Сандро Тонали – Kurir.mk

Милан за Тонали: Од медиумите дознавме дека е зависен од коцкање

Тале Кристо — Sat, 04 Nov 2023 14:55:17 +0000

Италијанскиот фудбалски клуб Милан ги отфрли шпекулациите дека биле свесни за проблемите на Сандро Тонали. Ден Ешворт, спортскиот директор на Њукасл, на кого Росонерите му го продадоа играчот од средниот ред за рекордни 70 милиони евра плус бонуси, вчера изјави дека му било тешко да шпекулира дали италијанскиот клуб бил свесен за зависноста на играчот од коцкање и последиците од таквите дејства. - За зависноста на Тонали првпат дознавме од медиумите. Не знаевме ништо друго, одговори Милан. Тонали поради обложувања на својот клуб кога настапуваше за Милан, неодамна доби 10-месечна суспензија од фудбалските натпревари. Од Њукасл најавија правна постапка.

Тонали суспендиран на 10 месеци, ќе го пропушти ЕП 2024

Ивона Петрова — Thu, 26 Oct 2023 13:44:49 +0000

Фудбалерот од средниот ред на Њукасл и Италија, Сандро Тонали е суспендиран на 10 месеци поради обложување во фудбал, пренесува агенцијата „Франс прес“. Претходно беше објавено дека фудбалерот признал дека се обложувал на натпреварите на Милан кога настапувал за италијанскиот клуб. Поради суспензијата, 23-годишниот играч за врска ќе го пропушти Европското фудбалско првенство кое следното лето ќе се одржи во Германија. На 12 октомври се дозна дека Тонали и неговиот италијански репрезентативен партнер Николо Заниоло може да бидат обвинети за нелегално обложување на фудбал. Тонали во летниот преоден рок дојде во Њукасл од Милан. Вчера се појави информација дека англискиот клуб му се заканува на поранешниот клуб на Тонали со правна постапка.

Тонали призна дека се обложувал

Ивона Петрова — Wed, 18 Oct 2023 11:37:01 +0000

Фудбалерот од средниот ред на Њукасл, Сандро Тонали, кој претходно настапуваше за Милан, призна дека се обложувал на фудбалски натпревари, пренесува „La Gazzetta dello Sport“. Според зборовите на 23-годишниот Италијанец, тој ставал облози на натпреварите на Милан, но само на победата на неговиот тим во тие средби кога не бил на теренот. Доколку се потврдат зборовите на Тонали, тој се соочува со едногодишна суспензија од Премиер лигата. На 12 октомври се дозна дека Тонали и неговиот италијански репрезентативен партнер Николо Заниоло може да бидат обвинети за нелегално обложување на фудбалски натпревари. Италијанските медиуми објавија дека Тонали планира да се лекува од зависност од коцкање. Италијанскиот репрезентативен играч за врска играше за Милан од 2020 до 2023 година. Во летниот преоден рок тој се пресели во Њукасл.

Сандро Тонали ќе се „лекува“ од зависност на коцкање

Бошко Тасиќ — Sun, 15 Oct 2023 06:59:29 +0000

Италијанскиот фудбалски репрезентативец Сандро Тонали се расплакал при средбата со своето семејство откако излезе скандалот со нелегално обложување, информира Кориере дела сера. Тој ја признал вината и се согласил да се запише на курс за лечење од зависност од коцкање што било препорака и од обвинителството кое го води случајот. Тонали е во центарот на вниманието на скандалот, заедно со Заниоло, Фаџоли и Залевски, но истрагата откри уште неколку познати имиња во италијанскиот фудбал. На сите им се заканува суспензија до три години што, имајќи предвид дека станува збор за млади фудбалери, сериозно ќе го забави нивниот развој во кариерата.

Двајца репрезентативци на Италија завршија во полиција

Бошко Тасиќ — Fri, 13 Oct 2023 13:24:22 +0000

Италијанските фудбалери Николо Заниоло и Сандро Тонали мораа да го напуштат тренинг-кампот на Италија за да дадат изјави во полициска станица. Италијанскиот новинар Фабрицио Корона објави дека тие се обложувале на своите тимови додека седеле на клупа, а тоа е казниво дело и им се заканува суспензија ако се докаже вина. Веќе во јавноста е познат случајот со Ајван Тони од Брентфорд, кој беше суспендиран до почетокот на 2024 година.

Тонали и Заниоло под истрага за нелегално обложување, дополнително повикан Ел Шарави

Дарко Андоновски — Fri, 13 Oct 2023 08:40:38 +0000

Италијанските фудбалски репрезентативци Сандро Тонали и Никола Заниоло се под истрага за нелегално обложување, потврди синоќа Фудбалската федерација на Италија (ФИГЦ). Италијанските медиуми објавија дека полицијата во текот на вчерашниот ден влегла во репрезентативниот камп за да земе изјава од Тонали и Заниоло. Потврдувајќи ја истрагата која е во тек, ФИЦГ соопшти дека Заниоло и Тонали го напуштиле репрезентативниот камп и се вратени во своите клубови. Оваа одлука значи дека селекторот Лучијано Спалети нема да смета на услугите на двајцата фудбалери за претстојните натпревари во квалификациите за пласман на ЕУРО2024 против Малта и Англија. Спалети дополнително во репрезентацијата го повика напаѓачот на Рома, Стефан Ел Шарави. Италија е второпласирана в квалификациската група Ц со седум бодови, колку што имаат и украинската репрезентација на третото и македонската на четвртото место.

Тишина која зборува многу – Тонали осамен стоеше на трибините на Сан Сиро (ВИДЕО)

Ристе Здравков — Thu, 21 Sep 2023 08:58:23 +0000

Судбината сакаше Тонали да се падне во група со Милан и повторно да дојде на Сан Сиро. Сите знаат за неговата љубов кон клубот од Милано, тој и не сакаше да замине, но раководството го убеди да си оди поради големата понуда која од Њукасл која не сакаа да ја пропуштат. По денешното интервју за „Скај Спортс“ со Џанлука Ди Марцио, Сандро Тонали сам застана на трибината и емотивно гледаше во теренот.

View this post on Instagram

A post shared by Gianluca Di Marzio (@gianlucadimarzio)

„Одиграв многу натпревари на Сан Сиро и се сеќавам речиси на сите од нив. Утре емоциите ќе бидат големи, но знам да ги менаџирам и ќе се обидам да ги одвојам кога мечот ќе почне. Тоа е фудбалот, понекогаш ве изненадува“, вели Тонали. „Се сретнав со Пиоли, зборувавме за се освен за фудбал. Двајцата бевме среќни што повторно се сретнавме како пријатели“. „Одморив, се опоравив и ќе бидам подготвен да играм на утрешниот меч. Сакав да дојдам тука и за дуелот со Украина, но не можев поради резултатите од тестовите. Сега се е добро и ќе можам да играм“.

Трансфер за историја: Њукасл го потврди трансферот, Тонали стана најскап Италијанец на сите времиња

Ристе Здравков — Mon, 03 Jul 2023 11:55:09 +0000

Англискиот прволигаш Њукасл официјално го потврди големото засилување кое доаѓа од редовите на Милан, Сандро Тонали. Веќе некое време се знаеше дека Тонали ќе слета на „Стемфорд Бриџ“, ама сега тоа е потврдено со што е испишана нова историја. Њукасл за играчот за врска ќе плати 70 милиони евра (плус бонуси) и со тоа Сандро стана најскапо платен Италијанец на сите времиња. Договорот е повеќегодишен, поточно Сандро се договори за соработка до 2028 година.

Benvenuto, Sandro! 👋🇮🇹 pic.twitter.com/IulFBuq77B
— Newcastle United FC (@NUFC) July 3, 2023

-Прво сакам да му се заблагодарам на Њукасл затоа што ми дава голема можност за мојата кариера. Сакам да се оддолжам за довербата на теренот, давајќи се од себе како и секогаш. Навистина сум возбуден што ќе играм на Сент Џејмс Парк, едвај чекам да ја почувствувам топлината на навивачите, -порача Тонали. Ова воедно е и рекордна продажба за Милан, па сега на играчот останува да ги оправда средствата и довербата со тимот со кој ќе игра во ЛШ.

Тонали откри кога Ибрахимовиќ им кажал за пензионирањето, па порача: Не бевме подготвени за ова (ВИДЕО)

Ристе Здравков — Mon, 05 Jun 2023 08:10:18 +0000

Милан славеше над Верона со 3-1 во последната средба за оваа сезона во Серија А со што истата ја заврши на четвртата позиција што значи обезбеди пласман во Лигата на шампионите. Меѓутоа овој триумф падна во сенка на збогувањето на Златан Ибрахимовиќ со клубот, но и воедно со фудбалот затоа што напаѓачот решил дека е време за ги закачи копачките на клин. Ова беше одлука која дефинитивно ја изненади јавноста, но и одлука која од која беа изненадени од играчите кои дознале еден ден претходно, ама не можеа да ги сокријат емоциите на „Сан Сиро“. -Вчера дознавме за пензионирањето и не беше лесно да се подготвиме психички, -истакна Сандро Тонали кој беше еден од најемотивните. -Моравме да се подготвиме за натпреварот. Видов многу луѓе како плачат. Ќе ги гледам овие слики многу пати. Беше тешко по натпреварот, не бевме подготвени. Тој ми даде толку многу. Енергијата е збор за продолжување на сè. Со неговата желба за победа, тој ќе полудеше и ако загубеше натпревар на тренинг. Ова ќе остане засекогаш во сите. Беше посебен играч. -Мислам дека не бевме подготвени за ова. Тој знае дека остава важно наследство. Ќе разговарам подоцна со него, -додаде Италијанецот.

Non servono parole.#Tonali @Ibra_official #GODbyeZlatan pic.twitter.com/XtFm1Mt03s
— Pietro Balzano Prota (@PBPcalcio) June 5, 2023

Тонали: Поразот од Челзи може да не направи посилни

Ивона Петрова — Thu, 06 Oct 2022 06:29:35 +0000

Фудбалерот од средниот ред на Милан, Сандро Тонали смета дека од синоќешниот пораз од Челзи (0:3) во натпреварот од 3. коло од групната фаза на Лигата на шампионите, може да се извлечат добри поуки. – Не игравме како Милан. Но, овој пораз може да не направи посилни. Тешко е да се анализираат поединечни моменти од играта, мораме да го анализираме како целина. Да извлечеме поука и во иднина да не ги повториме грешките, изјави Тонали. Милан по три натпревари има собрано четири бода и се наоѓа на третото место во Е-групата. Челзи моментално е на второто место исто така со четири бода.