ВИДЕО: Одлична преработка на патриотската песна „Оган да го гори“ во изведба на Сања Ристеска

Тале Кристо — Wed, 14 Sep 2022 10:40:41 +0000

Пејачката Сања Ристеска, која во моментов е една од најпопуларнитепејачки на нашата фолк естрада. Водена од љубовта кон македонската традиционална песна, направи извонредна преработка на песната “Оган да го гори”, оригинално изведена од доајенот на македонската народна музика Гоце Николовски, чиј автор на музиката и текстот е самиот тој. Песната е премиерно изведена 1992 и по цели 30 години и уште 3 преработки од врвни македонски пејачи, како група Бисер, Војо Стојановски и Сузана Спасовска, ја добива и оваа модерна верзија. Спотот е снимен во Крушево и е во продукција на “Арт студио” и BalkanMusicTv, аранжманот го направи Дејан Момировски (XL Studio), а дополнителна празнична и впечатлива музичка нота дава познатиот Џељо Дестановски со своите зурла и кавал. “Верувам дека ќе ве направам горда и ќе го зачуваме духот на македонската песна сите заедно” – изјави Сања Ристеска задоволна од реализацијата на целиот нов музички проект. Со констатацијата дека во овие турболентни времиња во кои опстанокот и идентитетот на татковината и македонскиот народ се брутално загрозени, на Македонија и тоа како и се потребни вакви исклучително патриотски настроени уметници, кои и во иднина низ своите песни ќе продолжат да ја негуваат традицијата на македонската народна музика и обичаи, кои се нераскинлив дел од идентитетот на еден народ. Проследете како звучи изгледа најновата верзија на „Оган да го гори“ во изведба на Сања Ристеска (КЛИКНИ ТУКА), која премиерно беше промовирана за Денот на независноста, 8-ми Септември, годинава:

ФОТО: Македонска фолкерка накитена со пари, дијаспората не штеди на бакшиш за народна песна

Ивана Ефремовски — Mon, 15 Jan 2018 14:31:39 +0000

Додека во Македонија српските и хрватските пејачи растураат со хонорарите, ретко кој од нив е под 10 илјади евра, во исто време таму преку Големата бара, растураат нашите во македонската дијаспора.Така неодамна, во времето на Новогодишните и Божиќните празници, концертно а, со тоа и финансиски најдобро помина, според информациите кои допираат до Македонија, згодната фолкерка Сања Ристеска- пишува Вечер.пресс. Таа заедно со неколкумина наши естрадни ѕвезди, меѓу кои и Благоја Грујовски, Наум Петрески, Митко Бежаноски, направи невидена забава. Тие што дојдоа на нејзините настапи не жалеа да даваат пари. Впрочем, Сања одлично се закити со еден куп девизи. Немајќи простор каде да го става спечалениот бакшиш, мораше да се снаоѓа на лице место, па самиот микрофон го китеше со доларите. Сосема јасно е дека за нашите пејачи се повеќе има и работа и пари таму во далечна Америка, отколку во родната земја Македонија, пишува Вечер.пресс.

сања ристеска – Kurir.mk

ВИДЕО: Одлична преработка на патриотската песна „Оган да го гори“ во изведба на Сања Ристеска

ФОТО: Македонска фолкерка накитена со пари, дијаспората не штеди на бакшиш за народна песна