сан сиро – Kurir.mk

Милан ќе гради нов стадион

Бошко Тасиќ — Sat, 25 Feb 2023 05:23:19 +0000

Фудбалскиот клуб Милан ќе го напушти „Сан Сиро“ на кој настапува од 1926 година и ќе гради нов стадион, пишува „Газета дело спорт“. Двата тима од Милано, Интер и Милан, требаше заедно да започнат да градат нов стадион, градските власти го одобрија проектот за изградба, но сега Росонерите се откажаа од оваа идеја. „Големата романса помеѓу Милан и „Сан Сиро“ заврши. Ќе останат прекрасни спомени, но Милан тргнува во друг правец, без Интер. Клубот успеа да се врати на врвот на италијанскиот фудбал со освојувањето на титулата минатата година, а сега и сопствениците сакаат да го вратат на врвот на Европа. За тоа е потребен нов стадион и на кој ќе игра само Милан кој има јасна сопственичка структура и иднина, додека иднината на Интер е под знак прашалник. Милан сака да има свој стадион што ќе му носи приходи во текот на целата година, што е клучно за финансиската стабилност“, пишува „Газета“.

Еуфоријата го прави своето: 200.000 навивачи сакаат на „Сан Сиро“ во недела

Ристе Здравков — Fri, 13 May 2022 17:12:49 +0000

Во пеколна завршница од сезоната во Серија А, почнува конечната разврска околу тоа кој ќе биде новиот шампион во првенството. Милан е во одлична позиција конечно по долг пост да освои титула во Серија А, имаат два бода повеќе од Интер и ги држат сите конци во свои раце. До крајот на сезоната има уште два натпревари, а веќе ова коло играат тежок меч против Аталанта на Сан Сиро, меч кој треба да даде одговор дали Милан е кадарен за да освои титула годинава. Навивачите на Милан се свесни за тежината на овој натпревар и многу од нив сакаат да се на „Сан Сиро“, но тоа нема да биде можно. Имено, дури 200.000 луѓе побарале од клубот да добијат влезници, но јасно е дека само 40% од тие навивачи ќе може да бидат присутни на „Сан Сиро“, капацитетот е нешто над 80.000 седишта. Натпреварот Милан – Аталанта се игра во недела од 18 часот, а од 20:45 игра Интер кај Каљари, па ова коло може да падне одлука за нов шампион во случај Милан да победи, а Интер да киксира. Милан во тој случај би освоил титула по цели 11 години.

Милан работи деноноќно за да го убеди Ракитиќ да дојде на „Сан Сиро“

Ивона Петрова — Fri, 08 Nov 2019 09:45:04 +0000

Милан работи напорно за привлекување на играчот од средниот ред на Барселона, Иван Ракитиќ, пренесува „Мундо Депортиво“. Според најновите информации, спортскиот директор на тимот Звонимир Бобан лично ја преземал задачата да го убеди својот сонародник да пристигне на „Сан Сиро“ и да му помогне на тимот да се врати на нозе во наредните неколку сезони. Добро е познато дека искусниот фудбалер не е стартер кај Каталонците заради присуството на младиот Френки де Јонг, кој завладеа во средниот ред од пристигнувањето од холандскиот шампион Ајакс. Името на Ракитиќ е силно поврзано и со другиот голем тим од Милано – Интер. Во секој случај, Барселона ќе се раздели со него во јануари, како што е и желбата на самиот фудбалер.