Најмалку 79 загинати, а повеќе од сто повредени во станпедо во Сана

Тале Кристо — Thu, 20 Apr 2023 06:05:52 +0000

Најмалку 79 лица загинаа, а повеќе од сто се повредени во Сана, главниот град на Јемен, при стампедо. Бројот на загинати и повредени постојано расте, бидејќи првите информации беа за триесет загинати за време на хуманитарен настан одржан во Сана, главниот јеменски град контролиран од бунтовниците Хути. Бунтовничката новинска агенција Саба наведува дека жртвите веднаш биле пренесени во блиските болници и дека организаторите на тој настан се уапсени. Бунтовниците Хути, поврзани со Иран, ја презедоа контролата врз главниот град на Јемен пред девет години, што предизвика интервенција на воената коалиција предводена од Саудиска Арабија за да ја поддржи владата. Оттогаш, војната во Јемен однесе стотици илјади животи и иницираше една од најголемите хуманитарни кризи во светот, во оваа најсиромашна земја на Арапскиот Полуостров.

Петмина загинати при бомбардирање на Сана

Ивана Ефремовски — Fri, 11 May 2018 06:20:36 +0000

Најмалку пет луѓе загинаа, а уште пет се повредени во бомбардирање на северниот дел на главниот град на Јемен, Сана од страна на арапската коалиција предводена од Саудиска Арабија. Според очевидците, во првиот напад е погоден контролен пункт лоциран во северно предградие на Сана, а во вториот е погодена станбена зграда во близина. Граѓанската војна во Јемен се интензивира во март 2015 година, по интервенцијата на арапската коалиција, предводена од Саудиска Арабија, во знак на поддршка на претседателот Рабу Мансур Хади. Според Обединети нации поради војната на повеќе од 22 милиони луѓе во Јемен потребна им е хуманитарна помош.

сана – Kurir.mk

Најмалку 79 загинати, а повеќе од сто повредени во станпедо во Сана

Петмина загинати при бомбардирање на Сана