самоодбрана – Kurir.mk

Ванг Ји: Израелските акции во Газа излегоа „надвор од рамката на самоодбрана“

Тале Кристо — Sun, 15 Oct 2023 11:31:08 +0000

Израелските акции во Газа излегоа „надвор од рамката на самоодбрана“ и израелската Влада мора „да престане со колективното казнување на луѓето во Газа“, рече денеска кинескиот министер за надворешни работи Ванг Ји во телефонскиот разговор со неговиот саудиски колега, принцот Фајсал бин Фархан. „Израел треба сериозно да ги послуша повиците на меѓународната заедница и генералниот секретар на ОН и да престане со колективното казнување на народот во Газа“, додаде Ванг Ји. Ова се досега најострите коментари на официјален Пекинг за последниот конфликт меѓу Израел и Хамас, кој избувна по саботниот масакр врз израелските цивили на југот на таа земја.

Ослободителна пресуда за Битолчанецот Тони кој си ја бранеше родената ќерка од насилниот зет кој со мачета тргна да ја убие

Ристе Здравков — Mon, 10 Oct 2022 08:13:20 +0000

На 21 фебруар во 05.30 часот сабајле познатиот битолски локален насилник Стојанчо Соколов со мачета насилно влезе во домот на фамилија Ѓоргиевски каде заради нужна одбрана со два куршуми беше застрелан од Тони Фердо со пиштол кој го поседуваше легално. Епилогот беше таков штоТони се гонеше за убиство со умисла по чл. 123 од КЗ на РМ. Дали ние како систем со ова испраќаме јасен сигнал за сите насилници и деликвенти дека можат да прават што сакаат и да се обесхрабрат тие шо имаат намера да си ги одбранат своите фамилии и покрај теророт кој го доживуваат со години? Дали имаме време за размислување и дали воопшто вреди да се размислува шо да се прави кога некој вака наоружан со мачета насилнички со кршење на влезна врата ќе влези во вашиот дом? Ние баравме само правда и од тие шо одлучуваат да ни покажат како би постапиле кога некој ваков со голем нож (како шо е минималистичко објаснато во нивното соопштение) влези насилно во нивниот дом- Но конечно судството во Македонија доби слух после јавниот апел на Шило Магазин и големиот број на граѓани кои бараа правда и слобода за Тони, а утрово нашиот херој и сограѓанин кој си го одбрана своето семејство и ќерка доби ослободителна пресуда.

Бајден: Израел има право на самоодбрана

Тале Кристо — Sat, 15 May 2021 08:51:03 +0000

Американскиот претседател Џо Бајден, по телефонски разговор со израелскиот премиер Бенјамин Нетанјаху, изрази разбирање за реакцијата на Израел по ракетните напади од Хамас. -Моите очекувања и надежи се ова наскоро да заврши. Израел има право да се брани кога на негова територија стигнуваат илјадници ракети, изјави Бајден по извршениот телефонски разговор со израелскиот премиер Бенјамин Нетанјаху. Владата на Бајден изрази претходно загриженост и ги повика двете страни во конфликтот на итна деескалација. Американскиот министер за надворешни работи Ентони Блинкен му дал налог на својот специјален претставник Хади Амр да отпатува во регионот на средба со претставници на двете конфликтни страни. Амр во име на Бајден ќе инсистира на итна деескалација на ситуацијата.

Бесплатна „Работилница за самоодбрана за жени“

Super Admin — Tue, 29 Jan 2019 11:01:16 +0000

Клубот за класични јапонски боречки вештини „Буџинкан Македонија“ на 9-ти и 10-ти февруари организира бесплатна „Работилница за самоодбрана за жени“ на која можат да се пријават сите заинтересирани припаднички на понежниот пол. „Буџинкан Македонија“ е првиот македонски клуб за боречки вештини кој уште во 2008 година почна да организира вакви настани и оттогаш работилницата стана синоним и место каде што девојките и жените можат да научат техники за самоодбрана при несакани ситуации. Учесничките на работилницата ќе имаат можност да се запознаат со техниките на борба кои пред повеќе векови биле развиени од страна на јапонските жени-воини, познати под името Куноичи. Настанот се одржува веќе десет години по ред, а како што веќе споменавме ќе биде бесплатен за првите 25 учеснички кои ќе се пријават на телефонскиот број 075 564 011. Водител на програмата ќе биде инструкторката Сања Симонова, заедно со неколку членови на клубот. Доколку имате прашања, слободно контактирајте го организаторот на горенаведениот телефонски број, или проверете ги информациите на веб страницата koryu.mk.