сампдорија – Kurir.mk

Медиуми: Пирло нов тренер на Сампдорија

Тале Кристо — Tue, 27 Jun 2023 17:23:36 +0000

Повеќе италијански, како и англиски медиуми објавија дека е постигнат договор за соработка меѓу Сампдорија и Андреа Пирло. Според истите извори, поранешниот италијански репрезентативец и ѕвезда на Интер, Јувентус и Милан, ќе потпише договор на две години со клубот од Џенова. Пирло во текот на оваа недела треба официјално да биде промовиран во нов тренер на Сампдорија која по долги години прв пат го загуби прволигашкиот статус и од следната сезона ќе игра во Серија Б. Пирло на клупата на Сампдорија ќе седне на местото на српскиот стратег Дејан Станковиќ, кој во октомври лани беше назначен за тренер, но не успеа да обедзбеди останок и под негово водство клубот од Џенова заврши на последното место.

МОРБИДНО: Управата на Сампдорија доби свинска глава

Бошко Тасиќ — Sun, 26 Feb 2023 07:20:41 +0000

Раководството на италијанскиот фудбалски тим доби ужасно предупредување од непознати лица во вид на пакет во кој имало отсечена глава од свиња, а кој бил доставен во клупските канцеларии. Подарокот препратен со порака за доскорешниот претседател Масимо Ферера и актуелниот потпретседател Антонио Ромеи, во која пишувало – следните пресечени глави ќе бидат вашите. Полицијата веднаш била повикана, а предводниците на клубот веднаш објавија соопштение во кое го изразија својот бес и разочараност пред уште еден грозен чин на заплашување.

Минатиот месец празен куршум бил доставен во канцелариите на Самдорија на сметка на Фереро, кој и покрај оставката се уште е мнозински сопственик, кој според навивачи тврдоглаво одбива да го продаде клубот на луѓе кои имаа желба и пари да го спасат од бездната. Тимот од Џенова во моментов е претпоследен во Серија А со само 11 бодови од 23 меча, а е осум бодови под зоната за опстанок.

ДЕЈАН СТАНКОВИЌ НА НОВА КЛУПА: Поранешниот тренер на Црвена ѕвезда го презеде познатиот италијански клуб!

Ивана Ефремовски — Tue, 04 Oct 2022 18:55:12 +0000

Дејан Станковиќ е новиот тренер на Сампдорија. Според италијанските медиуми, договорот е постигнат во текот на вечерта, доскорешниот тренер на Црвена ѕвезда ќе седне на загреаната клупа на тимот од Џенова најмалку до крајот на сезоната. Договорот би можел да биде продолжен на крајот на сезоната, а се очекува Станковиќ да добие богат бонус доколку остане во Сампдорија. Џенова во моментов е последнопласираната екипа во Серија А со само два бода од осум натпревари.

Јувентус деветти пат по ред шампион на Италија

Ивона Петрова — Mon, 27 Jul 2020 05:34:23 +0000

Јувентус ја победи Сампдорија со 2:0 синоќа на домашен терен во натпревар од 36. коло од Италијанското фудбалско првенство и го обезбеди шампионскиот трофеј. Стрелци на головите беа Кристијано Роналдо и Федерико Бернардески. Пред крајот на натпреварот, Роналдо промаши пенал. Јувентус на две кола до крајот на сезоната во Серија А има 83 бода и е недостижен за конкурентите. За „Старата дама“ ова е 36-та шампионска титула во Италија и деветта во низа.

Втора победа по ред за Пандев и Џенова

Тале Кристо — Thu, 23 Jul 2020 06:48:00 +0000

Калчолигашот Џенова е на добар пат да избори опстанок, откако синоќа во градското дерби ја совлада Сампдорија со 2:1. За тимот на Горан Пандев ова беше втор триумф во низа по кој на три кола до крајот на сезоната во Серија А ја задржа предноста од четири бода пред конкурентот за опстанок Лече. Резултати на натпреварите од 35. коло одиграни вчеравечер: Парма – Наполи 2:1 Интер – Фиорентина 0:0 Лече – Бреша 3:0 Сампдорија – Џенова 1:2 СПАЛ – Рома 1:6 Торино – Верона 1:1. Колото ќе се комплетира вечер со средбите Удинезе – Јувентус и Лацио Каљари. Води Јувентус со 80 бода, пред Аталанта со 74, Интер со 73 и Лацио кој има 69 бода.

Интер ја совлада Сампдорија и се зацврсти на третата позиција во Серија А

Ивона Петрова — Mon, 22 Jun 2020 07:09:38 +0000

Во мечот од 25. коло од фудбалскиот шампионатот на Италија, Интер синоќа на домашен терен ја совлада Сампдорија со 2:1. Головите за домаќините ги постигнаа Ромелу Лукаку и Лаутаро Мартинез, додека за Сампдорија реализира Мортен Торзби. Поради коронавирусот, средбата во Милано се одржа без навивачи. Интер за прв пат победи на последните три натпревари и со 57 поени се зацврсти на третото место на табелата во Серија А. Сампдоријасо 26 бода е на 16. место.

Сите заразени фудбалери на Сампдорија се излечија од коронавирусот

Тале Кристо — Tue, 14 Apr 2020 14:30:43 +0000

Излечени се сите фудбалери на Сампдорија, кои биле заразени со коронавирус, според тренерот на тимот од Џенова, Клаудио Раниери. – Сите наши играчи се излекувани. Јас бев многу тажен кога дознав дека има заразени фудбалери на тимот, но фала му на Бога, сè е во ред, прокоментира Раниери. Првиот позитивен тест за КОВИД-19 на играч на тимот беше напаѓачот Маноло Габиадини минатиот месец, а после тоа стана јасно дека се заразени и Омар Коли, Албин Екдал, Антонино Ла Гумина, Мортен Торсби, Фабио Депаоли и Бартош Берешински.

Раниери предложи пет замени по натпревар

Ивона Петрова — Tue, 14 Apr 2020 06:29:12 +0000

Тренерот на Сампдорија, Клаудио Раниери, даде предлог да се зголеми бројот на замени во сезоната прекината поради пандемијата на коронавирус. Претходно, Италијанската фудбалска федерација соопшти дека очекува да го заврши шампионатот. – За мене, оваа сезона е невалидна затоа што нема сеопфатно почитување на правилата. Јас разбирам дека треба да играме, но сè ќе биде решено на теренот. Ако одиме да играме три пати неделно, тогаш треба да воведеме промени во фудбалските правила и да дозволиме пет замени, изјави Раниери за „Фудбал Италија“. Сампдорија се наоѓа во долниот дел на табелата, на 16.место, со само еден бод повеќе од зоната на испаѓање.

Наполи врза три победи под водство на Гатузо

Ивона Петрова — Tue, 04 Feb 2020 06:35:54 +0000

Наполи синоќа на гостински терен ја совлада Сампдорија со 4:2 во последниот дуел од 22-то коло од Серија А. Оваа победа беше трета по ред за неаполитанците под водство на тренерот Гатузо. Претходно, по неговото доаѓање на тренерската позиција, клубот изгуби четири од шест одиграни натпревари. Сега билансот на тимот со Гатузо е пет победи и четири порази. Наполи е на 9. место во Италијанското фудбалско првенство со 30 бода.

Навивачи на Рома со расистички навреди кон фудбалер на Сампдорија

Ивона Петрова — Mon, 21 Oct 2019 06:45:33 +0000

На вчерашниот натпревар од италијанската Серија А одигран во Џенова, навивачи на Рома упатија навреди на расна основа кон фудбалерот на Сампдорија, Роналдо Виеира. Судијата Фабио Мареска го забележа непримерното однесување на гостинските навивачи, но немаше официјална опомена на стадионот. По завршувањето на натпреварот, Рома преку Твитер се извини за однесувањето на навивачите и искажа целосна поддршка кон бескомпромисната борба против расизмот. Клубот од Рим исто така изрази уверување дека предизвикувачите на инцидентот ќе бидат идентификувани и казнети. Ова не е прв инцидент со расистичко однесување на навивачите оваа сезона. Претходно, на расна основа беа навредувани Ромелу Лукаку, Френк Кеси и Далберт Енрике.