самуел умтити – Kurir.mk

Самуел Умтити од следната сезона во Лил

Бошко Тасиќ — Sun, 23 Jul 2023 06:33:21 +0000

Неколку тешки години се зад Самуел Умтити. Малата минутажа, расистичките навреди и заминувањето од Барселона влијаеја на дефанзивецот, но тој со сезоната во Лече повторно го сврте вниманието кон себе. Токму неговите добри настапи во Серија А му донесоа повик во Лил, кој во саботата го официјализираше како нов играч со договор на две години. На дресот ќе го носи бројот „14“, а доаѓа како слободен играч по раскинувањето на соработката со шпанскиот тим. Французинот одигра 25 натпревари за Лече и беше еден од најдобрите во одбраната на тимот кој и покрај сите прогнози го задржа прволигашкиот статус. Претходно од 2016 до 2022 година играше за Барселона на вкупно 133 натпревари, но од 2018 година беше на втор план.

Трансферот на Умтити пропадна, не ги минал лекарските прегледи

Ристе Здравков — Mon, 11 Jul 2022 17:57:43 +0000

Иако се чинеше дека Барселона конечно ќе се ослободи од Самуел Умтити, сепак неговиот трансфер во Рен пропадна. Каталонски „Спорт“ информира дека Французинот не ги минал лекарските прегледи, иако се беше договорено за негово доаѓање. Според непотврдени информации проблемот се појавил при тестовите за срце, па клупскиот доктор на Рен не дал согласност за трансфер. Трансферот е дефинитивно пропаднат и Рен бара друг дефанзивец, а Барселона ќе мора да бара друга дестинација за Умтити, кој е надвор од плановите на Чави.

Умтити се согласува да ја напушти Барса, но има УСЛОВ

Ивана Ефремовски — Sun, 01 Aug 2021 18:32:34 +0000

Одбранбениот фудбалер Самуел Умтити наскоро може да ја напушти Барселона. Французинот се согласи да го напушти клубот, но постави услов: сака да се пресели во тим што учествува во Лигата на шампионите, или конкурентен за титулата во националното првенство, пренесува „Диарио Спорт“. Поради ова, каталонскиот клуб с уште не успеа да го продаде 27-годишниот играч или да го даде на позајмица. Во последните недели, Барса доби три предлози за Умтити, но тие не ги исполнија барањата на играчот. Барселона се надева дека ќе може да го испрати Умтити во друг тим пред почетокот на шампионатот во Ла Лига. (МИА)

Барселона без Умити до крајот на годината

Дарко Андоновски — Thu, 11 Oct 2018 11:48:10 +0000

Самуел Умтити, најверојатно нема да игра до крајот на годината поради повреда на коленото, пишува каталонски Спорт. Францускиот стопер се повреди на натпреварот против Леганес на 26 септември, поради што ги пропушти дуелите со Билбао, Тотенхем и Валенсија, а потоа откри дека повредата е посериозна од она што беше првично предвидено. Потребна е пауза од неколку месеци, па Умити ќе пропушти големи натпревари како оние против Севиља, Интер и Реал Мадрид. Најверојатно, фудбалерот на шпанскиот шампион ќе мора да оди на операција. Тој е еден од најсигурните во одбраната на Барселона и во светот, а неговиот отсуство се совпадна со лошите резултати на каталонскиот тим и четири меча во Примера без победа.