден момент и тие самите реагираа на неговите постапки и ми понудија поддршка за да се одбранам. Кога виде дека не сум сама, почна да ми пишува пораки во кои инсистираше да не го пријавувам и објавувам тоа што ме малтретираше. Објаснувањето беше дека нешто погрешно сум сфатила. Само јас знам колку стрес претрпев за тие 3-4 недели додека траеше сето тоа, со константно најадење и неспиење“, завршува мајката. Ова насилно однесување на кандидатот за градоначалник на општина Ново Село не е новост. Постојат и податоци за други слични ситуации во минатото, а на јавноста и е позната и дрскоста со која претходниот градоначалник и бегаше на полицијата кога беше фатен во шверц на цигари на границата со Бугарија. Аудиото од кандидатот за градоначалник за Ново Село од редовите на СДСМ можете да го слушнете ТУКА

Самохрана мајка 16 години е возач на автобус – син ми доаѓаше со мене во 4:30 на работа и седеше на рибарско столче во автобусот (ВИДЕО)

Дарко Андоновски — Wed, 31 Mar 2021 08:01:33 +0000

Макфире Шаќири е возач во ЈСП која своето дете пораснало во автобус покрај патниците, ова таа го раскажа пред камерата на „Види Вака“. Во видеото за оваа хероина таа зборува дека веќе 16 години работи како возач на автобус и дека е самохрана мајка за која во борбата за живот нема машка или женска професија. Таа раскажува како нејзиниот син уште на две години го носела со неа во 4:30 часот наутро и седел на рибарско столче бидејќи немало кој да го чува.... Целото видео погледнете го во продолжение или ТУКА:

Самохрана мајка секој месец преживува голгота: Со сите предизвици се бори сама, а извршителите се без милост!

Ивана Ефремовски — Tue, 02 Mar 2021 15:54:11 +0000

Има едни жени кои се борат како лавици, има едни жени кои се борат со животната сага, има едни жени кои сами се борат и од ништо-нешто да створат. Оваа приказна мораше вака да започне за да ја објасниме голготата низ која поминува една самохрана мајка од Скопје. Секој ден се бори со ударите од секојдневието што носи. Секој ден ги трпи неправдите. КУРИР ја пренесува приказната на С.А. самохрана мајка од Скопје. Има две деца, ниска плата, големи сметки, а најголем обрач на вратот се извршителите кои бескомпромисно и без простор за договор и олеснување, ја исцрпуваат финансиската и психичката сила на оваа мајка. Идентитетот на мајката, како и на извршителите, се познати на редакцијата на КУРИР. Засега истите, од оправдани причини нема да ги објавиме јавно, но доколку се јави желба за слух од надлежните, да помогнат, располагаме со сите потребни информации и документи. -Јас сум самохрана мајка на две малолетни ќерки. Живеам под кирија, сама се борам за да им овозможам на децата нормален живот, храна, облека и греење. Нормално да ја следат наставата он-лајн, материјали кои им ги бараат од училиште и не сакам да се почувствуваат ништо подоле од другите нормални деца со нормални социјални примања. Плаќам кирија која воопшто не е мала, морам да платам и не смеам да задоцнам со интернет кој им е неопходно потребен за да ја следат нормално наставата. Борбата е многу тешка и мене како на мајка која сум го запоставила воопшто социјалниот и љубовен живот, а сум се посветила само на тие две деца, вели мајката во изјава за КУРИР. Првично, со овие трошоци јасно ни е дека се соочуваат голем број на мајки во Македонија. Но, оваа скопјанка се бори сама, со ниски примања, без помош од никого. Извршителите ни сами не знаеле да објаснат дали смеат да земаат една третина или една петтина од нејзината плата. Така, во тој лавиринт на проценки, ја оставаат на работ на егзистенцијата. Од нејзината плата, една петтина е 3400 денари. -Работам и имам околу 17.000 денари плата, а имам извршител кој ми одзема околу 4000 денари секој месец и на крајот ми остануваат околу 13.000 денари и верувајте јас не знам што попрво да платам со тие минимални средства. Дури до толку не наидувам на емпатија кај извршителите што се чувствувам како да се свртел цел свет против мене и моите деца. Таткото на моите деца не плаќа никаква алиментација за нив, па дури и еднаш неделно ако ги земе или сами одат кај него, ги остава на мајка му и цел ден не ги погледнува. Тоа му е татковска обврска, но и таа не ја извршува, вели самохраната мајка во изјавата за КУРИР. Од таткото на децата нема поддршка, но ниту институциите не покажале волја да помогнат на ваквите случаи. Самохраните мајки се борат сами, а наместо да биде нивен сојузник, државата им станува противник. Мајката чија приказна ја раскажуваме има прекрасна професија, која за жал, во Македонија е многу ниско платена. Минатиот месец доби висока сметка за струја, која сама не можеше да си ја плати. Но, се снајде, како што тоа го прави секој месец – борејќи се! Зошто секој месец да биде борба? Зошто да биде сама и секој ден да преживува голгота? Таа заслужува нормален живот, а нејзините деца заслужуваат среќна и безгрижна мајка. Институциите се на потег!

Самохрана мајка на четири деца од Тетово со молба до надлежните: Моите деца не пробале свеж леб (ВИДЕО)

Дарко Андоновски — Mon, 22 Jul 2019 07:23:34 +0000

Шестчлено семејство од Тетово се прехранува со бајата храна, која им ја даваат од околните пекари, јавува телевизија „Телма“. Ѓевреците и переците се тврди, па мајката Љатвије ги става во вода да омекнат, за да може да ги нахрани нејзините четири деца. Таа вели дека ова им е единствената храна. Фрижидерот е празен, во него чува по неколку пакетчиња макарони, кои им го даваат соседите. Пари за да купи храна нема. Без работа е, а нејзинот сопруг ги напуштил пред 5 години, за него вели ниту слушнала, ниту пак знае каде е. Единствено примање и е додаток за трето дете, пари со кои ја плаќа киријата за станот во кој живее. Со Љатвије живее и нејзината свекрва, болеста ја врзува за креветот. Пред неа има еден куп таблети за разни болести. Побарала помош за туѓа нега, но веќе трета година нема позитивен одговор.

Самохрана мајка му ја раскажа својата тажна приказна на папата Франциск

Катерина Бојаџиева — Tue, 07 May 2019 11:01:37 +0000

Папата Франциск во дворот на Меморијалниот центар „Мајка Тереза“ се сретна и благослови граѓани кои припаѓаат на социјални ранливите категории. Една самохрана мајка, му ја раскажа својата тажна приказна и истакна дека кога се нашла во тешка животна ситуација заедно со нејзината ќерка била прифатена од Чесните сестри, иако е од православна вероисповед и упати благодарност до Чесните сестри и Светиот отец, додавајќи: Чесните сестри никогаш не настојуваа тоа да се смени или јас да ја променам верата. Тие се грижеа за нас, ни дадоа покрив над главата, разбирање и се што требаше. По напуштањето на дворот на Спомен куќата на Мајка Тереза, Папата Франциск се упати кон плоштадот „Македонија” каде што чиноначалствуваше со светата Литургија, се движеше во својот папа-мобил и се поздравуваше со присутните верници.

Ана Глигорова самохрана мајка- „Извршителите ни извршија геноцид”

Дарко Андоновски — Fri, 08 Mar 2019 18:09:26 +0000

Ана Глигорова , самохрана мајка која со години се бори со системот на дисфункционална држава. Држава која на овие родители овие жени не им овозможува достоен живот. Работи и е еден од најдобрите режисери реализартори телевизиски работници, но и еден од најгласните борци за социјални права, објавува Досие.мк Целиот текст како и видео можете да го погледнете и прочитате ТУКА.

За Милена зборува цел Балкан: Сама се грижи за 4 ќерки, 40 крави, 8 овци, а се брани и од волци

Ивана Ефремовски — Thu, 13 Sep 2018 16:13:37 +0000

Откако нејзиниот сопруг за жал ги напуштил, 34-годишната Милена Совиљ Плечаш сама се грижи за 4 ќерки и голем селски имот. -Сѐ имаме и добро живееме, вели Милена за рватскиот портал „24 sata“. Таа вози трактор, коси трева, меша малтер, готви, пере, ја средува градината. Таа е моќна самохрана мајка на четири малолетни деца која се снаоѓа во земјоделието, сточарството, домаќинството, градежните работи и воспитувањето на деца, вози трактор и се грижи сѐ совршено да функционира. Од волците кои доаѓаат понекогаш до нејзиниот имот во селото близу Грачаца, се брани така што пука петарди. -Ќерките некогаш ми помагаат, а некогаш не сакаат, Но никогаш не им е досадно. Си играат со кучиња и со овци, за кои мислат дека се домашни животни, бидејќи деца во соседството нема. Ако нешто не им се прави, секогаш може да шетаат низ шумата, вели Милена, а девојчињата признаваат дека никогаш не им е досадно бидејќи природата е полна со изненадувања. -Тука има многу лисици, а еднаш видовме и јазовец, весело раскажуваат миленичките на Милена, за авантурите кои ги доживуваат додека нивната мајка работи. -Самата косам, седнувам на тракторот и косам а подоцна ја земам искосената трева. Соседите ми помагаат понекогаш. Ги викам на кафе и ги зезнувам за да ми помогнат… се снаоѓам некако. Работниот ден започнува во 9, а завршува кога ќе паднам со нозете, додава Милена.

Бурниот живот на капитенот на српската репрезентација: Љубовницата му родила син, па ѝ се вратил на сопругата (ФОТО)

Дарко Андоновски — Fri, 29 Jun 2018 13:19:07 +0000

Капитенот на српската фудбалска репрезентација веќе со години е тема на српските таблоиди. Александар Коларов е во брак со Весна Коларов и имаат две деца, но со години ја имал и љубовницата Кристина, за која пишувале и британските таблоиди за времето додека играл во Манчестер Сити. Коларов, наведуваат српските медиуми, осум години бил во паралелна врска со Весна и Кристина, а љубовницата пред три години му родила син. Нивната приказна започнала како авантура, но Коларов наводно се заљубил во неа, па и плаќал и стан за да можат полесно да се гледаат.

A post shared by Kristina Mijacevic (@krisstina1) on Jun 27, 2018 at 6:09am PDT

A post shared by Kristina Mijacevic (@krisstina1) on Jun 26, 2018 at 6:21am PDT

A post shared by Kristina Mijacevic (@krisstina1) on Feb 23, 2018 at 4:43am PST

Сопругата неколку пати го напуштала, но секогаш му се враќала. Откако Кристина го родила синот, Коларов и неговото семејство не сакале да зборуваат за детето, но фудбалерот го признал. Подоцна било откриено дека Коларов ја напуштил љубовницата додека била бремена, но на детето сепак му го дал презимето. Коларов, наводно, не сакал да ја прокоцка новата шанса која му да ја дала сопругата, па ја оставил својата љубовница. Кристина денес е самохрана мајка, а повремено на Инстаграм објавува фотографии со бебето. Коларов никогаш јавно не зборувал на оваа тема, а неговата сопруга Весна ги избегнува новинарите.

A post shared by Kristina Mijacevic (@krisstina1) on Jun 12, 2016 at 5:34am PDT