сандра булок – Kurir.mk

Почина партнерот на Сандра Булок, три години се борел со ретка болест

Ивона Петрова — Tue, 08 Aug 2023 08:22:46 +0000

Почина партнерот на актерката Сандра Булок, кој тајно се бореше со болест на моторните неврони (АЛС). Брајан Рандал (57) три години тајно се борел со неизлечива, смртоносна болест. Двојката се запознала во 2015 година, кога Брајан го фотографирал роденденот на посвоениот син на Сандра. Неколку месеци подоцна тие беа неразделни и дојдоа заедно на свадбата на Џенифер Анистон и Џастин Теру. Сандра и Брајан беа заедно осум години и немаа деца, иако заедно ги одгледаа посвоениот син на Сандра Луис (13) и ќерката Лејла (11). Брајан од претходната врска ја имаше ќерката Скајлар, која веќе е порасната. Иако не открива премногу детали од нивниот живот, Сандра во 2021 година во ретко интервју изјави дека Брајан е љубовта на нејзиниот живот. -Поминав низ развод, а сега ја најдов љубовта на мојот живот. Заедно одгледуваме три прекрасни деца... И тоа е најдоброто нешто на светот, изјавила тогаш актерката. Болеста на моторните неврони или амиотрофичната латерална склероза (АЛС) е неизлечива и фатална, а пациентите имаат животен век од две до пет години по дијагнозата. Ја нарекуваат и болест Лу Гериг, по познатиот американски бејзбол играч кој починал од неа во 1939 година, кога имал само 36 години.

Сандра Булок оди во пензија за да му се посвети на семејството

Катерина Бојаџиева — Thu, 23 Jun 2022 08:43:50 +0000

Во 90-тите, а и потоа, светот ја засака по акцијата „Брзина“, трилерот „Време за убивање“, комедијата „Мис таен агент“ и оскаровската драма „Судир“… А денес, по 30 години на големиот екран, Сандра Булок планира да се откаже од киното. Во интервју за „Холивуд репортер“, 57-годишната оскаровка откри дека ќе се повлече од професионалната глума, за да може да минува повеќе време со своите деца (12-годишниот син Луис и 10-годишната ќерка Лајла). – Толку сум „прегорена“… Толку сум уморна, па веќе не можам ни да носам здрави, паметни одлуки… Мислам дека постојаната работа последниве три десетлетија ми стана пречка, вели таа. Сега таа решила да му се посвети на семејството – на своите деца и сопругот Брајан Рендал, со кого е од 2015 година. Единствениот „Оскар“ за главна женска улога го доби за филмот „Слепата страна“ од 2009 година, а во 2014. беше номинирана и за вселенската трилер-авантура „Гравитација“. Занимливо е и тоа што ден пред да го добие „Оскарот“ пред 12 години, Сандра Булок беше една од ретките што се појави на сцената на „Златна малина“ и достоинствено го прими „одличјето“ и за најлоша глумица на годината – за филмот „Сѐ за Стив“. Глумицата има и 78 други филмски награди и 120 номинации. Таа има и сопствено продукциско студио, 17 продуцирани филмови, улоги во 59 проекти. Последна улога, се чини засега, ќе ѝ биде онаа во „Брз воз“ (Bullet Train), чие прикажување е закажано за 5 август. Во него, таа глуми со Бред Пит.

САНДРА БУЛОК ГО „ЗАПАЛИ“ ЦРВЕНИОТ ТЕПИХ: Деколте и чизми над колена, а фустанот со детали кои сите жени ги сакаат! (ФОТО)

Магдалена Андонова — Tue, 22 Mar 2022 09:52:42 +0000

Актерката Сандра Булок ги воодушеви сите со своето издание на црвениот тепих на премиерата на својот нов филм „Изгубен град“. Сандра има полни 57 години, но дефинитивно изгледаше два пати помлада! Актерката имаше облечено розе фустан со длабоко деколте и „омбре“ ефект, украсени апликации и облици на цветови и кристали. Сандра исто така имаше облечено кратко сако дизајнирано од стилистката Елизабет Стјуарт, а под фустанот кожени чизми над колена! Сандра на премиерата ја однесе својата сестра Јазин, која ретко имавме можност да ја видиме. Модните критичари забележуваат и дека фустанот на Сандра имал нешто што на секоја жена често и недостасува во свечените прилики - џебовите! Погледнете ги фотографиите!

ЈА НАПУШТА АКТЕРСКАТА КАРИЕРА: Сандра Булок се повлекува од големото платно, а еве зошто

Ристе Здравков — Wed, 16 Mar 2022 06:40:16 +0000

Познатата актерка, која ги освои срцата на луѓето ширум планетата, реши на драстичен чекор. Иако Сандра Булок е можеби една од најбараните актерки во Холивуд, ѕвездата е подготвена да направи чекор назад од центарот на вниманието и да се фокусира на своето семејство. Сандра Булок го става Холивуд во втор план – засега. 57-годишната актерка потврди дека паузира од актерството за да се фокусира на семејството. За време на интервјуто за Entertainment Tonight оваа недела, Сандра објасни дека не знае колку ќе трае нејзината пауза, но рече дека мора да направи чекор назад и да биде „на местото што ја прави најсреќна“, што значи повеќе време дома, со нејзините деца Луис (12) и Лејла (10). „Ја сфаќам мојата работа многу сериозно кога сум на работа“, рече таа, нарекувајќи ја нејзината актерска кариера посветеност „24/7“. „А јас само сакам да бидам со моите бебиња и семејството 24 часа на ден. Таа објасни: „Ќе бидам таму некое време“. Наместо да ги чита сценаријата, Сандра рече дека нејзината нова листа на задачи ќе се врти околу нејзините деца.

Сандра Булок: Не сум имала врска со Кијану Ривс

Ивона Петрова — Wed, 24 Nov 2021 08:47:16 +0000

Американската глумица Сандра Булок ги коментираше гласините за врска со Кијану Ривс во интервју за „Есквајер“ (Esquire)… Имено, тие се запознале на снимањето на акциониот филм „Брзина“ (Speed) од 1994 година, а во 2006. глумеа како двојка и во филмот „Куќа на езерото“ (The Lake House). Имаат и заеднички пријатели и ист агент. Поради оваа причина, Булок и Ривс често се среќаваат на холивудските забави, каде што се забавуваат и се дружат. Па така, не се изненадувачки гласините за романтична врска меѓу нив… Прашана дали навистина имало нешто повеќе од работата и пријателството, Сандра Булок решително вели – не! Според глумицата, ова „нешто повеќе“ би го уништило „нивното големо пријателство“. Сепак, таа не ја исклучи можноста да има романса во иднина… Sandra Bullock talks Keanu Reeves dating rumors, reveals sweet gift he gave her after 'Speed' | Fox News – Кој знае!? Кијану е човек кој, мислам, е пријател со секоја жена што ја запознал. Мислам дека нема некој што би рекол нешто страшно за него. Па можеби би го преживеале и тоа… Не знам, вели таа. Булок додава дека Ривс е човек кој знае да слуша и има добри сеќавања за него. Поради негго, на пр., околу една година по „Брзина“, таа првпат пробала шампањско и чоколадни тартуфи. Од 2019 година, Кијану Ривс се гледа со уметницата Александра Грант. А, Сандра Булок претходно беше в брак со ТВ-водителот Џеси Џејмс, од кого се разведе во 2010., по пет години брак, поради неговите неверства.

Сандра Булок и Ченинг Тејтум во нова трилер-романса

Тале Кристо — Tue, 29 Dec 2020 12:19:27 +0000

Холивудскиот глумец Ченинг Тејтум е во завршни преговори за улога во филмот „Изгубениот град Д“ (The Lost City of D), во којшто ќе се појави и Сандра Булок. Филмот ќе се снима под режисерската палка на Адам и Арон Ни, а во продукција на „Парамаунт пикчрс“. Според првите информации, Тејтум и Булок треба да глумат колеги кои заедно ја промовираат нејзината книга. Заплетот доаѓа при киднапирањето и двајцата се здружуваат за да се спасат. Па, се појавуваат и чувства, што дополнително ја усложнува целата приказна… Идејата за овој филм е на Сет Гордон, а сценариото го напиша Орен Узиел.

Сандра Булок го прослави роденденот со познато друштво

Ивона Петрова — Wed, 05 Aug 2020 08:05:53 +0000

Сандра Булок го прослави својот 56. роденден. И, иако тоа беше еден вид „бал“ под маски за заштита од коронавирусот, сепак, обожавателите можеа да ги препознаат нејзините познати пријателки: глумиците Џенифер Анистон, Сара Полсон и Холанд Тејлор. Сандра Булок и Џенифер Анистон се долгогодишни пријателки, а интересно е тоа дека се запознале преку глумецот Тејт Донован, со кого и двете, во 1990-тите, излегувале. – Се чини, тој има посебен тип на жени со кои излегува – талентирани, интересни, прекрасни…, изјави Анистон во една прилика. Пријателството на Булок и Анистон важи за едно од најцврстите и најпознатите во Холивуд.

По вторпат и тајно се омажи популарната холивудска актерка

Тале Кристо — Thu, 11 Jun 2020 08:08:41 +0000

Сандра Булок тајно се венчала со своето момче, холивудскиот фотограф Брајан Рендл (54), а свадбата се одржала на нивниот имот во Калифорнија. Како што пренесуваат тамошните медиуми, тоа било скромна прослава, само со нивните најблиски роднини и пријатели. Децата на Булок – деветгодишниот Луис и неговата помала сестричка Лајма, биле деверчиња. Глумицата и нејзиниот една година помлад избраник се заедно од 2015 година. Таа претходно беше во брак со телевизикиот водителт Џеси Џејмс, но се разведоа по пет години брак, наводно, поради неговите неверства. Богатството на Булок надминува 150 милиони долари. Таа неколкупати има дарувано по милион долари на американскиот Црвен крст. Сандра и Брајан се сретнале на роденденската забава за нејзиниот син.

Булок предлага водител на Оскарите да биде случајно избран актер од публиката

Ристе Здравков — Sat, 29 Dec 2018 15:15:09 +0000

Се уште не е објавено кој ќе ја води церемонијата за доделување на Оскарите откако актерот Кевин Харт се повлече, по протестите за неговите стари хомофобични твитови. Оскаровката Сандра Булок предлага по случаен избор да се повика еден актер од публиката, кој потоа би го читал текстот од телепромптер. Таа наведува дека организаторите не треба да му објаснуваат на случајно избраниот актер што да прави туку да го стават пред телепромптер и да му кажат „Вие сте на ред, Вие сте актер, снајдете се“. Булок наведува дека во таа улога може да се снајде секој од присутните актери. Свечената церемонија на доделување на Оскарите ќе се одржи на 24 февруари 2019 година.

Беше една од најприродните убавици, но не му одолеа на ботоксот: Сандра Булок има 54 години и ниту една брчка (ФОТО)

Ивана Ефремовски — Wed, 19 Dec 2018 16:27:40 +0000

Актерката Сандра Булок оваа година наполни 54 години, а сега покажа дека нема ниту една брчка на лицето. Една од најомилените глумици во Холивуд, Сандра Булок се појави во Њујорк за премиерата на филмот "Bird Box". Сандра заблеска во црвена романтична тоалета, но многумина забележале дека нејзиното лице делува многу природно, затегнато и дека нема ниту една брчка. Булок има изјавено дека е голем противник на естетските зафати и дека нејзиниот изглед е резултат на мајка природа. Сепак, многумина не ѝ веруваат и тврдат дека е опседната со ботокс. Доколку го споредите нејзиното лице од 2005 година и денес ќе забележите дека и пред 13 години имала брчки, а денес нема.