Стојкова Стефановска до Шкриељ и Рамчиловиќ: Очигледно немаат капацитет да ги разберат моите обраќања, не е лесно да си предавник

Магдалена Андонова — Sat, 16 Jul 2022 19:35:44 +0000

Јас сум доктор на науки од областа на културната антропологија и УНЕСКО-ов експерт за нематеријално културно наследство. Моето образование и етички кодекс како научник и професор налага, пред сE, почитување на културната разноликост и културните експресии. Етничката и културна разновидност е најубавиот атрибут на Македонија, а моето почитување кон различните култури и етнички заедници во Македонија сум го покажала на дело и со резултати, стои во Фејсбук објавата на пратеничката Велика Стојкова Стефановска која е од редовите на ВМРО-ДПМНЕ. Таа напиша дека жали што нејзините колеги пратеници од пратеничката група на СДС Санела Шкријељ и Зеќир Рамчиловиќ очигледно немаат капацитет да ги разберат нејзините обраќања, а во конкретниов случај јасно беше кому се обраќаше бидејќи говорот има и јасна гестикулација. - Идентитетот може да биде етнички, религиозен, родов, политички, социјален, културен... Во овој случај „збунетиот идентитет“ се однесуваше на сите пратеници од ПГ на СДС кој денес предавнички и безсрамно се откажаа од македонскиот идентитет. Ќе ја разберам колешката Санела Шкријељ, неодамна влезе во парламентот, но за Зеќир Рамчиловиќ, кој втор пат врши предавство на Македонија, не разбирам со кој ли ум измислува нешто што не е ниту помислено. Е не е лесно да си предавник, додава таа во својот Фејсбук статус.

Ова се новите пратенички во македонското собрание

Ристе Здравков — Tue, 25 Jan 2022 14:12:44 +0000

Тие влегуваат на местото на доскорешните пратенички од СДСМ, Славјанка Петровска и Бисера Костадиновска, кои добија министерски функции во новата влада на Димитар Ковачевски Државната изборна комисија (ДИК) на денешната седница и официјално ги потврди Санела Шкриељ и Марија Кочовска како нови пратенички на СДСМ во Собранието, кои доаѓаат на местото на две министерки во новата влада на Димитар Ковачевски. Сега, нивните пратенички мандати треба да бидат верификувани уште на пленарна седница во парламентот, преку Комисијата за деловнички и мандатно-имунитетни прашања. Санела Шкриељ беше дополнителна заменик-министерка за труд и социјална политика во преодната влада пред парламентарните избори во 2020 година, а во парламентот влегува како кандидатка од втората изборна единица, на местото на Славјанка Петровска која стана министерка за одбрана. Марија Кочовска е од Демир Хисар и на последните парламентарни избори беше на листата за петата изборна единица од каде доскорешната пратеничка и нова потпретседателка на СДСМ, Бисера Костадиновска-Стојчевска го напушти пратеничкото место поради преземањето на новата функција – министерка за култура.

Санела Шкриељ – Kurir.mk

Стојкова Стефановска до Шкриељ и Рамчиловиќ: Очигледно немаат капацитет да ги разберат моите обраќања, не е лесно да си предавник

Ова се новите пратенички во македонското собрание