Санкт Петербург – Kurir.mk

ОД ТОА ШТО СЕ ПОЈАВИ НА НЕБОТО ЦЕЛА ДРЖАВА СЕ КРЕНА НА НОЗЕ – затворен аеродромот во Санкт Петербург (ФОТО)

Дарко Андоновски — Tue, 28 Feb 2023 09:38:38 +0000

Сите комерцијални летови до Санкт Петербург, Русија се одложени и пренасочени откако над градот бил забележан „непознат објект“. Градските власти соопштија дека аеродромот Пулково во Санкт Петербург престанал да прима авиони, а најавените доцнења на летовите се и до 12 часа, пренесува „Комерсант“. Во соопштението се наведува дека „аеродромот и неговите услуги работат нормално“. Според податоците на веб-страницата Flightradar24, која го следи движењето на авионите, на небото над градот и Ленинградската област нема цивилни авиони. Летови од Москва до Санкт Петербург кружат или се враќаат.

All Commercial Aircraft that were inbound towards St. Petersburg have been diverted away reportedly due to “Unknown Objects” being spotted over the City; the Russian Air Force is said to have been scrambled to handle the Intrusion. pic.twitter.com/m1rsswRzn5
— OSINTdefender (@sentdefender) February 28, 2023

Телевизискиот канал РЕН, повикувајќи се на анонимен извор, јавува дека воздушниот простор во радиус од 200 километри е затворен над аеродромот Пулково. „На небото има воени авиони, потрагата по натрапникот е во тек“, пренесува тој ТВ канал.

Завршниот турнир во СЕХА следната сезона во Санкт Петербург

Бошко Тасиќ — Sat, 10 Sep 2022 06:59:17 +0000

Новата сезона во регионалната ракометна СЕХА лига ќе се игра во две дивизии – Исток и Запад. Во источната дивизија ќе играат по четири руски и четири белоруски тимови, меѓу кои и Нева Санкт Петербург, тим што ќе биде спонзориран од Газпром. Во Русија се раѓа уште еден гигант, што ќе им парира на ЦСКА Москва и Чеховски Медведи во борбата за трофеи, а амбициите одат до таму што веќе се споменува дека завршниот турнир ќе се одигра во Санкт Петербург. Претходно треба да има посебни завршни турнири во двете дивизии, а ќе има трет Ф4 на кој би требало да играат најдобрите од двете дивизии. Со актуелната ситуација во тој регион во моментов ова е тешко остварливо, но во следниот период ќе има поконкретни информации од раководството на СЕХА. Во западната дивизија, за која допрва треба да се потврди бројката на учесници и форматот, ќе играат и двата македонски претставници Вардар и Еурофарм Пелистер. Се очекува стартот на новата сезона во СЕХА да биде кон средината на октомври.

Од 21 септември во Санкт Петрбург – се воведува директен лет од Скопје еднаш неделно, а за летовите до Москва има промена

Магдалена Андонова — Thu, 02 Sep 2021 13:10:40 +0000

Руската авиокомпанија Нордвинд Ерлајнс од 21 септември стартува нова авиолинија Санкт Петрбург – Скопје. Компанијата соопшти дека летовите ќе се одвиваат еднаш неделно, секој вторник. Од 29 септември, Нордвинд Ерлајнс планира да ја зголеми и фреквенцијата на летови од Москва до Скопје. Директни летови Москва – Скопје ќе има трипати неделно – секој понеделник, среда и петок. (МИА)

СПЕКТАКЛ ВО САНКТ ПЕТЕРБУРГ: Дронови го осветлија небото и направија вистинско шоу (ВИДЕО)

Магдалена Андонова — Tue, 04 May 2021 09:53:14 +0000

Синоќа се одржа шоу со дронови во Санкт Петербург. Настанот беше организиран во рамките на отворањето на туристичката сезона. Иако забраната за масовни собири во главниот град на северот на Русија е сè уште во сила поради пандемијата на коронавирусот, голем број луѓе се собраа да уживаат во необичното шоу.

Заложничка драма во Санкт Петербург – маж со секира држи заробени шест деца

Магдалена Андонова — Tue, 24 Nov 2020 11:56:16 +0000

Вооружен маж држи во заложништво шест деца во стан во предградието на Санкт Петербург Колпино. Безбедносните сили истакнуваат дека напаѓачот бил пијан и вооружен со секира. Полицијата е на лице место, пренесува Спутник. „Тој не ја отвора вратата, не одговара на телефон“, изјави изворот на сопругата на пијаниот маж, додавајќи дека низ вратата се слушаат детски плач. Полицијата е на лице место, со него контактирала неговата сопруга, која не можела да влезе во станот. Полицијата преговара со вооружениот човек, но тој досега не упатил никакви барања.

Повторно лажни дојави за бомби во Санкт Петербург

Ивана Ефремовски — Fri, 06 Dec 2019 19:32:58 +0000

Една третина од станиците на подземната железница, 20 болници и 40 образовни установи во Санкт Петербург денеска примијата предупредувања за поставени бомби. Специјалните полициски единици утврдија дека станува збор за лажни дојави. Експерти за експлозив и специјално обучени кучиња ја проверуваат безбедноста на метро станиците. Евакуирани беа и судовите во градот, но повторно почнаа со работа откако беше утврдено дека дојавите се лажни. И вчера се спроведуваше евакуација во Санкт Петербург откако 22 метро станици, 24 болници и 57 училишта и високообразовни институции примија закани за поставени бомби, кои подоцна се утврди дека се лажни. Бранот лажни дојави почна минатата недела со електронско писмо испратено до Градскиот суд, во кое беше барањето за надомест од 120 милиони рубљи (187.200 долари) да се префрлат во биткоини. Откриено е и дека повиците доаѓале од странство, најверојатно од Украина. (МИА)

Руската Формула 1 трка ќе се пресели од Сочи во Санкт Петербург

Дарко Андоновски — Fri, 27 Sep 2019 14:14:52 +0000

Трката од Формула 1 шампионатот која в недела ќе се вози на патеката во Сочи, би можела да биде претпоследна во овој олимписки град на Црното море. Според најавите, наместо во Сочи, трките за Големата награда на Русија од 2021 година ќе се возат во Санкт Петербург. Русите вложија многу пари за изградба на Ф1 патеката во Сочи, но инвестицијата не им се исплати, бидејќи трибините никогаш во овие пет години не беа полни. Според претседателот Владимир Путин, идеално решение за преселба би бил Санкт Петербург, и тоа за две години. Во некогашен Ленинград ќе треба да се изгради нов автодром, иако во минатото таму биле почетоците на тркачките спортови во Русија. Досега на трките во Сочи, секогаш победуваат пилоти на Мерцедес, а годинава ќе имаат сериозна конкуренција во Ферари.

Со „БМВ Х6“ покоси пешаци, двајца починаа на лице место (ВОЗНЕМИРУВАЧКО ВИДЕО)

Катерина Бојаџиева — Mon, 25 Feb 2019 21:46:19 +0000

Две лица загинаа, а три се повредени откако автомобил удри во пешаци на тротоар во центарот на Санкт Петербург, пренесуваат руски медиуми. Според нив, загинал американскиот државјанин Тод Кровел и уште едно лице од Москва, а возачот бил под влијание на азотен оксид и изгубил свест. Ужасниот судар се случил на авенијата во текот на ноќта, кога БМВ Х6 кој возачот го возел со голема брзина удрил во неколку возила пред да налета на тротоарот. Автомобилот тогаш погодил група пешаци и ги отфрлил во воздух. До несреќата дошло прилично доцна вечерта и имало малку луѓе во близина, на обично прометната раскрсница. Возачот е фатен од страна на полицијата на самото место, а медиумите го идентификуваат како 30-годишниот Мурад К, кој бил под дејство на азотен оксид - хемиско соединение кое се користи како анестетик и е познат како „гас за смеење“.

Се урна дел од зграда на универзитет: Спасени сите студенти и професори

Катерина Бојаџиева — Sat, 16 Feb 2019 17:01:51 +0000

Дел од зградата на универзитет во рускиот град Санкт Петербург се урна попладнево, но сите студенти и професори кои се наоѓале внатре се безбедно евакуирани, соопштија службите за итни случаи. Потврдено е дека 86 лица се безбедно евакуирани и не е пронајдено ниту едно тело под урнатините за време на спасувачката операција. Ректорот на универзитетот, Владимир Василев изјави дека никој не останал затрупан под урнатините. Инцидентот се случи денеска на Универзитетот за информатички технологии, механика и оптика додека се одржувала настава, пишува „Раша тудеј“. Претходно беше објавено дека најмалку 60 луѓе биле евакуирани од зградата по несреќата, а се стравуваше дека под урнатините се наоѓаат дури 21 лице. На фотографиите кои се објавени по уривањето се забележува голема дупка на покривот од зградата, како и густа прашина. Несреќата најверојатно е предизвикана од градежните работи во зградата, каде горните катови делумно се распаднале.

Во Санкт Петербург измерени рекордно високи температури на воздухот

Катерина Бојаџиева — Thu, 18 Oct 2018 13:16:02 +0000

Во Санкт Петербург денеска се измерени 16,6 степени Целзиусови, што е највисока измерена темепература на денешен датум од 1918 година, кога се измерени 15,2 степени. Пред три дена во Санкт Петербург температурата на воздухот изнесуваше 18,6 степени, со што исто така е соборен рекордот за 15 октомври од 19 век. Според руските метеоролози се очекува пад на температурите во Санкт Петербург, а следната недела можно е и да падне снег.