Самоил Малчевски – Kurir.mk

Малчески: ВМРО-ДПМНЕ има јасна позиција, ако власта ги одбие предлозите на Мицкоски решение се избори

Дарко Андоновски — Tue, 13 Jun 2023 17:16:16 +0000

ВМРО-ДПМНЕ има јасен став и на маса даде два предлози, тие викаат нема што да преговараме и да правиме работни групи, еве ги предлозите и произнесете се. Ова не е прв пат опозицијата да пружа рака, во април 2022 година понуди четири тима од кои еден требаше да и помогне на владата уште пред бугарскиот односно францускиот предлог, во справување со тогашната ситуација. Ковачевски тогаш одби и влезе во ситуација во која врска нема што се случува, а ситуацијата се усложнува, изјави универзитетскиот професор Самоил Малчески за „Само вистина“ на Канал 5. - Се поставува прашањето која е агендата на Ковачевски? Мицкоски јасно кажа дек одбил 5 министри и дека не учествува во таква вада, му нудат сега премиер и ни тоа нема да го прифатат, рече тој. Малчески појасни дека Ковачевски не стави во позиција во која Бугарија продолжува со негаторската политика, како и дека ВМРО-ДПМНЕ нема да попушти и власта има избор или да ги прифати предлозите или да се оди на избори. - ВМРО-ДПМНЕ кажува дека уставни измени под бугарски диктат нема да има и тука се јасни. 44 пратеници нема да гласаат. Во овој пратенички состав нема пазарџии како Нола Исмајловска Старова, Крсто Муковски, Елизабета Канчевска Милевска. Ако СДСМ и Ковачевски го одбијат ВМРО-ДПМНЕ се поставува прашање дали СДСМ е заложник на ДУИ во владата и што СДСМ ветувала на штета на македонските национални интереси. Кога имаат јасен и чист предлог тие спинуваат. До кога Македонија ќе биде заложник на нечии интереси. Решение се избори. Ковачевски не учествуваше на избори и сега лесно му е да се расфрла со функции. Ако власта ги одбие предлозите на опозицијата нема друго решение освен избори, потенцираше Малчески. Тој додаде дека власта сега блефира, и штом се фалат дека имале бројка за уставни измени тогаш нека ги стават на гласање.

Малчевски: ВМРО-ДПМНЕ има една делегација на конгресот на ЕПП, предводена од претседателот Христијан Мицкоски со право на глас и учество во официјалниот дел од настанот

Предраг Кукиќ — Wed, 07 Nov 2018 20:16:58 +0000

Професорот Самоил Малчевски во своето вечерашно гостување во емисијата Само Вистина на Канал 5 телевизија ги разобличи лагите и манипулациите дека ВМРО-ДПМНЕ има паралелна делегација на конгресот на Европската Народна партија. Имено тој посочи дека фактичката состојба е дека ВМРО-ДПМНЕ ја претставува само една делегација на конгресот на ЕПП, предводена од претседателот на партијата Христијан Мицкоски која има право на глас и присуство на официјалниот дел од конгресот. Додека на неофицијалниот дел како што се форуми, дискусии, дебати, панел дискусии може да присуствува било кој со уредно доставено барање испратено по меил. Малчевски напомена дека и тој во минатото иако бил само обичен член на ВМРО-ДПМНЕ присуствувал на еден од конгресите на ЕПП. -Фактичката состојба е дека ВМРО-ДПМНЕ ја претставува делегација и присуствува на официјалниот дел конгресот на Европската Народна партија, која што ја предводи Мицкоски, Николоски мислам дека во нејзе се и Ѓорчев и Тимчо Муцунски. И тие се единствените четворица кои што имаат право на глас на конгресот на Европска Народна Партија. Што е нечија желба? Нечија желба е да биде некаква си делегација и според мои информации, знаете како сите тие настани имаат официјален дел и неофицијален дел. Неофицијалниот дел се форуми, дискусии, дебати, панел дискусии во кои што е отворен дел. Оние неколку имиња кои што вчера се појавија во јавност кои што мислам дека сами си пуштаат информации дека се некаква си делегација. Апсолутно не е точно, затоа што официјална делегација е делегацијата која што ја предводи Мицкоски со право на глас и право да присуствува на официјалните настани. На оние настани на кои што се носат одлуки. А на настаните кои што се отворени за другите можеме и јас и вие на следниот конгрес на ЕПП да пратиме меил, да замолиме да ни дадат акредитација, чисто да присуствуваме на тие панел дискусии, на тие работни средби, истакна Малчевски.

Малчевски: Јас сум убеден во апстиненција на 30-ти септември

Ивана Ефремовски — Tue, 11 Sep 2018 10:05:21 +0000

ВМРО-ДПМНЕ цело време беше ставено на страна и кога се разговараше со Грција и кога се пишуваше договорот од Нивици, изјави универзитетскиот професор Самоил Малчевски за време на гостувањето на телевизија Телма на емисијата Топ тема на ваша страна. Тој посочи дека ако некој мислел дека треба да се слушне гласот на сите, дека ако сите требало да бидат вклучени тоа требало да се направи барем при потпишување на договорот. -Зошто ако толку е важно што мислат сите на потпишувањето немаше никој од опозицијата. Зошто кога е важно не беа викнати барем пратениците. Во Собранието на крајот ќе треба поддршка за да помине договорот, рече Малчевски. Универзитетскиот професор изрази и сомневање дека власта ги подготвила и и амандамните. Според Малчевски повеќе од очигледно е дека надлежните подготвиле се, дека и амандманите се готови. -Ајде да видиме што содржат амнадманите, кои се амнадманите. Очигледно е дека се готови според однесувањето на луѓето од Владата, повика Малчевски. Тој посочи дека извесен период поради истражувања кои ги правел бил на терен низ Македонија. -Не слушнав дека некој ќе излезе и ќе гласа. Народот е збунет, соочен со уцена, со нејасно прашање. Некој треба да објасни за што е тој договор, а не да се лажат граѓаните. Има огромно разочарување кај граѓаните. На 30 септември граѓаните ќе ги исцртаат македонските црвени линии. Јас сум убеден во апстиненција на 30 септември, рече Малчевски.