санација – Kurir.mk

Во Штип се санираат пешачките мостови

Тале Кристо — Mon, 11 Sep 2023 12:29:49 +0000

Екипите на Јавното претпријатие (ЈП) „Стипион“- Штип денеска работат на реконструкција на големиот пешачки мост меѓу старите штипски населби Стар Конак и Исар. Директорот на ЈП „Стипион“-Штип, Панче Стефановски вели дека се на терен по реакција на граѓанин, кој на социјалните мрежи објави фотографии дека мостот не е безбеден за пешаците, ниту пак за возилата кои поминуваат под мостот. Посочува дека веднаш е реагирано од нивна страна и веќе дупката и искршените даски се заменето со нови. -Нашите вработени покрај тоа што го санираа овој голем пешачки мост, од денеска работат и на санирање на малите мостови во коритото на реката Отиња, вели Стефановски. Тој апелираше граѓаните да пријавуваат до ЈП „Стипион“ вакви проблеми, со цел навреме да реагираат и да ги санираат штетите на мостовите, како и на урбана опрема. Забележа дека средствата за санација се обезбедуваат преку ставка за тековно одржување.

Гаревски: Извештајот за мостот „Беласица“ е предаден, оштетувањата се мали, но ќе треба санација

Тале Кристо — Thu, 29 Jun 2023 15:49:00 +0000

Експертизата за опожарениот мост „Беласица“ е направена од приватниот Институт за сеизмички отпорни градби и климатски промени и драфт верзијата е предадена во Град Скопје, потврди за МИА директорот на Институтот, професор Михаил Гаревски. Од визуелната инспекција, вели Гаревски, не е забележана ниту на еден дел од мостот изложеност на каблите за преднапрегање, туку тие се скриени со заштитниот слој на бетон. Овој е основниот услов и затоа оштетувањата се мали. Иако оштетувањата се мали, посочува, сепак ќе треба да се изврши санација. Но, потенцира, потребна е санација на плочата над примарните цевки за парно со торкретирање за да се врати заштитниот слој од бетон кој ја штити ребрастата арматура од корозија. Потребно е и да се врати паднатиот бетон на некои површини од долната плоча и вертикалните ребра на сандачестите носачи. За да може да се спроведе санацијата на мостот неопходно е да се извадат цевките за парно кои се наоѓаат под мостот, појаснува професорот. Иако тој вели дека извештајот е предаден во Град Скопје, оттаму велат дека во моментот не располагаат со никакви информации.

Јавни претпријатија ќе ги санираат улиците и патиштата во Делчево и Крива Паланка кои беа оштетени од поплавите

Тале Кристо — Tue, 27 Jun 2023 17:49:43 +0000

Јавното претпријатие за одржување магистрални и регионални патишта и Јавното претпријатие за државни патишта ќе ги преземат сите потребни мерки и активности за санирање, заштита и реконструирање на улиците во општините Делчево и Крива Паланка, одлучи Владата на денешната седница. Со цел ефикасност во постапувањето, Владата ги задолжи овие две претпријатија во рок од шест месеци да достават извештај за извршената рехабилитација и реконструкција на утврдените општински улици и патишта. -Владата ја разгледа и усвои Информацијата за преземени активности во врска со прогласената кризна состојба на подрачјата на Општина Делчево и Општина Крива Паланка и донесе Одлука за утврдување на општинските патишта и улици, за кои работите за рехабилитација и реконстуркција ќе ги вршат јавни државни претпријатија. Со Одлуката, како што образложи предлагачот, Министерството за транспорт и врски, им се овозможува на Јавното претпријатие за одржување магистрални и регионални патишта и на Јавното претпријатие за државни патишта, и покрај тоа што станува збор за општински улици и патишта, во интерес на граѓаните, да ги преземат сите потребни мерки и активности за санирање, заштита и реконструирање на улиците во општините Делчево и Крива Паланка. Oва е направено по доставено известување од Општината Крива Паланка, со листа на приоритети за санација на штетите на инфраструктура кои се во надлежност на општината и листа на приоритети на инфраструктурни објекти кои се во надлежност на републиката, како и доставено известување од Општина Делчево, со листа на приоритети за улиците, атмосферските канализации, регулација на реките и мостот на река Брегалница, наведува Владата.

Санација на тринаесет улици во населба Драчево

Ивона Петрова — Wed, 20 Jul 2022 11:41:34 +0000

Реконструктивни зафати на тринаесет улици во населбата Драчево се одвиваат во моментов во општина Кисела Вода. Градежните активности кои опфаќаат гребење на оштетениот и дотраен асфалт се во тек. Се работи за сообраќајници на кои никој не интервенирал повеќе од 50 години иако жителите од овој дел на Скопје интензивно ги користат во своето секојдневие. “Шандор Петефи”, “Чупино Брдо”, “Иван Тургењев”, “Риза Ризов”, “Радослав Петковски”, “Дарвинова”, “Стари Новакија”, “Ромен Ролан”, “Ѓорѓи Динката”, “Иван Мажураниќ”, “Иван Мешторовиќ”, “Раде Дакиќ”, “Димитар Гуштанов”, се улиците со површина од 8545 квадратни метри, кои до средината на август ќе бидат целосно асфалтирани и ставени во функција. -Градежните зафати за подобрување на патната мрежа низ општина Кисела Вода продолжуваат со голем интензитет и во наредниот период. Се интервенира низ сите месни и урбани заедници, со што приоритетни се најфревентните, и оние улици каде декади наназад не е извршена никаква инвестициска и градежна активност. Во изминатиот период Општина Кисела Вода ги санираше сите улици во Пржино, во Црниче ваков зафат претрпе “Рилски Конгрес”, а се привршува и улицата “Наум Охридски”, велат од Општина Кисела Вода. Целосно беше асфалтирана улицата “Пушкинова” со сите нејзини краци, како една од најфреквентните улици во урбаната заедница 11 Октомври Згради, а во моментов тече и поплочувањето со павер елементи на околу 2000 квадратни метри површина на улици низ Пинтија и Драчево.

Санација на сите улици во Пржино, четврт од седумте капитални проекти за роденденот на Кисела Вода

Магдалена Андонова — Thu, 30 Jun 2022 13:18:02 +0000

Општина Кисела Вода го завршува проектот за санирање на сите улици во Пржино. Градоначалникот Орце Ѓорѓиевски денес го промовираше овој, четврт од седумте капитални проекти кои се реализираат по повод роденденската недела на Општина Кисела Вода, кој носи бенефит на жителите на оваа урбана заедница, но и на 30 проценти од населението кое ги користи во своето секојдневие. Се работи за обнова на патна инфраструктура во должина од над 6 километри, односно над 12 илјади квадратни метри. Улици на кои никој не интервенирал децении наназад. Сериозен проект вреден преку 13 милиони денари кој е дел од градежната офанзива што и’ се случува на општина Кисела Вода. Имено, во моментов, после само седум месеци од доаѓањето на новото раководство на Општината, се обновува патна инфраструктура во должина од над 14 километри. Инаку, вчерашната роденденската прослава на Општина Кисела Вода на која започна и културното лето, помина во одлична атмосфера и со масовна посетеност. Околу 3500 луѓе во паркот "Македонија" уживаа до полноќ во концертите на Филип Шурбевски ЕЗГИЈА КВАРТЕТ, Ефто Пупиновски и на Влатко Лозановски ЛОЗАНО. Вториот ден од роденденската прослава на општината е посветена на талентираните ДНК, ТЕА ТРАЈКОВСКА како и ДИЏЕЈ ОГИ. Со почеток во 20 часот на истата локација, Парк Македонија (до Дом за Култура „Билјана Беличанец“ (старо кино), посетителите ги очекуваат звуците на најдобрите хитови на македонската забавна музика. Програмата за вечерва изгледа вака: 2 ДЕН - КУЛТУРНО ЛЕТО 2022 | 30 јуни 2022 (четврток) • ПАРК МАКЕДОНИJА • 20:00 часот | Сет на ДиЏеј Оги 21:00 часот | Концерт на Теа Трајковска 22:00-00:00 часот | Концерт на ДНК

Санирано оштетувањето на мостот во Драчево за неполни 24 часа

Катерина Бојаџиева — Sun, 19 Jun 2022 15:58:54 +0000

Во текот на изминатиот ден екипите на ЈП Улици и патишта интензивно работеа на санирање на оштетувањето што од неодамна се појави на мостот на Маркова Река во Драчево. Градежните работи и асфалтирањето беа извршени во најкус можен рок и мостот денес од 13 часот е пуштен во употреба, информираат од претпријатието.

Продолжува санацијата на Спомен домот на Разловечкото востание

Ивона Петрова — Mon, 30 May 2022 09:00:27 +0000

Во делчевското село Разловци ќе продолжи санацијата на Спомен домот на Разловечкото востание. Во рамките на годишната програма на Министерството за култура на РСМ во областа на инвестициското одржување, осигурување, адаптација и набавка на опрема се одвоени околу 721.000 денари за продолжување на втората фаза од санацијата на Спомен-домот „Разловечко востание“ во село Разловци, информираше директорот на Центарот за култура, Методи Толевски кој додаде дека договорот со Министерството за култура е потпишан, а наскоро треба да се распише тендерот за избор на најповолен економски оператор. -Втората фаза опфаќа замена на дрвената столарија со трајни материјали и термопан стакло со што значително ќе се подобри безбедноста на објектот, но и неговиот изглед, рече Толевски. Санацијата на Спомен-домот посветен на Разловечкото востание започна минатата година со времена санација на кровната конструкција која според директорот решава проблемот и се обезбедува времена заштита на објектот од надворешни влијанија. -Во следната фаза за санација на Домот е планирана санација на внатрешните ѕидови на спомен-домот и административната зграда, како и уредување на влезот и скалите кон Домот, додаде Толевски. Спомен-домот посветен на Разловечкото востание долги години беше оставен без кров, само со црна хартија, а состојбата со објектот беше катастрофална. Спомен- домот „Разловечко востание“ е уникатно архитектонско дело на архитектот, проф.д-р Ѓорѓи Константиновски, кој во 1980 ја освои и првата награда за архитектонско решение на весникот „Борба“ на ниво на СФРЈ и на уникатен начин го чува споменот на првото вооружено востание на македонскиот народ за ослободување од Отоманската Империја.

На улица Цветан Димов се уредуваат жардињерите околу дрвјата и се санираат оштетувањата во асфалтот

Тале Кристо — Wed, 20 Apr 2022 12:38:33 +0000

Екипите на ЈП Улици и патишта Скопје денес во рамките на големата пролетна работна акција во општината Чаир работат на санирање на жардињерите околу дрвјата на улицата Цветан Димов и санација на ударните дупки со предходно машинско гребење и асфалтирање. Екипите со акцијата денес покрај улицата Цветан Димов ја санирале и улицата Џон Кенеди во вкупна површина од 15м2. Одговорните лица за одржување на светлосната сигнализација работеа на санација на недостатоците на семафорите и тоа на следните крстосници: улица Џон Кенеди со улица Лазар Трповски, крстосница улица Петар Ичко со улица Лазар Трповски и крстосница улица Христијан Тодоровски Карпош со улица Ферид Бајрам. На сите три крстосници беа оштетени сенилата на семафорите и заменети со нови, информираат од претпријатието.

Санација на оштетувањата на улица Цветан Димов и санација на светлосната сигнализација на крстосниците во општина Чаир

Тале Кристо — Tue, 19 Apr 2022 11:44:44 +0000

Екипите на ЈП Улици и патишта Скопје денес /вторник/ 19.04.2022г. во рамките на големата пролетна работна акција во општината Чаир работеа на санирање на ударните дупки на улицата Цветан Димов и со машинско гребење на поголемите оштетувања во асфалтот асфалтираа површина од околу 40 м2, а ги санираа и недостатоците на светлосната сигнализација на крстосниците во општината со извршени шест интервенции, информираат од градското претпријатие. Интервенциите на одговорните екипи за семафорите беа на крстосница улица Џон Кенеди со улица Цветан Димов, каде е извршена демонтажа на оштетен семафорски столб и монтиран е нов семафорски столб со возачка и пешачка латерна, направено е поврзување , испитување на семафорот и истиот е пуштен во работа. Потоа на крстосница Џон Кенеди со улица Ќемал Сејфула утврдено е оштетено и монтирано е ново сенило на зелен возач, на к-ца Џон Кенеди со улица Македонско Косовска Бригада монтирани се пет сенила и заменето стакло на зелен возач. Како и на крстосцницата ул.Никола Карев со улица Самоилова монтирани се нови пет сенила и на к-ца улица ул.Никола Карев со ул.Македонско Косовска Бригада монтирани се две сенила и заменети три сијалици на семафорите за пешаци. ЈП Улици и патишта Скопје, по налог на Град Скопје, а заедно со другите јавни претпријатија продолжува и во наредните денови со извршување на следните активности предвидени во рамките на работната акција во општината Чаир, се вели во соопштението на претпријатието.

Започната санација на пешачка патека на Кеј 13-ти Ноември

Тале Кристо — Wed, 06 Apr 2022 13:35:37 +0000

Екипите на ЈП Улици и патишта Скопје денес по налог на Град Скопје почнаа со санирање на пешачката патека која се наоѓа помеѓу А1 и црквата „Пресвета Богородица“ на Кеј 13-ти Ноември. Патеката е со должина од 40 метри и широчина од 1,70 метри, почетните работни позиции на патеката е отстранување на оштетената површина со бехатон плочи, а потоа површината ќе се тампонира, ќе се поставуваат рабниците и ќе се постават новите бехатон плочи. По уредувањето на оваа пешачка патека екипите продолжуваат со санација и на останатите пешачки патеки на градските сообраќајници согласно планот за работа од Град Скопје, информираат од претпријатието