Сандер Сагосен – Kurir.mk

Сагосен: За Македонија се подготвивме најдобро што можеме

Ристе Здравков — Fri, 13 Jan 2023 14:07:29 +0000

Полска буди убави спомени кај норвешкиот машки ракомет. Во 2016 година, Норвешка заврши на четвртото место на ЕП кое што се играше во Гдањск, Катовице, Краков и Вроцлав, а по седум години Норвежаните повторно се на полско тло, каде ќе водат битка во СП. Прв ривал на скандинавската земја ќе биде нашата Македонија, а еден од најдобрите норвешки ракометари Сагосен го даде своето мислење за овој натпревар. „Гледаме само на следниот натпревар, бидејќи ако изгубите еден или два натпревари, веќе сте надвор од СП. Засега, ние само се подготвуваме најдобро што можеме за Македонија, а потоа ќе размислуваме за другите. Тука дојдовме да играме Светско првенство, а што ќе се случи ќе дознаеме деновиве“, рече одличниот бек Средбата меѓу Македонија и Норвешка, која што ќе биде втора од првото коло во групата Ф, започнува од 20:30 часот. Претходно, од 18:00 часот силите ќе ги одмерат Холандија и Аргентина.

Сагосен оди на операција, го пропушта СП

Бошко Тасиќ — Sun, 03 Jul 2022 19:07:57 +0000

Ракометната репрезентација на Норвешка, која е еден од противниците на Македонија на Светското првенство во 2023 година, ќе настапи без најдобриот член Сандер Сагосен. На Сагосен му е потребна втора операција на скочниот зглоб, а тоа ќе значи отсуство од ракометните терени во следните шест до осум месеци. Искусниот ракометар на Кил пред три месеци заработи повреда на скочниот зглоб во натпреварот против Хамбург и поради тоа не настапи на фајнл-фор турнирот од Лигата на шампионите.

Сагосен заминува од Кил

Бошко Тасиќ — Sat, 23 Oct 2021 06:02:03 +0000

Ракометната интернет-страница „Хендбол Планет“ објави дека норвешкиот ракометар Сандер Сагосен се најавува дека во Норвешка се создава ракометен „дрим-тим“. Екипата на Колштад се подготвува за големи вложувања и е подготвена да носи големи ракометни имиња. Едно од нив е 26-годишниот Сагосен, кој во моментов е член на бундеслигашот Кил. Сагосен има договор со Кил до 2023 година, а „Хендбол Планет“ пишува дека тој не планира да го продолжи и негова следна дестинација ќе биде Колштад. Норвежанецот во редовите на Кил пристигна во 2020 година од ПСЖ, а претходно играше за Алборг, Хаслум и сега актуелниот Колштад кој е негов матичен клуб.

Ѕвездите на Кил се Ковид позитивни, не доаѓаат во Скопје?

Ристе Здравков — Tue, 19 Oct 2021 13:25:52 +0000

Кил на натпреварот со Лемго настапи без Сандер Сагосен и Штефан Вајнхолд. Сега се знае и зошто. Во голема белја се најде големиот Кил. Сандер Сагосен и Штефан Вајнхолд и покрај вакцините, се позитивни на Ковид 19 и се во карантин. Затоа тие и не беа на мечот со Лемго на кој Кил одигра само нерешено. Нема да бидат ниту на дуелот со ПИК Сегед што се игра утре во рамките на Лигата на шампионите. Најверојатно, нема да бидат и на мечот што може да биде пресуден за шампион во Бундес лигата - викенд дербито во Вундерино арена против незгодните гости од Магдебург. Колку време ќе бидат вон терен не се знае. Но, во следното коло од Лигата на шампионите, 27 октомври, Кил доаѓа во Скопје. Дали оваа временска рамка ќе се поклопи со времето за враќање на терен или не засега не може да се каже. Но, постои шанса, Кил во Скопје да допатува без Сагосен и Вајнхолд.

Трансфер-бомба на 21. век: Најдобриот светски ракометар се враќа дома?

Ристе Здравков — Wed, 06 Oct 2021 07:29:43 +0000

Според многумина најдобриот светски ракометар Сандер Сагосен би можел да ја напушти Германија и да се врати да игра ракомет дома. На големо се најавува дека во Норвешка се создава ракометен „дрим-тим“. Екипата на Колштад се подготвува за големи вложувања и е спремна да носи големи ракометни имиња. Едно од нив е 26-годишниот Сагосен, кој во моментов е член на бундеслигашот Кил. Барем така јавуваат медиумите од Германија и од Норвешка, каде се повеќе се пишува за можен трансфер на Сагосен во Норвешка. Главен фокус на овој проект ќе бидат настапите во Европа, со оглед на тоа што норвешкото првенство не е силно и конкурентно. Сагосен според најавите се враќа во Норвешка по крајот на договорот со Кил, тоа е 2023 година. Засега, нема потврда за овој трансфер. Норвежанецот во редовите на Кил пристигна во 2020 година од ПСЖ, а претходно играше за Алборг, Хаслум и сега актуелниот Колштад кој е негов матичен клуб.