Самуел Ето – Kurir.mk

ОБЈАВЕНИ ДЕТАЛИ: Познато е зошто Ето претепа навивач!

Ристе Здравков — Tue, 06 Dec 2022 14:47:37 +0000

Самуел Ето нокаутираше навивач по натпреварот помеѓу Бразил и Јужна Кореја. Славниот фудбалер, а сега и претседател на фудбалската федерација на Камерун направи скандал на Светското првенство и ја шокираше цела планета. Сега е откриено зошто, односно се знае што се случило и што му рекол алжирскиот јутјубер Саиду Мамуни кога пришол да го снима. По се што се случило Мамуни отишол во полиција и го пријавил настанот кај надлежните. Тој објасни и што се случило. „Јас сум во полициска станица за да поднесам жалба против Ето. Тој насилно ме удри, некој друг со него ме тепаше и ме турна, по што ми ја уништија камерата. Го прашав како Бакари Гасам, (африкански судија на Мундијал) бил и му дал поткуп, по проверката ме удри и ми ги уништи камерата и микрофонот. Знам дека ќе биде казнет овде во Катар затоа што е правна држава, ме удри по гради и лице, и ми беше повредена и раката“, рече Саиду. Да потсетиме, медиумите пишуваа дека Ето претходно му понудил поткуп на овој судија и поради тоа на Камерунците им се закануваше исклучување од Мундијалот.

Ето прогнозира африканско финале во Катар

Ивана Ефремовски — Sat, 19 Nov 2022 12:16:01 +0000

Поранешниот легендарен камерунски напаѓач Самуел Ето, кој сега е на чело на фудбалската федерација на својата земја, предвидува африканско финале на Светското првенство во Катар, иако репрезентациите од овој континент никогаш не минале понатаму од четвртфинале. – Камерун во финалето на СП 2022 ќе го победи Мароко, рече Ето во интервју кое го пренесоа организаторите на Мундијалот во Катар. – Со текот на годините, африканските тимови стекнуваа се повеќе искуство и мислам дека се подготвени не само да учествуваат на Светско првенство, туку и да победат на ова натпреварување, додаде поранешниот камерунски репрезентативец и фудбалер на Барселона и Интер. СП започнува утре со дуелот меѓу домаќинот Катар и Еквадор. (МИА)

Самуел Ето избран за претседател на Фудбалската федерација на Камерун

Тале Кристо — Sun, 12 Dec 2021 12:47:40 +0000

Поранешната фудбалска ѕвезда Самуел Ето е избран за претседател на Фудбалската федерација на Камерун (FECAFOOT), еден месец пред неговата земја да биде домаќин на Африканскиот куп на нации. Четириесетгодишниот Ето, кој во кариерата настапуваше за Барселона, Интер и Челзи, го презема раководењето со националниот сојуз, засенет со лошо менаџирање, корупција и внатрешни несогласувања. Ето во изборот за претседател на FECAFOOT го победи досегашниот прв човек на камерунскиот фудбал Сеиду Мбомбо Нјоја, кој ја предводеше федерацијата од 2018 година, но неговиот избор во јануари го поништи Меѓународната спортска арбитража (CAS).

Ето се кандидираше за прв човек на камерунскиот фудбал

Ивана Ефремовски — Wed, 22 Sep 2021 14:26:57 +0000

Легендарниот напаѓач Самуел Ето (40) објави официјална кандидатура за претседател на Камерунската фудбалска федерација. Ето во својата фудбалска кариера настапуваше за европските гиганти Интер, Реал Мадрид, Барселона, Челзи и Евертон, а во националниот дрес одигра 118 натпревари на кои постигна 56 голови. -По долго и темелно размислување, одлучив да се кандидирам за претседател на Камерунскиот фудбалски сојуз, поради љубов кон Камерун и страста кон фудбалот, објави Ето. Актуелниот претседател Мбомбо Нјоја беше именуван на чело на Камерунската фудбалска федерација во 2018 година, но неговиот избор на почетокот на оваа година го поништи Меѓународната спортска арбитража (CAS). Претседателските избори се закажани за декември годинава, еден месец пред Африканскиот Куп на нации, чиј домаќин ќе биде Камерун. (МИА)

ФОТО: Самуел Ето доживеа тешка сообраќајка, со автомобил се забил во автобус

Ивона Петрова — Mon, 09 Nov 2020 07:26:31 +0000

Камерунската фудбалска легенда Самуел Ето имал тешка сообраќајна несреќа, но не е животно загрозен. Светските медиуми јавуваат дека екс ѕвездата на Барселона, Челси и други бројни клубови, со автомобил удрил во автобусот додека се враќал дома од свадба. На Твитер набрзо се појавија фотографии од местото на несреќата, а членови за семејството за Би-Би-Си Африка истакнале дека Ето „е добар“, но се наоѓа во болница каде му била пружена лекарска помош.

Samuel Eto'o survives a car crash, the former Cameroon captain is said to be in hospital receiving medical attention. pic.twitter.com/LphzeRaLaT
— African Soccer Updates (@Africansoccerup) November 8, 2020

Според објавите на медиумите, Ето не бил виновен за несреќата, а одговорниот бил приведен.

Ето не е задоволен од номинацијата за најдобро десно крило во историјата на фудбалот

Ивона Петрова — Tue, 20 Oct 2020 05:45:04 +0000

Поранешниот репрезентативец на Камерун, Самуел Ето, го критикуваше „Франс Фудбал“ дека е вклучен во списокот на кандидати за најдобри играчи во историјата на фудбалот како десно крило. Триесет и деветгодишниот Камерунец ги потсети новинарите дека во поголемиот дел од својата кариера играше како центарфор. -Благодарам, но поминав само 1-2 сезони десно, додека 25 години како центарфор. Недостиг на почит од Франс Фудбал, напиша Ето на Твитер. Во својата богата фудбалска кариера Ето беше дел и од европските гиганти како Челзи, Интер, Барселона, Реал Мадрид,…

Ето му изрази поддршка на Роналдињо кој се наоѓа во парагвајски затвор

Ивона Петрова — Mon, 23 Mar 2020 07:14:28 +0000

Камерунскиот напаѓач Самуел Ето го поддржа поранешниот соиграч во Барселона, Роналдињо, кој е во затвор во Парагвај. – Не можам да опишам како се чувствувам. Не можам да замислам низ што минуваш. Само можам ментално да ти испратам енергија и да кажам дека многу те сакам. Се надевам дека сè ќе се реши брзо, затоа што ти си добра личност. Можеш да сметаш на мене, ќе направам се што ти треба, рече Ето во обраќањето до Роналдињо преку социјалните мрежи. Бразилецот беше уапсен поради употреба на лажни документи, а пред два дена во затворот во Парагвај го прослави својот 40. роденден.

View this post on Instagram

Feliz Cumpleaño Hermano❤️❤️❤️???????joyeux Anniversaire mon frère ❤️❤️❤️❤️ @ronaldinho adrénaline ?????? @fcbarcelona

A post shared by Samuel Eto'o (@setoo9) on Mar 21, 2020 at 6:38am PDT

Приказната од која занеме целиот свет: Влегол во автомобилот на славниот фудбалер и му побарал 3500 евра, потоа се случило чудо

Ивана Ефремовски — Tue, 27 Feb 2018 19:48:54 +0000

Легендарниот камерунски фудбалер Самуел Ето открил детали од својот живот со кои ја воодушеви јавноста. Приказната која целиот свет го остави без здив се случила пред 11 години, кога едно младо момче влетало во неговиот автомобил и побарал од него 3500 евра да ги оствари своите соништа. Таа 2007-ма година Ето беше на врвот на својата кариера во Барселона и со сопругата побегнал во “топлите” краишта, далеку од очите на јавноста. Меѓутоа, сепак некој го препознал. Младото момче кое знаело дека се работи за познатиот фудбалер, кога го здогледал, влетал во неговиот автомобил. “Не сакам да ве нападнам. Сослушајте ме ве молам, а потоа слободно повикајте полиција поради провалување во вашиот автомобил”, љубезно изговорило момчето, додека Ето одлучил да му пружи шанса и да го сослуша. Момчето по занимање било собар, кој имал сон, но не и пари да го оствари тоа што го замислил. Кога го здогледал Камерунецот дошол до идеја да позајми пари од него. “Земи го овој чек од 3500 евра, дај ми го твојот број и земи го мојот. Ќе се вратам за една година и ако успееш да ги дуплираш парите, тогаш навистина ќе ти помогнам”, му рекол познатиот фудбалер. Eто рекол дека момчето излегло од автомобилот целосно мотивирано, и дека ги остварил своите планови. “Ветувањето беше исполнето, после година дена се вратив на местото каде го запознав. Taму стоеше истото момче кое ми се пофали дека ги остварил своите планови. Отворил компјутерска работилница и купил две такси возила”. Eто бил горд на младото момче кое со само 3500 евра успеало да ги оствари соништата и да вработи дури 25 луѓе. “Тој ме воодушеви со својот пристап, ниту еден момент не се двоумев дали да му помогнам”, признал Ето.