сан диего – Kurir.mk

ФОТО+ВИДЕО: Пингвин во Зоолошката градина во Сан Диего си доби ортопедски чевли

Магдалена Андонова — Wed, 31 Aug 2022 10:51:45 +0000

Пингвин во Зоолошката градина во Сан Диего, Калифорнија, САД, си доби ортопедски чевли, заради олеснување на симптомите од дегенеративна болест на екстремитетите. Пингвинот Лукас, кој е четири години стар, има проблеми со нозете поради пододерматитис – хронична болест, честа кај птиците… Ако не се лекува, болеста може да доведе до сепса и смрт, според соопштението на Алијансата за диви животни во Сан Диего. Зоолошката се обрати и до организација што развива производи за рехабилитација за животни со посебни потреби за помош. Така беа создадени обувки од ортопедскиот материјал неопрен и гума што треба да го олеснат одењето на Лукас.

Заразените горили со коронавирус целосно оздравеле

Ивона Петрова — Tue, 16 Feb 2021 11:10:15 +0000

Осум горили од Зоолошката градина во Сан Диего целосно заздравеле откако минатиот месец биле позитивни од Ковид-19, соопштија од Зоолошката. Горилите се заразиле и покрај тоа што членовите на тимот кои се грижат за нив се придржувале до мерките кои биле препорачани. Сите осум горили по дијагнозата биле во изолација, а некои од нив имале блага кашлица, гушење и секрет од носот. Официјалните лица од Зоолошката градина сметаат дека горилите оздравеле благодарение на добрата нега од ветеринарите.

Изгаснат пожарот на воениот брод во Сан Диего

Магдалена Андонова — Fri, 17 Jul 2020 08:59:29 +0000

По четири дена, конечно изгаснат е пожарот на американскиот воен брод „Боном Ричард“ во Сан Диего, што всушност е еден од најлошите инциденти во последните години, соопшти денеска морнарицата. Менаџерот на бродот, адмиралот Филип Собек рече дека последните 24 часа на бродот биле „неверојатни“ и истакна дека во некои делови температурата поради пожарот била до 1.200 степени Фаренхајт. Поради пожарот, бродот е надвиснат на едната страна, а под тежината на водата фрлена на него, сепак, Собек вели дека е стабилен и одржлив, но дека ќе биде потребно време да се процени штетата. Како што пренесуваат странските агенции, иако пламенот беше изгаснат, топлината остана, а морнарите мораа да извршат увид во секој дел од просторот на бродот за да не се појави пожарот повторно на некои места. Бродот е во пристаништето веќе две години, каде се извршуваше негова реконструкција вредна 250 милиони долари, кога избувна пожарот. Истрагата треба да утврди како настанал пожарот. Како што се наведува, околу 160 морнари беа безбедно евакуирани од бродот, а повредени се повеќе од 60 морнари и цивили кои работеле на него. Тие претрпеле мали изгореници и вдишале чад. (MИА)

Пукање долж траса на маратон, приведена жена

Даниел Василев — Mon, 04 Jun 2018 06:39:41 +0000

Една жена е приведена откако полицијата во Сан Диего добила пријава дека дошло до пукање долж трасата на маратонот кој секоја година се одржува во тој град. Инцидентот е пријавен околу 11 часот по локално време на паркинг, во близина на кој се наоѓа целната линија за полумаратон и маратон, пренесува Си-Би-Ес 8. Неколку минути подоцна полицијата соопшти дека ситуацијата е под контрола. Освен тоа, се наведува и дека еден полицаец е наводно повреден кога случајно си пукал себеси во ногата или во стопалото.

Петмина ранети при напад во Сан Диего

Дарко Андоновски — Tue, 08 May 2018 12:25:09 +0000

Пет лица се ранети денеска при вооружен напад во американскиот град Сан Диего, соопшти локалната полиција. Во соопштението се посочува дека инцидентот се случил кога двајца Афроамериканци стрелале врз тројца мажи и една жена, а потоа отвориле оган и врз уште едно лице во близина на местото на првиот напад. Петмината ранети, чии идентитет не е соопштен, се пренесени во болница и се вон животна опасноста. Веднаш по инцидентот напаѓачите побегнале и полицијата трага по нив. Напаѓачите се идентификувани како „лица на возраст меѓу 19 и 25 години, високи околу 180 сантиметри и облечени во темна облека“. Мотивите за нападит засега не се познати.