Самоил Малчески – Kurir.mk

Малчески до Сарачини: Треба на граѓаните вистината во целост да им ја кажете, а не само она што вам ви одговара – поради ваша неодговорност сега ќе плаќаме нечии адвокатски трошоци

Ивана Ефремовски — Wed, 18 Oct 2023 19:42:06 +0000

„Мил ми е Сократ, но помила ми е вистина, не може да спомнувате едно дамнешно време, а да го заборавате ова. Не може, истакна Самоил Малчески во „Само вистина“ на Канал 5 телевизија на Петрит Сарачини покажувајќи му вест каде што пишува „Сашо Мијалков од денеска повеќе не е обвинет за прислушкувањето, делата му застареа, граѓаните ќе треба да му ги платат сите трошоци за адвокати“. Малчески додаде дека ќе е фер и коректно Сарачини тоа да спомене на граѓаните како сега ќе ги плаќаат трошоците за адвокати на Мијалков. „Биди коректен сега, разбирам дека си нервозен бидејќи боли вистината. А, ти манипулираш цело време“, нагласи Малчески. „Говориш за некакви поранешни времиња, бркаш вештерки, а не говориш дека ќе плаќаме нечии адвокатски трошоци“, рече Малчески на Сарачини. Тој укажа дека сите исклучени од ВМРО-ДПМНЕ отидоа да преговараат со Зоран Заев. „Треба на граѓаните вистината во целост да им ја кажете, а не само она што вам ви одговара“, нагласи Малчески. „Опозицијата неколку пати досега се понуди на власта да и помогне, но власта е таа која што е глува и која што останува на нејзините позиции. Последниот пат беше пред една година тие трите тима кои што ВМРО-ДПМНЕ ги понуди на Владата за излез од кризите“, појасни Малчески укажувајќи дека власта не сака да признае дека води погрешни политики и не ја прифаќа понудената рака за помош од страна на ВМРО-ДПМНЕ.

Малчески: Треба да почнеме да прашуваме која била улогата на Ковачевски како директор на Телеком за време на прислушкувањето

Ивана Ефремовски — Wed, 18 Oct 2023 18:20:16 +0000

Треба да почнеме да прашуваме која била улогата на Ковачевски како директор на Телеком за време на прислушкувањето. Дали Ковачевски директно бил вклучен во прислушкувањето? Клучното прашање е токму тоа, изјави универзитетскиот професор Самоил Малчески за „Само вистина“ на Канал 5. Тој посочи дека клучниот предмет заврши за кој беше целата хистерија. -Зошто беше Шарената револуција, зошто одеа по улици, зошто беше цела таа хистерија? Тој предмет не само што е завршен ние ќе треба да ги платиме адвокатските трошоци, од данокот кој го плаќаме, истакна тој. Малчески посочи дека оваа влада дојде со ветување дека ќе прави генерален реизбор на сите обвинители и судии во Македонија, на крај завршивме со судии и обвинители во нечие ново тефтерче. -Полни им беа устите, а на крај на денот Јовески е предлог на власта за уставен судија и го немаат повлечено. Смешно е кога ќе излезе Ковачевски дека судиите или обвинителите се криви. Со последниот конкурс за судии и обвинители еден куп скандали имаше со луѓе поврзани од власта. Проблемот е посложен. Не може политичка гарнитура на која устата и полна со ЕУ, да постапува спротивно од европските правила, изјави тој. Малчески нагласи и дека ЕК и вика на власта дека законските измени ќе влијаат на голем дел случаи на корупција на високо ниво.

Малчески: МОН има пари за т.н. софтвер на Рашковски, за квази физибилити студии на Зекири ама нема пари за научно истражувачка работа

Магдалена Андонова — Tue, 07 Jun 2022 12:59:47 +0000

Кои се трите сериозни удари кои што оваа Влада на СДСМ и ДУИ им ги зададе на високото образование? Прво, да се разбереме тоа се платите во високото образование. Знаете како, кога вие цело време ги држите универзитетските професори во страв дека не може да си ги задоволат основните егзистенцијални потреби, не е во ред да очекувате дека нешто повеќе ќе направат во делот на науката и истражувањето. Како за споредба, на пример плата на редовен професор на Косово е 1.500 евра, во Босна и Херцеговина 1.700 евра, во Србија е околу 1.900 евра, а да не се говори како е по европските земји како што се Германија, Шведска, појасни проф. д-р. Самоил Малчески на денешната трибина насловена „Погрешната образовна политика го нарушува стандардот, и го урива системот“. Малчески додаде дека плата на редовен професор во Република Македонија е околу 650 евра односно околу 39.000 денари. - Технички персонал во МЕПСО и во ЕЛЕМ земаат околу 30-40.000 денари плата, а редовен професор на универзитет му давате 39.000 денари плата, има ли поголемо понижување и деградирање од ова, запраша Малчески. Малчески посочи дека втор сериозен удар на високото образование беше кога запре вработувањето на помлад кадар во универзитетот, асистенти. Филозофскиот факултет е оставен со еден асистент. Педагошките факултети се без асистенти. Природно математичкиот факултет е оставен без подмладок. Потребни се околу 50-60 асистенти за редовно реализирање на наставно научна истражувачка дејност, а денес дали има двајца или тројца асистенти. - И трето кое што е клучно и битно е ударот врз научно истражувачката работа. Ова е Влада која што историски досега изделува најмалку средства за научно истражувачката работа, како министерство за образование и науки. Тука сме на самото дно. На пример на средствата за кои што се наменети за научно истражувачка работа се 0.00033% од Буџетот на државата. Во Европа тој стандард е 2%, а во земјите во нашето опкружување е 1%. И тука треба да напоменеме дека 50% од овие средства се издвојуваат за покривање на школарини во странство, на странски универзитети, што практично не е научно истражувачка работа, нагласи Малчески. Малчески укажа дека МОН во 2021 година има одвоено средства за научни истражувачки проекти за само седум проекти на јавно научни установи во државата. А, МОН има пари за т.н. софтвер на Рашковски, за квази физибилити студии на Зекири ама нема пари за научно истражувачка работа.

Малчески за поскапувањата на горивата: На Владата и е гајле, тие секако се возат „службено“ со бензин кој им го плаќаме ние!

Магдалена Андонова — Mon, 07 Mar 2022 19:15:32 +0000

Дизелот поскапува за 10 денари, Бензинот за 5,5 денари по литар!!! На Владата и е гајле, тие секако се возат "службено", со бензин кој им го плаќаме ние, стои во Фејсбук статусто на Самоил Малчески. - Капак на се, не се откажуваат од акциза и ддв, ако се откажат ќе нема од што да се полни буџетот за да крадат! Компаниите и народот чека некој друг да им ја завеши работата, дремат по дома! Епа дремете додека ве молзат, пишува тој во својата објава.

Малчески: Какво е тоа покачување на плата кое не предизвикува дополнителни финансиски обврски?

Ивона Петрова — Sun, 20 Feb 2022 17:49:45 +0000

Самоил Малчески вели дека на лагата и се кратки нозете. Прашува какво е тоа покачување на плата кое не предизвикува дополнителни финансиски обврски? -Какво е тоа покачување кога на вработените вработени до денот на влегување во сила на овој закон, продолжуваат да им се исплаќа плата во висина утврдена до денот на влегување на сила на овој закон?, прашува Малчески на Фејсбук.

Малчески: Ова се резултатите од работењето на Димитар Ковачевски

Ивана Ефремовски — Sun, 28 Nov 2021 13:58:36 +0000

Димитар Ковачевски најави кандидатура за лидер на СДСМ. Ок, јас нема да коментирам какви карактеристики има како човек, но ќе споделам бројки кои доволно говорат за неговото работење како Заменик министер за финансии, пишува денес Самоил Малчески. „Бројките се превземени од web страните на Министерство за финансии и Државен завод за статистика! Втората табела е компаративна анализа на двата последни извештаи на ЕК за напредокот на Република Македонија, притоа презентирани се само поглавјата кои се однесуваат на Министерство за финансии! Сами ценете“ - порача тој.

Малечески: Ослободете ја Македонија од вашиот криминал, јасно ни е дека губите па сте нервозни!

Магдалена Андонова — Sun, 14 Nov 2021 14:28:15 +0000

Петровска: Оставката на Заев е одложена до целосно стабилизирање на државата! Се поставува дилемата од што е дестабилизирана државата? Тоа беше изборен пораз каков што на локални избори ни една власт не памети во поновата Македонска историја! Значи може да зборувате за партиска дестабилизација, не за државна! Прекинете со праксата "државата, тоа сум јас!", стои во Фејсбук статусот на Самоил Малчески. Тој напиша дека за жал и во пракса и со наратив покажуваат дека Македонија е заробена држава! - Ослободете ја Македонија од вашиот криминал и корупција! Понатаму, апсењето на дрога од страна на ДЕА, не е дестабилизација на државата! Тоа е во интерес на државата! Јасно ни е дека губите проценти па сте нервозни! Исто така, апсење на рекетари со значки на АНБ не е дестабилизација! Секој кој се огрешил од закон треба да одговара! Пак ни е јасно, нервозни сте, губите проценти! Да не продолжувам, но едно е јасно, т.е. јасно е зошто не имплементиравте ни точка, ни запирка од извештајот на Прибе, додава Малчески во својата објава.

Малчески: Сите фирми на Заеви во Петрич се на иста адреса

Ивона Петрова — Thu, 28 Oct 2021 11:52:59 +0000

Сите вие кои два дена "морализирате" ќе зуцнете нешто за ова? Сите фирми на Заеви во Петрич се на иста адреса, пишува на Фејсбук, Самоил Малчески. -https://portal.registryagency.bg/.../VerificationPersonOrg Нема ли поголемо зло од тоа да крадеш од сопствениот народ и парите да ги вложуваш во туѓа држава? Колку од 16 милијарди (4 буџети по 4 милијарди) наши пари завршиле во овие фирми? Колку од овие фирми се претставени како "странски инвестиции" во РМ?, прашува тој.

Малчески до СДСМ: Не сме ние зло, вие сте ЗЛО за Македонија – Македонија има светла иднина ама без вас!

Тале Кристо — Wed, 20 Oct 2021 07:10:43 +0000

Пет години пуштавте бомби, правевте маршови, прес конференции, кажувавте дека се борите против корупција и криминал, се борите за правна држава и почитување на Устав и закони! Вистина е дека продолжи корупцијата, продолжи криминалот, продолжи местењето на тендери, продолжија партиски вработувања, имате каубојски убиства по државата, коментира на социјалната мрежа на Фејсбук универзитетскиот професор Самоил Малчески, на изјавите на лидерот на изјавите на лидерот на СДСМ Зоран Заев и други функционери дека „злото“ ни тропало на врата. -Имаше избори во 2016! Изгубивте! Со игри формиравте Влада и ви се створи можност вистински да покажете за што се боревте! Имаше избори во 2019! Со игри од бришач на прашина по кабинети направивте Претседател на Македонија! Имаше избори во 2020! Бришачот на прашина ви прогласи вонредна состојба за да може да штанцате уредби и со тоа да ги компромотирате изборите и војлата на народот! Останавте на власт! Имаше избори во 2021! Стигна фактурата! Вистина е дека: - продолжи корупцијата - продолжи криминалот - продолжи местењето на тендери - продолжија партиски вработувања - имате каубојски убиства по државата - продолжи политичкото насилие во Собранието - продолжи кршењето на Уставот и Законите - продолжи корупцијата за време на кампања за избори/референдум - се носат судски одлуки по диктат - селективното спроведување на закони е пуштено на максимум - нема реформи во ниедна област - станавме нарко држава според многу извештаи на меѓународни институции - со политичко насилие вршите експерименти врз нашите деца - продолжува злоупотребата на институциите во партиски цели - датум за преговори за ЕУ довиваме на секои 6 месеци - ниту еден од вас не може да добие НАТО сертификат итн. списокот на злодела е огромен! Со други зборови продолживте да ја уништувате Македонија! На крај лицемерно кажувате дека сте обезбедиле иднина! Не бе друштво си ги обезбедивте фотелјите за уште некое време, многу кратко! Не сме ние зло, вие сте ЗЛО за Македонија! Македонија има светла иднина ама без вас! #ГлаватаГоре, пишува во својата објава Малчески.

Малчески за изборот на претседател на СДСМ: Ноторна глупост е дека вчерашниот ден бил некаков исчекор во демократијата, кој го гласаше членството Зоран или Заев?

Катерина Бојаџиева — Mon, 22 Mar 2021 17:58:26 +0000

Самоил Малчески од ВМРО-ДПМНЕ во вечерашното гостување во емисијата Анализа на ТВ 24, коментирајќи го вчерашниот избор на Зоран Заев за претседател на СДСМ, вели дека всушност вчерашните избори во СДСМ не се избори, бидејќи кога се има избори тогаш треба да се избира помеѓу нешто, па праша членството за кој гласаше дали за Зоран или за Заев. Малчески смета дека изјавите дека вчерашниот ден биле некаков исчекор во демократијата се смешни, укажувајќи дека ноторна глупост е дека ова се првите внатрепартиски избори. -Кога некој ќе каже дека вчерашниот ден бил некаков исчекор во демократијата мене ми е смешно и затоа се смеа. Зошто ми е смешно? Ноторна глупост е дека ова се првите внатрепартиски демократски избори. До 2003 година додека не беше сменет Статутот на ВМРО-ДПМНЕ тогашниот статут предвидуваше избори на претседатели на општински комитети, на месни комитети, членството гласаше непосредно на состаноци и тоа беше еден своевиден внатрепартиска демократија, рече Малчески и додаде: Понатаму, истото се случуваше и во СДСМ и тоа се случуваше до 2014, 2015 година кога практично Зоран Заев со тогашната промена на Статутот на СДСМ ги укина внатрепартиските избори. По луѓето кои што гласаа за претседателе на локални клубови, за делегати на конгрес на СДСМ, наеднаш почнаа да се поставуваат на конкурси небаре бирате мис а не партиско раководство. -Вчерашните избори во СДСМ прво не се избори. Имате избори кога треба да избирате помеѓу нешто. Што избираа вчера? Го гласаа Зоран или го гласаа Заев? Зошто не овозможија да има втор кандидат, прашува тој.