сања алексиќ – Kurir.mk

Адвокатката Алексиќ смета дека спроведување на Јанкулоска е надвор од законската процедура

Магдалена Андонова — Tue, 29 Sep 2020 13:06:26 +0000

Адвокатка на Гордана Јанкулоска, Сања Алексиќ денеска пред новинарите изјави дека спроведување на Јанкулоска е надвор од секоја законска процедура од причина што таа е оневозможена да побара одлагање на издржувањето на казната по било кој друг основ од Законот за извршување на санкции. -Знам дека со ваквата изјава нема да се промени ништо, тоа е завршена работа. Јанкулоска во текот на вчерашниот ден некаде околу 15 часот ја примила одлуката на Врховниот суд, која што ни бранителите ја немаат се уште примено, и само после десетина минути се појавиле полициски службеници коишто и кажале дека мора да тргне со нив за да биде однесена на издржување на казната во затворот Идризово, изјави Алексиќ денеска пред Кривичниот суд. Додаде дека Јанкулоска во текот на вчерашниот ден нема примено упатен акт со којшто би била запознаена со терминот кога треба да се јави добороволно и да се подготви за одењето во затворот во Идризово. -Ние немаме правно средство сега на кој начин да реагираме на она што веќе е направено во текот на вчерашниот ден. Ќе можевме да реагираме доколку и се врачеше упатен акт со можност за мобла за одлагање по некои од другите основи коишто се предвидени во Законот за извршување на санкции, рече Алексиќ. Јанкулоска, додаде Алексиќ, секако знаела дека ќе треба да се јави на издржување на затворската казна во затворот Идризово, меѓутоа имала и можност да побара одлагање на издржување на казната според Законот за извршување на санкции. -Значи имаше еден упатен акт добиено, и истата со лична молба се обрати поради возраста на нејзиното дете да биде одложено издржувањето на казната. Освен тој упатен акт којшто беше со конкретен датум друг упатен акт нема добиено. И во тоа јас како нејзин бранител ја гледам повредата на нејзиното право, рече адвокатката Алексиќ и додаде дека во овој момент се непријатно изенадени заради прекршувањена нејзините права. Гордана Јанкулоска беше осудена на шест години, заедно со поранешниот премиер Никола Груевски кој доби две години за поттикнување на кривично дело, а заменикот министер Ѓоко Поповски доби шест години за злоупотреба на службена должност. Апелацискиот суд и ја намали казната на Јанкуловска на четири години. (МИА)

Адвокат Сања Алексиќ: Во предметот „Тенк“ Судот делуваше спротивно на ЗКП

Дарко Андоновски — Mon, 25 Feb 2019 12:03:51 +0000

Од почетокот до крајот на судската постапка за „Тенк“, Судот располагаше со докази само во вид на копии и копии на копии, ова го вели адвокатот Сања Алексиќ. -Ни велеа да се стрпиме и дека во фазата на изведување на доказите Судот ќе ги снабди истите во оригинална форма, но тоа не се случи. Со што претставува преседан во судството и суштествена повреда на Законот за кривична постапка, тврди адвокатот на Гордана Јанкулоска, Сања Алексиќ во својата жалба до Апелација за предметот „Тенк“, нагласува Алексиќ.

Алексиќ: Нејасно, неразбирливо и незаконито е решението за притвор на Божиновски

Катерина Бојаџиева — Mon, 26 Nov 2018 15:14:16 +0000

Нејасно, неразбирливо и незаконито- вака адвокатото Сања Алексиќ го оцени решението за притвор на поранешниот генерален секретар на Владата Кирил Божиновски, на денешната седница на Апелација на која се разгледува жалбата на Божиновски за мерката притвор. Според Алексиќ, постапено е поинаку од она што е законско решение. Божиновски пак истакна дека мерката притвор е неоправдана и несоодветна. Потенцираше и дека претходните мерки 17 месеци целосно ги почитувал.

Алексиќ: Одбраната немаше можност да се вклучи за да ги каже своите аргументи и да се произнесе по наводите од СЈО

Катерина Бојаџиева — Mon, 26 Nov 2018 14:19:36 +0000

Одбраната не е запознаена со предлогот за определување притвор на екс министерот за транспорт и врски Миле Јанакиески, ниту сме примиле предлог, нема ниту белешка, изјави адвокатот Сања Алексиќ на денешната седница на Апелација на која се разгледува жалбата на Јанакиески за мерката притвор. Постапката е водена еднострано, бидејќи како што истакна Алексиќ, одбраната немала можност да се вклучи и да ги каже своите аргументи, како и да се произнесе по наводите од СЈО. Јанакиески пак, посочи дека судовите вршат прекршување на законите и праксите на европскиот суд за човекови права. Вели дека ќе докаже дека решението за притвор е неосновано, незаконито и контрадикторно. Јанакиески изјави дека самото решение е базирано на фиктивна белешка. „На 14.11.2018 година ми беше врачено решение во 5 часот за определена мерка притвор без притоа да дадам изјава или да бидам сослушан од страна на кривичниот совет и да бидат избестени моите бранители. Ваквото незаконско постапување е спротивно на судската пракса.“ Додава дека со измените на законот за судови пресудите на европскиот суд за човекови права се обврзувачки при постапување во македонските судови. Екс министерот за транспорт и врски во својата одбрана изложена пред Апелација, а во однос на барањето да биде укината мерката притвор која беше донесен врз основ на белешка од УБК вели дека самата белешка е направена истиот ден кога се дознава за бегството на Никола Груевски и истата наместо да биде доставена до судот, е доставена со СЈО со што е прекршен член 108 од Законот за кривичната постапка. „Во однос на тврдењата во Решението, т.е. белешката дека преку посредник била остварена средба со Претседателот на Република Македонија, со цел да се издејствува амнестија за сите лица против кои се водат судски процеси од страна на СЈО, понатаму е наведено дека овој предлог бил одбиен, додека јас сум бил иницијатор на средбата. По завршување на средбата со Претседателот, наводно посредникот се упатил на средба со мене за да ми го пренесе ставот, а јас наводно сум кажал дека ќе се дадам во бегство, бидејќи амнестијата ми била последна шанса.“ За горенаведените факти во Решението, т.е. белешката од УБК, Јанакиески истакна повеќе нелогичности, но и факти кои ќе докажат дека Решението се базира на фиктивна белешка:

Не е наведено во кои денови, каде и во колку часот биле остварени средбите помеѓу мене и посредникот.
Нема податок за датумот, времето и местото кога е остварена средбата помеѓу посредникот и Претседателот.
Во Решението не е презентирано дали СЈО или Кривичниот совет направиле проверка со Кабинетот на Претседателот Иванов дали таква средба воопшто била одржана, која била темата, но и нивото на доверливост на изворот, кога веќе белешката не е доставена во прилог на Решението, па ниту јас, ниту мојата одбрана ја имаме на увид.
Одбраната и јас немаме податок дали некој орган ги проверил безбедносните камери и дали добиле информација од припадниците на МВР кои го евидентираат секој посетител, со цел да потврдат дали имало средба со посредникот и Претседателот Иванов.

Понатаму Јанакиески го замоли судот во однос на утврдување на веродостојноста од Решението, т.е. белешката во предвид да ги земат соопштенијата од Кабинетот на Претседателот, чија содржина ја слушнал на радио, каде во целост ја демантираат содржината на белешката, т.е. дека Претседателот воопшто немал средба со посредник, ниту пак дискутирал на тема амнестија. -Не смее да се стави знак на еднаквост помеѓу став, т.е. соопштение од институција како што е Претседател на Република Македонија со белешка од некој вработен во УБК. За овој вработен, ако има правда во Република Македонија, треба да се преземат најригорозни мерки за лажен исказ, т.е. доставување на фиктивна белешка, потенцираше Јанакиески.

Алексиќ: Јанакиевски и Божиновски не дадоа никаква причина ни повод за да им се одреди мерка притвор

Дарко Андоновски — Fri, 16 Nov 2018 14:12:16 +0000

На новинарско прашање што разговарале претседателот Ѓорге Иванов и Миле Јанакиевски адвокатот Сања Алексиќ вели дека конкретно не знаела за што зборувале тие. Јас конкретно не знам за што разговарале тие, меѓутоа после даденото соопштение од кабинетот на претседателот на Република Македонија кое беше објавено во текот на минатиот ден е јасно дека не станува збор за некакви посредници и валидни службени белешки на основа на кои овој суд определи притвор како на обвинетиот Миле Јанакиевски така и на обвинетиот Кирил Божиновски, ова денеска пред судот го изјави Сања Алексиќ адвокатот на обвинетите Јанакиевски и Божиновски. Таа додава дека одбраната секогаш соработувала со СЈО и сметам дека ваквото донесено решение со кое што се определува притвор за двајцата обвинети е повеќе поради неприсутноста на Никола Груевски, меѓутоа и судот во Стразбур по однос на истото има став дека однесувањето на сообвинетите не претставува основ за да се определи притвор на некој друг, во конкретниот случај ниту на обвинетиот Миле Јанакиевски, ниту на Кирил Божиновски кои што не дадоа ниту причина ниту повод да се определи притвор, бидејќи доследно и без прекорно ги почитуваа мерките на претпазливост кои што беа определени во текот на јули 2017 година, што значи повеќе од една година. -Поднесовме и жалби како за Миле Јанакиевски така и за Кирил Божиновски во текот на претходниот ден и побаравме јавни седници во кои што ќе си ги истакнеме своите желби, потенцираше Алексиќ.

Прекршена е презумпцијата на невиност, тврди адвокатката на Груевски

Ивона Петрова — Thu, 11 Oct 2018 14:30:13 +0000

Адвокатката на екс премиерот Никола Груевски, Сања Алексиќ во изјава за Телма тврди дека со вчерашните изјави на специјалната обвинителка Јанева е прекршена презумпцијата на невиност на осомничените во 6 нови истраги на СЈО. Алексиќ прави паралела со соопштенијата на Јавното обвинителство, кое објавува само број на осомничени и дело за кое се товарат. -Доколку ги проучите истите може да утврдите дека во ниту еден случај, кога станува збор за наредба за спроведување на истражна постапка, а уште повеќе по спроведена истражна постапка за подигнување на обвинителен акт, во ниту еден случај немало да бидат наведени осомничените, односно обвинетите со име и презиме. Не фигурираат ниту иницијали, туку се наведува бројот на лицата против кои се спроведува истрага и кривичното дело за кое се товарат. Оттука е јасно како треба да изгледа едно соопштение на Јавен обвинител во случај кога се почитува презумпцијата на невиност согласно Законот за кривична постапка и Европската конвенција за човекови права, истакна Алексиќ за Телма. Адвокатката Алексиќ се чуди и на информацијата која ја пласираше Јанева дека Груевски за 20-тина ќе оди во затвор, затоа што досега адвокатитет и осудениот во случајот Тенк не добиле никакво решение од надлежните судски инстанци.

Алексиќ: Обвинението за Груевски во „Тенк“ е застарено и не треба да се гони

Ивана Ефремовски — Thu, 17 May 2018 12:16:40 +0000

Во завршните зборови на случајот со набавка на блиндирано возило адвокатката Сања Алексиќ нагласи дека покрај тоа што не постојат докази за делото, обвинението е застарено бидејќи се поминати повеќе од три години од самиот предмет. - Ќе зборувам и со јазикот на обвинителството и ќе тргнам од нивните тврдења па ќе истакнам дека со обвинителен предлог СЈО го терети обвинетиот Никола Груевски за кривично дело Примање награда за противзаконито влијание од чл 359 ст 2 од КЗ за кое е запретена казна затвор од една до три години. Од страна на обвинителството се доставија аудио материјали од незаконско следење на комуникации и со тонски запис од 26 февруари 2012 тагодина обвинителството тврди дека обвинетиот во разговор со женска особа бара набавка на возило на буквата М од каде прејудицира дека истиот побарал да се купи ново блиндирано ПМВ од марката Мерцедес. Согласно чл 30 од КЗ кривичното дело е сторено во време кога сторителот работел или бил должен да работи без оглед кога настапила последицата. Согласно чл 107 ст 1 т 5 од КЗ застареноста за гонење на предметното кривично дело настапува со протек на три години од извршување на кривичното дело. Согласно чл 108 ст 6 од КЗ застареноста на кривично гонење настапува во секој слчај кога ќе помине два пати онолку време колку што според закон се бара за застареноста на кривичното гонење, изјави адвокатката Алексиќ. -Оттука со оглед дека е поминато повеќе од шест години од моментот за кој обвинителот тврди дека обвинетиот Никола Груевски го сторил кривичното дело кое му се става на товар евидентно е дека по вака презентираното обвинение настапила апсолутна застареност на кривичното гонење, додаде Алексиќ.

Одбраната во случајот „Тенк“ се сомнева во стручните познавања на вештакот Герамитчиевски

Матеја Петровски — Wed, 25 Apr 2018 14:50:14 +0000

Одбраната во случајот „Тенк“ се обидуваше да извлече одговори од сведокот вештак, Тале Герамитчиевски за како што кажа адвокатот Стерјо Зиков, да ги докаже неговите стручни познавања во врска со тендерската документација и во делот на спецификациите на возилото. Но, безуспешно. Судијата Кацарска ги усвојуваше сите приговори на ЈО на прашањата од одбраната. Адвокатите беа спречени во обидот да извлечат нешто повеќе од вештакот, кој бил задолжен да ги анализира и споредува техничките карактеристики од листата на спецификации со набавеното возило Мерцедес с 600 Гард. Па, според тоа адвокатката Сања Алексиќ рече дека одбраната се сомнева во стручните знаења на вештакот Тале Герамитчиевски. И денешното рочиште за Тенк заврши по работното време. Иако Коалицијата Сите за правично судење ја истакнаа својата загриженост по однос на динамиката на движење и траење на овој случај, овој судски совет продолжува да го прекршува членот 6 од Европската конвенција за човекови права кој упатува на минимални утврдени права на обвинетиот меѓу кои и обезбедување на време и услови за подготвување на одбраната. Со пролонгираното времетраење на рочиштето, а по завршувањето на работното време на судот, се смета дека се постапува на штета на обвинетите во постапката со тоа што се врши повреда на нивното право на одбрана, се вели во овој член. Следното рочиште е закажано за 8 мај на кое ќе се читаат писмените докази од страна на одбраната.