самохрани мајки – Kurir.mk

Самохраните мајки го кренаа гласот да си ги побараат СВОИТЕ ПРАВА

Ивана Ефремовски — Sun, 13 Feb 2022 16:16:11 +0000

Самохраните и еднородителските семејства се соочуваат со сериозни проблеми во надлежните институции и тоа е причината поради која невладината „Една може“ излезе на мирен марш во центарот на Скопје. Самохраните мајки не може да ги остварат своите права поради корумпираност на институциите и нестручен кадар што резултира и покрај пресудите да не можат да си ги видат своите деца, порачаа присутните на маршот, кој почна во „Жена Парк“ и заврши пред Министерството за труд и социјална политика. Присутните побараа поддршка од државните институции, крај на игнорантноста на вработените во центрите за социјална работа, дефинирање на статусот самохран родител и поддршка за децата кои потекнуваат од самохрано семејство. „Нашата борба е речиси децениска. По сите законски механизми кои ги употребивме, ни остана само ова. Излегуваме на улица во име на секоја самохрана мајка и еднородителско семејство во државата и бараме поддршка од државните институции. Бараме дефинирање на статусот на самохраност и третман врз основа на статус, а не врз основа на неможности“, вели Дороти Пачкова од „Една жена“.

Самохраните мајки си ги бараат своите права, денес ќе маршираат до МТСП

Ивана Ефремовски — Sun, 13 Feb 2022 08:41:43 +0000

Мирен марш ќе биде организиран денеска во Скопје за да се подигне свеста во јавноста за секојдневните проблеми со кои се соочуваат самохраните и еднородителските семејства. -Поводот за организирање на овој марш се сериозни прашања и барања на нашите членки. Сакаме да ја искажеме и прикажеме сликата на самохраните и еднородителските семејства пред целата македонска јавност и сите чинители во македонското општество. Темата за самохраните родители не смее да биде табу. Не повеќе, соопшти тимот на „Една може“. Оваа организација се залага за заштита и усогласување на своите интереси и уверувања за унапредување на родовата еднаквост и женските права, со акцент на самохраните родители и еднородителските семејства. Маршот ќе почне во 13 часот од Жена-парк и ќе се движи до Министерството за труд и социјална политика.

Самохраните мајки од Македонија излегуваат на протест, ова се нивните барања!

Ивана Ефремовски — Mon, 07 Feb 2022 15:39:57 +0000

„Една може“ како организација која се залага за заштита и усогласување на своите интереси и уверувања за унапредување на родовата еднаквост и женските права го организира првиот протест во историјата на Македонија посветен на самохраните мајки. Мирниот протест ќе се одржи на 13.02.2022 година во Скопје со почеток од 13:00 часот со првична собирна локација од „Жена Парк", а ќе се движи регулирано се до Министерството за труд и социјална политика. -Една може ве поканува да учествувате и да го поддржите протестниот марш на 13.02.2022 година во Скопје со почеток од 13:00 часот со првична собирна локација од „Жена Парк". Мирниот маршот ќе се движи регулирано се до Министерството за труд и социјална политика. Со ова сакаме да ја искажеме и прикажеме сликата на самохраните и еднородителските семејства пред целата македонска јавност и сите чинители во македонското општество. Со задоволство ве покануваме сите, без разлика дали сте самохрани родители, разведени партнери, индивидуи, поддрувачи, млади и возрасни, новинари и репортери, вработени и невработени, јавни личности и политичари. Темата за самохраните и еднородителските семејства не смее да биде табу! Не повеќе, соопштуваат од организацијата „Една може“. Барањата ќе се однесуваат најмногу на зголемување на социјалната помош, детски и образовен додаток за сите деца од еднородителски семејства, да се превземат мерки за тоа социјалните центри да постапуваат согласно законските правила, најчесто кога се одлучува кому ќе припадне детето.