Берлускони пуштен од болница каде се лекуваше од коронавирус

Ивана Ефремовски — Mon, 14 Sep 2020 13:59:31 +0000

Поранешниот италијански премиер Силвио Берлускони, кој беше хоспитализиран на 3 септември поради инфекција на белите дробови предизвикана од коронавирусот, денеска е пуштен од болница. -Тоа беше тешко искушение, но благодарение на небото и лекарите од Сан Рафаел, излегов од ова искушение, можеби најопасното во мојот живот, изјави Берлускони во краткото обраќање и им се заблагодари на сите. Берлускони, кој на 29 септември ќе наполни 84 години, на 2 септември објави дека е позитивен на вирусот, како и неговите деца Барбара (36) и Луиџи (31), но и неговата нова партнерка, 30-годишната Марта Фашина. Поранешниот италијански премиер беше хоспитализиран како пациент со висок ризик поради возраста и претходните здравствени проблеми, вклучително и интервенција на отворено срце. Тогаш на Берлускони му беше дијагностицирана „инфекција на белите дробови во рана фаза“. (МИА)

Водата пресуши: Исчезна најголемиот еквадорски водопад

Ивана Ефремовски — Thu, 02 Apr 2020 12:32:02 +0000

Најголемиот еквадорски водопад Сан Рафаел очевидно пресуши откако големиот понор исчезна и „проголта“ голем дел од водата којашто се слева на тоа место. Водопадот на реката Кока е голема туристичка атракција и досега привлекуваше десетици илјади луѓе годишно. Беше висок 45 метри. Според снимките на НАСА, од водопадот останале три потока. Сѐ уште не е јасно дали станува збор за природна појава или за промена на речниот тек предизвикана од изградба на браните.

Сан Рафаел – Kurir.mk

Берлускони пуштен од болница каде се лекуваше од коронавирус

Водата пресуши: Исчезна најголемиот еквадорски водопад